ಹೊಸ ವರ್ಣದಲ್ಲಿ ಇನ್ನಷ್ಟು ಸುಂದರ ಹೋಂಡಾ ಡ್ರೀಮ್ ನಿಯೋ

ಹೀರೊ ಬೈಕ್‌ಗಳಿಗೆ ಅತ್ಯಂತ ನಿಕಟ ಪೈಪೋಟಿ ಒಡ್ಡುತ್ತಿರುವ ದೇಶದ ಎರಡನೇ ದ್ವಿಚಕ್ರ ವಾಹನ ತಯಾರಕ ಸಂಸ್ಥೆಯಾಗಿರುವ ಹೋಂಡಾ ಟು ವೀಲರ್ಸ್ ಸಂಸ್ಥೆಯು ತನ್ನ ಜನಪ್ರಿಯ ಡ್ರೀಮ್ ನಿಯೋ ಆವೃತ್ತಿಯನ್ನು ಹೊಸ ಬಣ್ಣದ ಆಯ್ಕೆಯಲ್ಲಿ ಬಿಡುಗಡೆ ಮಾಡಿದೆ.

ಇನ್ನು ಕೆಲವೇ ದಿನಗಳಲ್ಲಿ ಆರಂಭವಾಗಲಿರುವ ಹಬ್ಬದ ಆವೃತ್ತಿಯನ್ನು ಗಮನದಲ್ಲಿಟ್ಟಕೊಂಡು ಹೋಂಡಾ ಸಂಸ್ಥೆಯು ಹೊಸತಾದ ಪಿಯರ್ಲ್ ಅಮೇಜಿಂಗ್ ವೈಟ್ ಸ್ಕೀಮ್ ಬಣ್ಣವನ್ನು ಪರಿಚಯಿಸಿದೆ. ಇದು ಅತ್ಯಾಕರ್ಷಕ ಕಪ್ಪು ಹಾಗೂ ಕೆಂಪು ವರ್ಣಗಳ ಬಾಡಿ ಗ್ರಾಫಿಕ್ಸ್ ಸಹ ಹೊಂದಿರಲಿದೆ.

ಹೋಂಡಾದ ಎಲ್ಲ ಡೀಲರುಶಿಪ್‌ಗಳಲ್ಲಿ ಹೊಸ ಡ್ರೀಮ್ ನಿಯೋ ಬಣ್ಣಗಳ ಆಯ್ಕೆಯು ತಲುಪಲಿದೆ. ಇದರ ದೆಹಲಿ ಎಕ್ಸ್ ಶೋ ರೂಂ ಬೆಲೆ 42,237 ರು.ಗಳಾಗಿರಲಿದೆ. ಪ್ರಸ್ತುತ ಹೋಂಡಾ ಡ್ರೀಮ್ ನಿಯೋ ಬೈಕ್, ಮಾನ್ಸೂನ್ ಗ್ರೇ ಮೆಟ್ಯಾಲಿಕ್, ಬ್ಲ್ಯಾಕ್ ಜೊತೆ ರೆಡ್ ಸ್ಟ್ರಿಪ್, ಬ್ಲ್ಯಾಕ್ ಜೊತೆ ವೈಲಟ್ ಸ್ಟ್ರಿಪ್ ಮತ್ತು ಅಲ್ಫ ರೆಡ್ ಮೆಟ್ಯಾಲಿಕ್ ಬಣ್ಣಗಳಲ್ಲಿ ಲಭ್ಯವಿದೆ. ಇದಕ್ಕೀಗ ಪಿಯರ್ಲ್ ಅಮೇಜಿಂಗ್ ವೈಟ್ ಬಣ್ಣ ಸೇರ್ಪಡೆಯಾಗಿದೆ.

ಸಂಸ್ಥೆಯ ಪ್ರಕಾರ ಡ್ರೀಮ್ ನಿಯೋ, ಪ್ರತಿ ಲೀಟರ್‌ಗೆ 74 ಕೀ.ಮೀ. ಮೈಲೇಜ್ ನೀಡುವ ಸಾಮರ್ಥ್ಯ ಹೊಂದಿರಲಿದೆ. ಇದೀಗ ಹೊಸ ಬಣ್ಣದ ಆಯ್ಕೆಯೊಂದಿಗೆ ಮಾರಾಟ ಉತ್ತೇಜಿಸುವ ನಿರೀಕ್ಷೆಯನ್ನು ಹೊಂದಿದೆ.