ಹರ್ಲಿ ಡೇವಿಡ್ಸನ್‌ ಯಶಸ್ಸಿನ ಸಂಕೇತ ಸ್ಟ್ರೀಟ್ 750

ಮೊದಲ ಬಾರಿಗೆ 2014 ಜನವರಿ ತಿಂಗಳಲ್ಲಿ ನಡೆದ ಇಂಡಿಯಾ ಬೈಕ್ ವೀಕ್‌ನಲ್ಲಿ ಪ್ರದರ್ಶನಗೊಂಡಿದ್ದ ಹರ್ಲಿ ಡೇವಿಡ್ಸನ್ ಸ್ಟ್ರೀಟ್ 750 ಸಂಸ್ಥೆಯ ಪಾಲಿಗೆ ದೇಶದಲ್ಲಿ ಅತ್ಯಂತ ಹೆಚ್ಚು ಯಶಸ್ಸು ತಂದುಕೊಟ್ಟಿದೆ.

ಇದನ್ನು ಒಪ್ಪಿಕೊಂಡಿರುವ ಅಮೆರಿಕ ಮೂಲದ ಐಕಾನಿಕ್ ದ್ವಿಚಕ್ರ ವಾಹನ ತಯಾರಕ ಸಂಸ್ಥೆಯು, ಭಾರತ ನಿರ್ಮಿತ ಸ್ಟ್ರೀಟ್ 750 ಒಟ್ಟು ಮಾರಾಟದ ಶೇಕಡಾ 60ರಷ್ಟು ಮಾರಾಟವನ್ನು ವಶಪಡಿಸಿಕೊಂಡಿದೆ ಎಂದಿದೆ.

ಸಂಸ್ಥೆಯ ಪ್ರಕಾರ ಎಪ್ರಿಲ್ ತಿಂಗಳಲ್ಲಿ 361 ಕ್ರೂಸರ್ ಬೈಕ್‌ಗಳು ಮಾರಾಟವಾಗಿದೆ. ಈ ಪೈಕಿ ಸ್ಟ್ರೀಟ್ 750 ಮಾತ್ರವಾಗಿ 210 ಯುನಿಟ್ ಮಾರಾಟವಾಗಿದೆ. ಕಳೆದ ವರ್ಷದ ಮಾರಾಟ ಸಂಖ್ಯೆ (146) ಗಮನಿಸಿದರೆ ಗಣನೀಯ ವರ್ಧನೆ ಕಂಡುಬಂದಿದೆ.

ದೇಶದಲ್ಲಿ 13 ಡೀಲರ್‌ಶಿಪ್‌ಗಳನ್ನು ಹೊಂದಿರುವ ಹರ್ಲಿ, ಬ್ರೆಜಿಲ್ ಬಳಿಕ ಕಂಪ್ಲೀಟ್ ನೌಕ್ಡ್ ಡೌನ್ ಘಟಕವನ್ನು (ಸಿಕೆಡಿ) ಘಟಕವನ್ನು ಭಾರತದಲ್ಲಿ ಹೊಂದಿದೆ. ಈ ಮೂಲಕ ರು. 4.27 ಲಕ್ಷ ರು.ಗಳಿಂದ (ಸ್ಟ್ರೀಟ್ 750) ಹಿಡಿದು 29 ಲಕ್ಷ ರು.ಗಳ ರೇಂಜ್ ವರೆಗಿನ 13 ಮಾದರಿಗಳನ್ನು ಮಾರಾಟ ಮಾಡುತ್ತಿವೆ.