ಮಹೀಂದ್ರ ಜಾಗತಿಕ ಸ್ಕೂಟರ್ 'ಗಸ್ಟೊ' ಬಿಡುಗಡೆಗೆ ರೆಡಿ

ದೇಶದ ಮುಂಚೂಣಿಯ ದ್ವಿಚಕ್ರ ವಾಹನ ತಯಾರಕ ಸಂಸ್ಥೆಗಳಲ್ಲಿ ಒಂದಾಗಿರುವ ಮಹೀಂದ್ರ ಟು ವೀಲರ್ಸ್ ಸಂಸ್ಥೆಯು ಅತಿ ನೂತನ 'ಗಸ್ಟೊ' ಸ್ಕೂಟರನ್ನು ಸದ್ಯದಲ್ಲೇ ಬಿಡುಗಡೆ ಮಾಡಲಿದೆ. ಇದು ಕೇವಲ ಭಾರತೀಯ ಮಾರುಕಟ್ಟೆಯನ್ನಷ್ಟೇ ಅಲ್ಲದೆ ವಿದೇಶಗಳಲ್ಲೂ ಬಿಡುಗಡೆ ಕಾಣಲಿದೆ.

ಮಹೀಂದ್ರದ ಬಹು ನಿರೀಕ್ಷಿತ ಜಾಗತಿಕ ಸ್ಕೂಟರ್ ಜಿ101 ಎಂಬ ಕೋಡ್ ಹೆಸರು ಪಡೆದುಕೊಂಡಿತ್ತು. ಇದು ಎಂ-ಟೆಕ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡುತ್ತಿದ್ದು ಇದರ ಮುಂದುವರಿದ ಎಂಜಿನಿಯರಿಂಗ ವೈಶಿಷ್ಟ್ಯಗಳು ಇಟಲಿ ಶೈಲಿಯನ್ನು ಹೊಂದಿದೆ.

ಈ ಸಂದರ್ಭದಲ್ಲಿ ಪ್ರತಿಕ್ರಿಯಿಸಿರುವ ಮಹೀಂದ್ರ ಸಂಸ್ಥೆಯ ಕಾರ್ಯನಿರ್ವಾಹಕ ಮಂಡಳಿಯ ಸದಸ್ಯರಾಗಿರುವ ರಾಜೇಶ್ ಜೆಜುರಿಕರ್, ನಾವು ಜಾಗತಿಕ ಸ್ಕೂಟರ್ ಗಸ್ಟೊ ಬಿಡುಗಡೆ ಮಾಡಲು ತಯಾರಾಗಿದ್ದು, ಇದನ್ನು ಪುಣೆಯ ಆರ್ ಆಂಡ್ ಘಟಕದಲ್ಲಿ ಅಭಿವೃದ್ಧಿಪಡಿಸಲಾಗಿದೆ. ಇಲ್ಲಿ ಗಸ್ಟೊ ಎಂಬ ಪದವು ಸ್ವಾತಂತ್ರ್ಯ ಸ್ಪೂರ್ತಿಯನ್ನು ಸಂಕೇತಿಸುತ್ತಿದೆ ಎಂದಿದ್ದಾರೆ.