2012 ಟಿವಿಎಸ್ ಸ್ಟಾರ್ ಸಿಟಿ ಬೈಕ್ ರಸ್ತೆಗೆ, ದರ 38 ಸಾವಿರ ರು.

ಪರಿಷ್ಕೃತ ಸ್ಟಾರ್ ಸಿಟಿ ನೂತನ ಹೆಡ್ ಲ್ಯಾಂಪ್, ಡ್ಯೂಯಲ್ ಟೋನ್ ಗ್ರಾಫಿಕ್ಸ್, ಇಕೊಮೀಟರ್ ಇತ್ಯಾದಿ ಹೊಸ ಫೀಚರುಗಳಿವೆ. "ನೂತನ ಸ್ಟಾರ್ ಸಿಟಿ ಆಕರ್ಷಕ ಫೀಚರು ಮತ್ತು ಸೌಂದರ್ಯದೊಂದಿಗೆ ಬಂದಿದೆ. ಇದು ಅತ್ಯಧಿಕ ಇಂಧನ ದಕ್ಷತೆ ಕೊಡುವ ಬೈಕ್ ಕೂಡ ಹೌದು" ಎಂದು ಟಿವಿಎಸ್ ಅಧ್ಯಕ್ಷರಾದ ಎಚ್ ಎಸ್ ಗೋಹಿಂದಿ ಹೇಳಿದ್ದಾರೆ.

ನೂತನ ಸ್ಟಾರ್ ಸಿಟಿ ಬೈಕ್ ಸಿವಿಟಿಐ ಎಂಜಿನ್ ಹೊಂದಿದೆ. TVS StaR City ಪ್ರತಿಲೀಟರಿಗೆ ಸುಮಾರು 83.9 ಕಿ.ಮೀ. ಮೈಲೇಜ್ ನೀಡುತ್ತಿದೆ ಎಂದು ಕಂಪನಿ ಹೇಳಿದೆ. ಹೊಸ ಸ್ಟಾರ್ ಸಿಟಿ ಬೇಸ್ ಆವೃತ್ತಿಯ ದೆಹಲಿ ಎಕ್ಸ್ ಶೋರೂಂ ದರ ಸುಮಾರು 38,650 ರುಪಾಯಿ ಇದೆ. ಈ ಬೈಕಿಗೆ ಕಂಪನಿಯು 5 ವರ್ಷದ ವಾರೆಂಟಿಯನ್ನು ನೀಡಿದೆ.