ಪ್ರಸಕ್ತ ಸಾಲಿನಲ್ಲೇ ಮಹೀಂದ್ರದಿಂದ 3 ಹೊಸ ಮಾದರಿ ಬಿಡುಗಡೆ

ಸೆಂಚುರೊ ಯಶಸ್ಸಿನಿಂದ ಸ್ಪೂರ್ತಿ ಪಡೆದಿರುವ ದೇಶದ ಮುಂಚೂಣಿಯ ದ್ವಿಚಕ್ರ ವಾಹನ ತಯಾರಕ ಸಂಸ್ಥೆಯಾಗಿರುವ ಮಹೀಂದ್ರ ಟು ವೀಲರ್ಸ್, ಪ್ರಸಕ್ತ ಸಾಲಿನಲ್ಲೇ ಮೂರು ನೂತನ ಪ್ರಯಾಣಿಕ ವಾಹನಗಳನ್ನು ಪರಿಚಯಿಸಲಿದೆ.

ನಿಮ್ಮ ಮಾಹಿತಿಗಾಗಿ 2013 ಆರ್ಥಿಕ ಸಾಲಿನಲ್ಲಿ 500 ಕೋಟಿ ರು.ಗಳಷ್ಟು ನಷ್ಟ ಅನುಭವಿಸಿದ್ದ ಮಹೀಂದ್ರ 2014ರ ವೇಳೆಗೆ ತನ್ನ ನಷ್ಟದ ಪ್ರಮಾಣವನ್ನು 200 ಕೋಟಿ ರು.ಗಳಿಗೆ ಇಳಿಕೆ ಮಾಡುವ ಸಾಧ್ಯತೆಯಿದೆ. ಇವೆಲ್ಲವೂ ಸೆಂಚುರೊ 100ಸಿಸಿ ಬೈಕ್‌ ಯಶಸ್ಸಿನಿಂದ ಮಾತ್ರ ಸಾಧ್ಯವಾಗಿದೆ.

ಮುಂದಿನ ಐದು ವರ್ಷಗಳಲ್ಲಿ ಒಂಬತ್ತು ನೂತನ ಮಾದರಿಗಳನ್ನು ಲಾಂಚ್ ಮಾಡುವುದು ಕಂಪನಿ ಇರಾದೆಯಾಗಿದೆ. ಈ ಪೈಕಿ 2014ನೇ ಸಾಲಿನಲ್ಲೇ 2ರಿಂದ 3 ಮಾದರಿಗಳು ಮಾರುಕಟ್ಟೆ ಪ್ರವೇಶಿಸಲಿದೆ. ಅಷ್ಟೇ ಯಾಕೆ ವರದಿಗಳ ಪ್ರಕಾರ ಪ್ರಸಕ್ತ ಸಾಲಿನಲ್ಲೇ ಸ್ಕೂಟರ್ ವಿಭಾಗಕ್ಕೂ ಮಹೀಂದ್ರ ಎಂಟ್ರಿ ಕೊಡಲಿದೆ.