ಹೋಂಡಾದಿಂದ ಡಬಲ್ ಧಮಾಕಾ; ಆಕ್ಟಿವಾ ಐ, ಎವಿಯೇಟರ್ ಬಿಡುಗಡೆ

By Nagaraja

Published: Saturday, June 27, 2015, 11:58 [IST]

ತಾಜಾತನವನ್ನು ಕಾಪಾಡಿಕೊಳ್ಳುವ ನಿಟ್ಟಿನಲ್ಲಿ ಪ್ರತಿಯೊಂದು ವಾಹನ ತಯಾರಿಕ ಸಂಸ್ಥೆಯು ಕಾಲ ಕಾಲಕ್ಕೆ ಸರಿಯಾಗಿ ಪರಿಷ್ಕೃತ ಮಾದರಿಗಳನ್ನು ಪರಿಚಯಿಸುತ್ತಲೇ ಇದು. ಇದು ಗ್ರಾಹಕರಲ್ಲಿ ಆಧುನಿಕತೆಯ ಅನುಭವಕ್ಕೆ ನೆರವಾಗುತ್ತದೆ.

ಇಂತಹ ಸಾಲಿನಲ್ಲಿ ಸೇರಿಕೊಂಡಿರುವ ದೇಶದ ಎರಡನೇ ಅತಿ ದೊಡ್ಡ ದ್ವಿಚಕ್ರ ವಾಹನ ತಯಾರಿಕ ಸಂಸ್ಥೆಯಾಗಿರುವ ಹೋಂಡಾ ಮೋಟಾರ್ ಸೈಕಲ್ಸ್ ಆ್ಯಂಡ್ ಸ್ಕೂಟರ್ ಇಂಡಿಯಾ (ಎಚ್ ಎಂಎಸ್ ಐ) ಸಂಸ್ಥೆಯು ಹೊಸ ವಿನ್ಯಾಸದ ಆಕ್ಟಿವಾ ಐ ಹಾಗೂ ಎವಿಯೇಟರ್ ಸ್ಕೂಟರ್ ಗಳನ್ನು ಪರಿಚಯಿಸಿದೆ.

ಹೋಂಡಾದಿಂದ ಡಬಲ್ ಧಮಾಕಾ; ಆಕ್ಟಿವಾ ಐ, ಎವಿಯೇಟರ್ ಬಿಡುಗಡೆ

110 ಸಿಸಿ ಎಂಜಿನ್ ನಿಂದ ನಿಯಂತ್ರಿಸಲ್ಪಡುವ ಹೋಂಡಾ ಆಕ್ಟಿವಾ ಐ ಹಾಗೂ ಎವಿಯೇಟರ್ ಸ್ಕೂಟರ್ ಗಳ ಪ್ರಮುಖವಾಗಿಯೂ ಅಂದತೆಯಲ್ಲಿ ಬದಲಾವಣೆ ಕಂಡುಬರಲಿದೆ. ಇದರ ಹೊರತಾಗಿ ಹೆಣ್ಣು ಮಕ್ಕಳನ್ನು ಹೆಚ್ಚು ಆನಂದದಾಯಕ ಬಣ್ಣಗಳ ಆಯ್ಕೆಯನ್ನು ನೀಡಲಿರುವ ಡಿಲಕ್ಸ್ ವೆರಿಯಂಟ್ ಪಿಯರ್ಲ್ ಅಮೇಜ್ ವೈಟ್ ಮತ್ತು ಓರ್ಕಿಡ್ ಪರ್ಪಲ್ ಮೆಟ್ಯಾಲಿಕ್ ಬಣ್ಣಗಳ ಆಯ್ಕೆಗಳಲ್ಲೂ ಲಭ್ಯವಾಗಲಿದೆ.