'ಹಮಾರಾ ಬಜಾಜ್'; ರಿ ಎಂಟ್ರಿ ಪಡೆಯಲಿದೆಯೇ ಚೇತಕ್ ಸ್ಕೂಟರ್?

ದಶಕಗಳ ಹಿಂದೆ ದೇಶದ ರಸ್ತೆಯಲ್ಲಿ ಭಾರಿ ಸದ್ದು ಮಾಡಿದ ಸ್ಕೂಟರ್‌ಗಳಲ್ಲಿ ಬಜಾಜ್ ಚೇತಕ್ ಒಂದಾಗಿದೆ. 'ಹಮಾರಾ ಬಜಾಜ್' ಟಿವಿ ಜಾಹೀರಾತನ್ನು ಯಾರಿಂದ ತಾನೇ ಮರೆಯಲು ನಾಧ್ಯ? ನಮ್ಮ ದೇಶದ ಹಿರಿಯ ನಾಗರಿಕರಲ್ಲಿ ಈ ಬಗ್ಗೆ ವಿಚಾರಿಸಿದರೆ ನಿಮಗೆ ಸ್ಪಷ್ಟ ಮಾಹಿತಿ ದೊರಕಬಹುದು.

ಹಾಗಿರುವಾಗ ದೇಶದ ಮುಂಚೂಣಿಯ ದ್ವಿಚಕ್ರ ವಾಹನ ತಯಾರಿಕ ಸಂಸ್ಥೆಯಾಗಿರುವ ಬಜಾಜ್ ಆಟೋ ಗತಕಾಲದ ವೈಭವಕ್ಕೆ ಮರಳುವ ಪ್ರಯತ್ನದಲ್ಲಿದೆ.

ತನ್ನ ಶ್ರೇಣಿಯ ಸ್ಕೂಟರ್ ಮಾರುಕಟ್ಟೆಗೆ ಪುನಶ್ಚೇತನ ನೀಡುವುದು ಬಜಾಜ್ ಗುರಿಯಾಗಿದೆ. ಒಂದು ಕಾಲದಲ್ಲಿ ದೇಶದ ಸ್ಕೂಟರ್ ವಿಭಾಗವನ್ನು ಆಳಿದ್ದ ಬಜಾಜ್ ಚೇತಕ್ ಆಧುನಿಕತೆಗೆ ತಕ್ಕ ವಿನ್ಯಾಸದ ಕೊರತೆಯಿಂದಾಗಿ ಕಾಲ ಕ್ರಮೇಣ ಮೂಲೆಗುಂಪಾಗಿತ್ತು. ಸಾಂಪ್ರಾದಾಯಿಕ ವೆಸ್ಪಾ ಶೈಲಿಯಿಂದ ಸ್ಪೂರ್ತಿ ಪಡೆದ ಸ್ಕೂಟರ್ ಇದಾಗಿತ್ತು.