ಅಂತಿಮ ಹಂತ ತಲುಪಿದ ರಾಷ್ಟ್ರೀಯ ಸುರಕ್ಷತಾ ಚಾಲನೆ

ಬೈಕ್ ಫೇಸ್ಟಿವಲ್ ಆಫ್ ಇಂಡಿಯಾ ಅಂಗವಾಗಿ ನಡೆಯುತ್ತಿರುವ 'ರಾಷ್ಟ್ರೀಯ ಸುರಕ್ಷತಾ ಚಾಲನೆ' ದೇಶದೆಲ್ಲೆಡೆ ಸುತ್ತಾಡುತ್ತಾ ತನ್ನ ಅಂತಿಮ ಹಂತವನ್ನು ತಲುಪಿದೆ. ದೇಶದ 20 ನಗರಗಳಲ್ಲಾಗಿ 5500ರಷ್ಟು ಕೀ.ಮೀ. ಕ್ರಮಿಸಿರುವ ನ್ಯಾಷನಲ್ ಸೇಫ್ಟಿ ರೈಡ್ ಇದೀಗ ಕೊಲ್ಕತ್ತಾ ನಗರ ಪ್ರವೇಶ ಪಡೆದಿದೆ.

ದಕ್ಷಿಣ ಏಷ್ಯಾದ ಅತಿ ದೊಡ್ಡ ಬೈಕ್ ಹಬ್ಬ ಎಂದು ಪರಿಗಣಿಸಲ್ಪಟ್ಟಿರುವ ಬೈಕ್ ಫೇಸ್ಟಿವಲ್ ಆಫ್ ಇಂಡಿಯಾ, ರಿತಿ ಸ್ಪೋರ್ಟ್ಸ್ ಮ್ಯಾನೇಜ್‌ಮೆಂಟ್ ಮತ್ತು ಈವೆಂಟ್ ಕ್ಯಾಪಿಟಲ್ ಸಹಯೋಗದಲ್ಲಿ ಆಯೋಜನೆಯಾಗುತ್ತಿದೆ.

ಈ ಸಂದರ್ಭದಲ್ಲಿ ಬೈಕ್ ಉತ್ಸಾಹಿಗಳೊದಿಗೆ ಬೆರೆಯುವ ಅವಕಾಶವನ್ನು ಸವಾರಿಗಳು ಪಡೆದಿದ್ದರು. ಅಲ್ಲದೆ ಸುರಕ್ಷಿತ ಚಾಲನೆ ಮತ್ತು ಹೆಲ್ಮೆಟ್ ಧರಿಸುವುದರ ಬಗ್ಗೆ ಅರಿವು ಮೂಡಿಸಲಾಯಿತು. ಇದೀಗ ಕೋಲ್ಕತ್ತಾದಿಂದ ಧಾನ್‌ಬಂದ್, ವಾರಣಾಸಿ, ಕಾನ್ಪರು, ನೋಯ್ಡಾ, ಚಂಡೀಗಡ ಮಾರ್ಗವಾಗಿ ಸೆಪ್ಟೆಂಬರ್ 29ರಂದು ದೆಹಲಿಯನ್ನು ತಲುಪಲಿದೆ. ಈ ಮೂಲಕ ಒಟ್ಟು 8170 ಕೀ.ಮೀ. ಕ್ರಮಿಸಲಿದೆ.

ಪ್ರಮುಖವಾಗಿಯೂ ಟ್ರಯಂಪ್ ಬೈಕ್‌ಗಳನ್ನು ರಾಷ್ಟ್ರೀಯ ಸುರಕ್ಷತಾ ಚಾಲನೆಗಾಗಿ ಬಳಕೆ ಮಾಡಲಾಗುತ್ತಿದೆ. ಅಂತೆಯೇ ಇಂಡಿಯಾ ಬೈಕ್ ಫೇಸ್ಟಿವರ್ ಅಕ್ಟೋಬರ್ 4 ಹಾಗೂ 5ರಂದು ಬುದ್ಧ ಅಂತರಾಷ್ಟ್ರೀಯ ಸರ್ಕ್ಯೂಟ್‌ನಲ್ಲಿ ನೆರವೇರಲಿದೆ.