ಡುಕಾಟಿ ದೆಹಲಿ ಡೀಲರ್‌ಶಿಪ್ ಪ್ರಾರಂಭ; ಮುಂದೆ ಬೆಂಗಳೂರು

ಇಟಲಿಯ ಐಕಾನಿಕ್ ದ್ವಿಚಕ್ರ ಸಂಸ್ಥೆಯಾಗಿರುವ ಡುಕಾಟಿ ರಾಷ್ಟ್ರ ರಾಜಧಾನಿ ನವದೆಹಲಿಯಲ್ಲಿ ತನ್ನ ಚೊಚ್ಚಲ ಡೀಲರ್‌ಶಿಪ್ ತೆರೆದುಕೊಂಡಿದೆ. ಈ ಮೂಲಕ ಭಾರತಕ್ಕೆ ಅಧಿಕೃತ ಪ್ರವೇಶ ಪಡೆದಿದೆ. ಸಂಸ್ಥೆಯ ಮೂಲಗಳ ಪ್ರಕಾರ ಮುಂದಿನ ಶೋ ರೂಂ ಬೆಂಗಳೂರಿನಲ್ಲಿ ತೆರೆದುಕೊಳ್ಳಲಿದೆ.

ತನ್ನ ಭಾರತ ಪ್ರವೇಶವನ್ನು ಅದ್ದೂರಿಯಾಗಿಯೇ ಮಾಡಿರುವ ಡುಕಾಟಿ ಎರಡು ಪ್ರತಿಷ್ಠಿತ ಸ್ಕ್ರ್ಯಾಂಬ್ಲರ್ ಮಾದರಿಗಳನ್ನು ಪರಿಚಯಿಸಿದೆ.

ಭಾರತದಲ್ಲಿ ತನ್ನ ವಿತರಕ ಜಾಲದ ವಿಸ್ತರಣೆ ಭಾಗವಾಗಿ ಸೆಪ್ಟೆಂಬರ್ ತಿಂಗಳಲ್ಲಿ ಬೆಂಗಳೂರು ತಲುಪಲಿರುವ ಡುಕಾಟಿ, ವರ್ಷಾಂತ್ಯದಲ್ಲಿ ಪುಣೆ ಹಾಗೂ ಹೈದರಾಬಾದ್ ನಗರಗಳನ್ನು ಪ್ರವೇಶಿಸಲಿದೆ.