ಪೇಡದ ಊರು ಧಾರವಾಡದಲ್ಲಿ ಹೀರೊ ಘಟಕ?

ಚಿತ್ರಲೋಕ

ಗುಜರಾತಿನಲ್ಲಿ ನಿರ್ಮಿಸಲು ಉದ್ದೇಶಿಸಿರುವ ಕಂಪನಿಯ ನಾಲ್ಕನೇ ಘಟಕಕ್ಕೆ ಸುಮಾರು 1,200 ಕೋಟಿ ರುಪಾಯಿ ಹೂಡಿಕೆ ಮಾಡುವ ನಿರೀಕ್ಷೆಯನ್ನು ವರದಿಗಳು ವ್ಯಕ್ತಪಡಿಸಿವೆ. ಗುಜರಾತ್ ಸರಕಾರದೊಂದಿಗೆ ಈ ಕುರಿತು ಮಾತುಕತೆ ಪೂರ್ಣಗೊಳಿಸಿದ್ದು, ಶೀಘ್ರದಲ್ಲಿ ಕಂಪನಿಯು ಅಧಿಕೃತವಾಗಿ ಪ್ರಕಟಿಸುವ ನಿರೀಕ್ಷೆಯನ್ನು ಅಧಿಕೃತ ಮೂಲಗಳು ವ್ಯಕ್ತಪಡಿಸಿವೆ.

ಇದರೊಂದಿಗೆ ಕಂಪನಿಯು ಐದನೇ ಘಟಕವನ್ನು ಕರ್ನಾಟಕದಲ್ಲಿ ನಿರ್ಮಿಸುವ ನಿರೀಕ್ಷೆಯಿದೆ. ಇದಕ್ಕಾಗಿ ಕರ್ನಾಟಕ ಸರಕಾರವು ಹೀರೋ ಮೊಟೊಕಾರ್ಪ್ ಗೆ ಧಾರವಾಡದ ಟಾಟಾ ಮೋಟರ್ಸ್ ಘಟಕದ ಹತ್ತಿರ 500 ಎಕರೆ ಭೂಮಿ ನೀಡುವುದಾಗಿ ಹೇಳಿದೆ. ಈ ಕುರಿತು ಮಾತುಕತೆ ಚಾಲ್ತಿಯಲ್ಲಿದೆ.

ಸ್ಥಳೀಯ ಬೇಡಿಕೆಯನ್ನು ಪೂರೈಸುವುದರ ಜೊತೆಗೆ ಕಂಪನಿಯು 2010ರಲ್ಲಿ 100 ಕೋಟಿ ಡಾಲರ್ ರಫ್ತು ವಹಿವಾಟು ನಡೆಸುವ ಗುರಿ ಹೊಂದಿದೆ. ಈ ಗುರಿ ಸಾಧಿಸಲು ಹೆಚ್ಚುವರಿ ದ್ವಿಚಕ್ರ ವಾಹನ ಉತ್ಪಾದನೆಯು ನೆರವಾಗಲಿದೆ. (ಕನ್ನಡ ಡ್ರೈವ್ ಸ್ಪಾರ್ಕ್)