ಟಿವಿಎಸ್ ಎಷ್ಟು ವಾಹನ ಮಾರಾಟ ಮಾಡಿದೆ?

ಕಂಪನಿಯು 2011ರ ಏಪ್ರಿಲ್ ತಿಂಗಳಿನಿಂದ 2012ರ ಜನವರಿ ತಿಂಗಳವರೆಗೆ ಒಟ್ಟು 18,43,554 ಯುನಿಟ್ ವಾಹನ ಮಾರಾಟ ಮಾಡಿದ್ದು ಶೇಕಡ 10ರಷ್ಟು ಪ್ರಗತಿ ಕಂಡಿದೆ. ಕಳೆದ ಆರ್ಥಿಕ ವರ್ಷದ ಇದೇ ಅವಧಿಯಲ್ಲಿ ಕಂಪನಿಯು ಸುಮಾರು 16 ಲಕ್ಷ ದ್ವಿಚಕ್ರ ವಾಹನ ಮಾರಾಟ ಮಾಡಿದೆ.

ಕಂಪನಿಯು ಜನವರಿ ತಿಂಗಳಲ್ಲಿ ಸುಮಾರು 41,469 ಸ್ಕೂಟರ್ ಮಾರಾಟ ಮಾಡಿದೆ. ಕಳೆದ ವರ್ಷದ ಇದೇ ಅವಧಿಯಲ್ಲಿ ಇದು 40,736 ಯುನಿಟ್ ಆಗಿತ್ತು. ಆದರೆ ಇದೇ ಸಮಯದಲ್ಲಿ ಕಂಪನಿಯ ಬೈಕ್ ಮಾರಾಟ 65,608 ಯುನಿಟ್ ಗೆ ತಲುಪಿ ಕಳೆದ ವರ್ಷದ ಜನವರಿ ತಿಂಗಳಿಗಿಂತ(67,721 ಯುನಿಟ್) ಶೇಕಡ 3.12ರಷ್ಟು ಇಳಿಕೆ ದಾಖಲಿಸಿದೆ.

ಕಂಪನಿಯು ದೇಶದಲ್ಲಿ ಒಟ್ಟು 1,53,014 ದ್ವಿಚಕ್ರ ವಾಹನ ಮಾರಾಟ ಮಾಡಿದೆ. 2011ರ ಜನವರಿಯಲ್ಲಿ ಇದು 1,42,227 ಯುನಿಟ್ ಆಗಿತ್ತು. ಕಂಪನಿಯ ಮೂರು ಚಕ್ರದ ವಾಹನ ಮಾರಾಟ 2,402 ಯುನಿಟ್ ಗೆ ತಲುಪಿ ಶೇಕಡ 29.91ರಷ್ಟು ಇಳಿಕೆ ಕಂಡಿದೆ. ಕಂಪನಿಯ ರಫ್ತು ವಹಿವಾಟು ಕೂಡ ಶೇಕಡ 12.32ರಷ್ಟು ಇಳಿಕೆ ಕಂಡಿದೆ.