ಟಿವಿಎಸ್ ಅಪಾಚೆ ಆರ್‌ಟಿಆರ್ ಸರಣಿ ಬೈಕುಗಳು ರಸ್ತೆಗೆ

ಟಿವಿಎಸ್ ಮೋಟರ್ ಕಂಪನಿಯು ನೂತನ ಅಪಾಚೆ ಆರ್‌ಟಿಆರ್ 2012 ಸೀರಿಸ್ ಬೈಕುಗಳನ್ನು ರಸ್ತೆಗಿಳಿಸಿದೆ. New TVS Apache RTR Series ಮೂರು ಆವೃತ್ತಿ ಬೈಕುಗಳು ದೇಶದ ಎಲ್ಲಾ ಶೋರೂಂಗಳಲ್ಲಿಯೂ ದೊರಕುತ್ತವೆ. ಇದರ ದರ 67 ಸಾವಿರ ರು.ನಿಂದ 82 ಸಾವಿರ ರು.ವರೆಗಿದೆ.

ನೂತನ ಟಿವಿಎಸ್ ಅಪಾಚೆ ಆರ್‌ಟಿಆರ್ 160 ಆವೃತ್ತಿ ದೆಹಲಿ ಎಕ್ಸ್ ಶೋರೂಂ ದರ 67,505 ರು ಮತ್ತು ಆರ್‌ಟಿಆರ್ 180 ದರ 72,090 ರುಪಾಯಿ ಆಗಿದೆ. ಆರ್‌ಟಿಆರ್ 180 ಎಬಿಎಸ್ ಬೈಕಿನ ದರ 82,780 ರುಪಾಯಿ ಆಗಿದೆ ಎಂದು ಕಂಪನಿಯ ಪ್ರಕಟಣೆ ತಿಳಿಸಿದೆ.

ಚಿತ್ರಲೋಕ

ನೂತನ ಬೈಕ್ ಘೋಸ್ಟ್ ಅಥವಾ ಮೃಗ ವಿನ್ಯಾಸ ಹೊಂದಿದೆ. ಅತ್ಯಧಿಕ ಶಕ್ತಿಶಾಲಿ ಎಂಜಿನ್ ಮಾತ್ರವಲ್ಲದೇ ಈ ಬೈಕಿನ ಲುಕ್ ಹೆಚ್ಚು ಡೈನಾಮಿಕ್ ಆಗಿದೆ. ಈ ಮೂರು ಆವೃತ್ತಿಗಳು ಹೊಸ ಏರೋ ಡೈನಾಮಿಕ್ಸ್ ಸ್ಟೈಲ್ ಹೊಂದಿದ್ದು, ಎಂಜಿನ್ ಬಿಸಿ ಕಡಿಮೆ ಮಾಡುತ್ತದೆ ಎಂದು ಕಂಪನಿಯು ಪ್ರಕಟಣೆಯಲ್ಲಿ ತಿಳಿಸಿದೆ.

ಕಂಪನಿಯ ಹೊಸಮಟ್ಟದ ಎಂಜಿನಿಯರಿಂಗ್ ಮತ್ತು ಮೆಕಾನಿಸಂ ಅನ್ವೇಷಣೆ ಇದಾಗಿದೆ. ರೇಸಿಂಗ್ ಸಾಮರ್ಥ್ಯದ ಬೈಕ್ ತಯಾರಿಸಲು ಕಂಪನಿ ಪ್ರಮುಖ ಆದ್ಯತೆ ನೀಡಿದೆ. ಅತ್ಯಧಿಕ ಕಾರ್ಯಕ್ಷಮತೆಗೆ ಹೆಚ್ಚು ಒತ್ತು ನೀಡಿದ್ದೇವೆ. ದೇಶದ ಗ್ರಾಹಕರಿಗೆ ಹೊಸ ಅಪಾಚೆ ಬೈಕ್ ಹೊಸ ಹುರುಪು ನೀಡುವ ಭರವಸೆ ನಮಗಿದೆ ಎಂದು ಕಂಪನಿಯ ಅಧ್ಯಕ್ಷರಾದ ಎಚ್ ಎಸ್ ಗೊಯಿಂಡಿ ಹೇಳಿದ್ದಾರೆ.