Click it and Unblock the Notifications
ಗ್ರಾಹಕರಿಗಾಗಿ ಯಮಹಾ ಲಿಮಿಟೆಡ್ ಅಡಿಷನ್ ಬಿಡುಗಡೆ
ಹಬ್ಬದ ಸೀಸನ್ ಚಾಲ್ತಿಯಲ್ಲಿರುವಂತೆಯೇ ವಾಹನ ತಯಾರಕ ಕಂಪನಿಗಳು ನೂತನ ಮಾಡೆಲ್ ಹಾಗೂ ಪರಿಷ್ಕೃತ ಮಾದರಿಗಳನ್ನು ಬಿಡುಗಡೆಗೊಳಿಸುತ್ತಿರುವುದು ಸಾಮಾನ್ಯವಾಗಿ ಕಂಡುಬರುತ್ತಿರುವ ದೃಶ್ಯ. ಯಾಕೆಂದರೆ ಈ ಅವಧಿಯಲ್ಲಿ ಮಾರಾಟ ಬೇಡಿಕೆ ಅತಿ ಹೆಚ್ಚಾಗಿರುತ್ತದೆ. ಗ್ರಾಹಕರಲ್ಲಿ ದೀಪಾವಳಿಗಳಂತಹ ಹಬ್ಬದ ಸಂಭ್ರಮದಲ್ಲಿ ನೂತನ ವಾಹನ ಖರೀದಿ ಮಾಡಲು ಸೂಕ್ತ ಸಮಯ ಎಂಬ ಭಾವನೆ ಮೂಡುತ್ತಿರುವುದು ಹಾಗೂ ಬೇಡಿಕೆಗಳಿಗೆ ಅನುಸಾರವಾಗಿ ಕಂಪನಿಗಳು ಭಾರಿ ಕೊಡುಗೆಗಳನ್ನು ಮುಂದಿರಿಸುವುದು ಈ ಅವಧಿಯಲ್ಲಿ ಬೇಡಿಕೆ ಹೆಚ್ಚಾಗಲು ಪ್ರಮುಖ ಕಾರಣವಾಗಿದೆ.
ಇದರಂತೆ ದೀಪಾವಳಿ ಹಬ್ಬ ಸಮೀಪಿಸುತ್ತಿರುವಂತೆಯೇ ದೇಶದ ಗ್ರಾಹಕರಿಗೆ ನೂತನ ಕೊಡುಗೆಯಾಗಿ ಬಂದಿರುವ ಯಮಹಾ ಕಂಪನಿಯು ನೂತನ ಲಿಮಿಟೆಡ್ ಅಡಿಷನ್ ಫೇಜರ್ ಹಾಗೂ ಎಫ್ಝಡ್-ಎಸ್ ಆವೃತ್ತಿಗಳನ್ನು ಬಿಡುಗಡೆಗೊಳಿಸಿದೆ. ಈ ಮಾದರಿಗಳು 150 ಸಿಸಿ ಸೆಗ್ಮೆಂಟ್ನಲ್ಲಿ ಗ್ರಾಹಕರನ್ನು ತಲುಪಲಿದೆ.
ಯಮಹಾ ಫೇಜರ್ ಹಾಗೂ ಎಫ್ಝಡ್-ಎಸ್
ನೂತನ ಲಿಮಿಟೆಡ್ ಅಡಿಷನ್ ಫೇಜರ್ ಹಾಗೂ ಎಫ್ಝಡ್-ಎಸ್ ವೆರಿಯಂಟ್ ಬೈಕ್ಗಳು ಪರ್ಪಲ್ ಹಾಗೂ ಸಿಲ್ವರ್ ಡ್ಯುಯಲ್ ಟೋನ್ ಕಲರ್ ವೆರಿಯಂಟ್ಗಳಲ್ಲಿ ಲಭಿಸಲಿದೆ.
ದರ ಮಾಹಿತಿ (ಎಕ್ಸ್ ಶೊರೂಂ ದೆಹಲಿ)
ಯಮಹಾ ಎಫ್ಝಡ್-ಎಸ್: 78,130 ರು.
ಯಮಹಾ ಫೇಜರ್: 73,030 ರು.
ಯಮಹಾ ಫೇಜರ್ ಹಾಗೂ ಎಫ್ಝಡ್-ಎಸ್
ಎಫ್ಝಡ್-ಎಸ್ ಹಾಗೂ ಫೇಜರ್ ಆವೃತ್ತಿಯ ಲಿಮಿಟೆಡ್ ಅಡಿಷನ್ ಬೈಕ್ಗಳು ಪ್ರಮುಖವಾಗಿ ಕಾಸ್ಮೆಟಿಕ್ ಬದಲಾವಣೆ ಹಾಗೂ ನೂತನ ಸ್ಟಿಕ್ಕರ್ಗಳೊಂದಿಗೆ ಆಗಮನವಾಗಿದೆ. ಪ್ರಮುಖವಾಗಿ ಹಬ್ಬದ ಸೀಸನ್ನಲ್ಲಿ ಎದುರಾಳಿ ಕಂಪನಿಗಳನ್ನು ಟಾರ್ಗೆಟ್ ಮಾಡಿಕೊಂಡಿರುವ ಯಮಹಾ ಗ್ರಾಹಕರನ್ನು ತನ್ನತ್ತ ಸೆಳೆಯಲು ಮುಂದಾಗಿದೆ.
ಯಮಹಾ ಫೇಜರ್ ಹಾಗೂ ಎಫ್ಝಡ್-ಎಸ್
ಯಮಹಾ ಎಫ್ಝಡ್-ಎಸ್ ಹಾಗೂ ಫೇಜರ್ ಮಾದರಿಯ ಎಂಜಿನ್ಗಳಲ್ಲಿ ಯಾವುದೇ ಬದಲಾವಣೆ ಕಂಡುಬಂದಿಲ್ಲ. 153 ಸಿಸಿ ಎಂಜಿನ್ ಏರ್ ಕೂಲ್ಡ್ ಸಿಂಗಲ್ ಸಿಲಿಂಡರ್ ಫೋರ್ ಸ್ಟ್ರೋಕ್ ಕಾರ್ಯವೆಸಗಲಿದೆ. ಯಮಹಾ ಎಫ್ಝಡ್-ಎಸ್ ಹಾಗೂ ಯಮಹಾ ಫೇಜರ್ ಎಂಜಿನ್ 14 ಪಿಎಸ್ ಪೀಕ್ ಪವರ್ ಹಾಗೂ 13.6 ಎಂಎಮ್ ಪೀಕ್ ಪವರ್ ಉತ್ಪಾದಿಸಲಿದ್ದು, ಶಿಫ್ಟಿಂಗ್ 5 ಸ್ಪೀಡ್ ಮ್ಯಾನುವಲ್ ಗೇರ್ಬಾಕ್ಸ್ ಹೊಂದಿರಲಿದೆ.
ಯಮಹಾ ಫೇಜರ್ ಹಾಗೂ ಎಫ್ಝಡ್-ಎಸ್
ನೂತನ ಲಿಮಿಟೆಡ್ ಅಡಿಷನ್ ಬೈಕ್ನಲ್ಲಿ ಪರ್ಪಲ್ ಹಾಗೂ ಸಿಲ್ವರ್ ಡ್ಯುಟಲ್ ಟೋನ್ ಪೈಂಟ್, ಗ್ರಾಬ್ ರೈಲಿನಲ್ಲಿ ಪರ್ಪಲ್ ಫಿನಿಶಿಂಗ್, ಯಮಹಾ ಲೊಗೊ ಹಾಗೂ ಲಿಮಿಟೆಡ್ ಅಡಿಷನ್ ಲೊಗೊಗಳನ್ನು ಹೊಂದಿರಲಿದೆ.
ಯಮಹಾ ಫೇಜರ್ ಹಾಗೂ ಎಫ್ಝಡ್-ಎಸ್
ಮುಂಬರುವ ದಿನಗಳಲ್ಲಿ ಯಮಹಾ ಮತ್ತಷ್ಟು ಎಂಜಿನ್ ಸಾಮರ್ಥ್ಯದ ಬೈಕ್ಗಳನ್ನು ದೇಶದಲ್ಲಿ ಅನಾವರಣಗೊಳಿಸಲಿದೆ. ಬಹುನಿರೀಕ್ಷಿತ 250 ಸಿಸಿ ಆರ್25 ಬೈಕ್ ಮುಂಬರುವ ವಾಹನ ಮೇಳದಲ್ಲಿ ಪ್ರದರ್ಶನಗೊಳ್ಳುವ ನಿರೀಕ್ಷೆಯಿದೆ.
Continue with Google