ಹಬ್ಬದ ಆವೃತ್ತಿಗೂ ಮೊದಲೇ ಹೀರೊ ಶೈನಿಂಗ್

ದೇಶದ ಅತಿದೊಡ್ಡ ದ್ವಿಚಕ್ರ ವಾಹನ ತಯಾರಿಕ ಸಂಸ್ಥೆಯಾಗಿರುವ ಹೀರೊ ಮೊಟೊಕಾರ್ಪ್, ಮಾರಾಟದಲ್ಲಿ ಮಗದೊಂದು ದಾಖಲೆ ಸಾಧಿಸಿದೆ. ಈ ಮೂಲಕ ಹಬ್ಬದ ಆವೃತ್ತಿಗೂ ಮೊದಲೇ ಅತಿ ಹೆಚ್ಚು ಬೇಡಿಕೆ ಕಾಯ್ದುಕೊಳ್ಳುವಲ್ಲಿ ಯಶಸ್ಸನ್ನು ಕಂಡಿದೆ.

2014 ಮೇ ತಿಂಗಳಲ್ಲಿ 6,02,481 ಯುನಿಟ್‌ಗಳ ಮಾರಾಟ ದಾಖಲಿಸಿರುವ ಹೀರೊ ಮೊಟೊಕಾರ್ಪ್, ಉತ್ತಮ ಬೇಡಿಕೆ ಕಾಯ್ದುಕೊಂಡಿದೆ. ಇದಕ್ಕೂ ಮೊದಲು ಎಪ್ರಿಲ್ ತಿಂಗಳಲ್ಲೂ 5,71,054 ಯುನಿಟ್‌ಗಳ ಮಾರಾಟ ದಾಖಲಿಸಿತ್ತು.

ಹಾಗೆಯೇ ಎರಡನೇ ಬಾರಿಗೆ ತಿಂಗಳೊಂದರಲ್ಲಿ ಆರು ಲಕ್ಷ ಮಾರಾಟ ಸಂಖ್ಯೆಯನ್ನು ದಾಟಿದ ಸಾಧನೆ ಮಾಡಿದೆ. ಈ ಹಿಂದೆ ಕಳೆದ ವರ್ಷ ಅಕ್ಟೋಬರ್ ತಿಂಗಳ ಹಬ್ಬದ ಆವೃತ್ತಿಯಲ್ಲಿ 6,25,420 ಯುನಿಟ್‌ಗಳ ಮಾರಾಟ ದಾಖಲಿಸಿಕೊಂಡಿತ್ತು.