ಬಜಾಜ್ ಪಲ್ಸರ್ 200ಎನ್ಎಸ್: ದರ ಎಷ್ಟಿರಬಹುದು?

ಕಂಪನಿಯು ನೂತನ ಬೈಕಿನ ದರವನ್ನು ಇನ್ನೂ ಬಹಿರಂಗ ಪಡಿಸಿಲ್ಲ. ಒಂದು ಮೂಲದ ಪ್ರಕಾರ ಈ ಬೈಕ್ ದರ ಮುಂದಿನ ತಿಂಗಳು ಪ್ರಕಟವಾಗಲಿದೆಯಂತೆ. ನೂತನ 145 ಕೆಜಿ ತೂಕದ ಪಲ್ಸರ್ ಬೈಕ್ ಆಕರ್ಷಕ ವಿಶೇಷತೆಗಳೊಂದಿಗೆ ಬಂದಿದೆ

ಆದರೆ ಬಜಾಜ್ ಹೇಳುವ ಪ್ರಕಾರ ಪಲ್ಸರ್ 200ಎನ್ಎಸ್ ದರ ಒಂದು ಲಕ್ಷ ರುಪಾಯಿಗಿಂತ ಕಡಿಮೆ ಇರಲಿದೆಯಂತೆ. ಬಜಾಜ್ ಇತ್ತೀಚೆಗೆ ಪರಿಚಯಿಸಿದ ಕೆಟಿಎಂ ಡ್ಯೂಕ್ 200 ಬೈಕ್ ದರ 1.70 ಲಕ್ಷ ರು. ಆಸುಪಾಸಿನಲ್ಲಿತ್ತು. ಆದರೆ ಡ್ಯೂಕ್ ಬೈಕಿಗೆ ಹೋಲಿಸಿದರೆ ನೂತನ ಪಲ್ಸರ್ ಕಡಿಮೆ ಫೀಚರುಗಳನ್ನು ಹೊಂದಿದೆ.

ಮಾರ್ಚ್ ತಿಂಗಳ ಅಂತ್ಯದಲ್ಲಿ ಬಜಾಜ್ ಕಂಪನಿಯು ನೂತನ ಪಲ್ಸರ್ ದರ ಬಹಿರಂಗಪಡಿಸುವ ನಿರೀಕ್ಷೆಯಿದೆ. ಸರಿ ಈ ಬೈಕ್ ಯಾವಾಗ ಖರೀದಿಸಬಹುದು? ಶೋರೂಂಗೆ ಯಾವಾಗ ತಲುಪುತ್ತೆ? ಈ ಪ್ರಶ್ನೆಗೆ ಉತ್ತರ "ಏಪ್ರಿಲ್ 2012" ಎಂದಾಗಿದೆ. ಅಲ್ಲಿವರೆಗೆ ಕಾಯುವುದು ಪಲ್ಸರ್ ಅಭಿಮಾನಿಗಳಿಗೆ ಕಷ್ಟವಾಗದು.