ಬಜಾಜ್ ಓವರ್‌ಟೇಕ್ ಮಾಡಿದ ಹೋಂಡಾ ಇದೀಗ ನಂ.2

ಬಜಾಜ್ ಆಟೋ ಹಿಂದಿಕ್ಕಿರುವ ಹೋಂಡಾ ಮೋಟಾರ್ ಸೈಕಲ್ ಆಂಡ್ ಸ್ಕೂಟರ್ ಇಂಡಿಯಾ, ದೇಶದ ನಂ. 2 ದ್ವಿಚಕ್ರ ವಾಹನ ತಯಾರಕ ಸಂಸ್ಥೆ ಎಂದೆನಿಸಿಕೊಂಡಿದೆ. 2013 ಜುಲೈ ತಿಂಗಳಲ್ಲಿ 2,87,177 ಯುನಿಟ್ ಮಾರಾಟ ದಾಖಲಿಸಿರುವ (ರಫ್ತು ಸೇರಿದಂತೆ) ಹೋಂಡಾ, ತಿಂಗಳವೊಂದರಲ್ಲಿ ಅತಿ ಹೆಚ್ಚು ಮಾರಾಟ ದಾಖಲಿಸುವಲ್ಲಿ ಯಶಸ್ವಿಯಾಗಿದೆ.

ಈ ಮೂಲಕ ದೇಶದ ದ್ವಿಚಕ್ರ ವಾಹನ ಇತಿಹಾಸದಲ್ಲಿ ಹೊಸ ಮೈಲುಗಲ್ಲನ್ನಿಟ್ಟಿದೆ. ದೇಶದ ಅತಿ ದೊಡ್ಡ ದ್ವಿಚಕ್ರ ವಾಹನ ತಯಾರಕ ಸಂಸ್ಥೆ ಹೀರೊ ಮೊಟೊಕಾರ್ಪ್ ಜತೆಗಿನ ಬಾಂಧವ್ಯ ಕಡಿದುಕೊಂಡ ಬಳಿಕ ದೇಶದಲ್ಲಿ ತನ್ನದೇ ಆದ ಮಾರುಕಟ್ಟೆ ಕಂಡುಕೊಂಡಿರುವ ಹೋಂಡಾ, ಕೇವಲ ಸೀಮಿತ ಅವಧಿಯೊಳಗೆ ಇಂತಹದೊಂದು ಸಾಧನೆ ಮಾಡಿದೆ.

ನಿಮ್ಮ ಮಾಹಿತಿಗಾಗಿ, ಸ್ಕೂಟರ್‌ಗಳ ಮಾರಾಟದಲ್ಲಿ ಅತಿ ಹೆಚ್ಚು ಬೇಡಿಕೆ ಕಂಡುಕೊಳ್ಳುವಲ್ಲಿ ಹೋಂಡಾ ಯಶಸ್ವಿಯಾಗಿದೆ. ಮತ್ತೊಂದೆಡೆ ಚಕನ್ ಘಟಕದಲ್ಲಿನ ಕಾರ್ಮಿಕರ ಮುಷ್ಕರ ಸೇರಿದಂತೆ ಇನ್ನಿತರ ಬೆಳವಣಿಗೆಗಳು ಬಜಾಜ್‌ಗೆ ಹಿನ್ನಡೆಯನ್ನುಂಟು ಮಾಡಲು ಕಾರಣವಾಗಿದೆ.

ಡ್ರೈವ್ ಸ್ಪಾರ್ಕ್ ಗ್ಯಾಲರಿ