Click it and Unblock the Notifications
ಪ್ರಸಕ್ತ ಸಾಲಿನಲ್ಲೇ ಹೊಸ ಹೋಂಡಾ ಸಿಬಿಆರ್650ಎಫ್ ಬಿಡುಗಡೆ
ಜಪಾನ್ನ ದೈತ್ಯ ದ್ವಿಚಕ್ರ ವಾಹನ ತಯಾರಿಕ ಸಂಸ್ಥೆಯಾಗಿರುವ ಹೋಂಡಾ ಮೋಟಾರ್ಸೈಕಲ್ಸ್ ಆಂಡ್ ಸ್ಕೂಟರ್ಸ್ ಇಂಡಿಯಾ (ಎಚ್ಎಂಎಸ್ಐ), ಪ್ರಸಕ್ತ ಸಾಲಿನಲ್ಲೇ ಬಹುನಿರೀಕ್ಷಿತ ಸಿಬಿಆರ್650ಎಫ್ ಬಿಡುಗಡೆ ಮಾಡುವ ಯೋಜನೆಯಾಗಿದೆ.
ಈ ಹಿಂದೆ 2014 ಆಟೋ ಎಕ್ಸ್ ಪೋದಲ್ಲಿ ಪ್ರದರ್ಶನ ಮಾಡಿರುವ ಮಾದರಿಗಳಲ್ಲಿ ಇದೂ ಒಂದಾಗಿದ್ದು, ಮುಂಬರುವ ಜುಲೈ ವೇಳೆಗೆ ರಸ್ತೆ ತಲುಪುವ ಸಾಧ್ಯತೆಯಿದೆ.
ಪ್ರಯಾಣಿಕ ಸೇರಿದಂತೆ ಪ್ರೀಮಿಯಂ ಬೈಕ್ ವಿಭಾಗದಲ್ಲೂ ಅತಿ ಹೆಚ್ಚು ಮನ್ನಣೆಗೆ ಪಾತ್ರವಾಗಿರುವ ಹೋಂಡಾ, ಸಿಬಿಆರ್650ಎಫ್ ಮೂಲಕ ಹೈ ಎಂಡ್ ಬೈಕ್ ಉತ್ಸಾಹಿಗಳು ಪ್ರೀತಿ ಪಾತ್ರರಾಗುವ ಭರವಸೆಯಲ್ಲಿದೆ.
ವಿಶೇಷವೆಂದರೆ ಹೋಂಡಾ ಸಿಬಿಆರ್650ಎಫ್ ಪೂರ್ಣವಾಗಿಯೂ ಭಾರತದಲ್ಲೇ ಜೋಡಣೆಯಾಗಲಿದೆ. ಇದನ್ನು ಹಂತ ಹಂತವಾಗಿ ಅನುಷ್ಠಾನಕ್ಕೆ ತರಲಾಗುವುದು. ಈ ಮೂಲಕ ಕೇಂದ್ರ ಸರಕಾರದ 'ಮೇಕ್ ಇನ್ ಇಂಡಿಯಾ' ಅಭಿಯಾನವನ್ನು ಸಂಸ್ಥೆಯು ಪ್ರೋತ್ಸಾಹಿಸಲಿದೆ.
ಇದಕ್ಕೂ ಮೊದಲು 2015-16ನೇ ಸಾಲಿನಲ್ಲಿ 15 ಹೊಸ ಮಾದಿರಗಳನ್ನು ಬಿಡುಗಡೆ ಮಾಡುವುದಾಗಿ ತಿಳಿಸಿದ್ದ ಹೋಂಡಾ ತನ್ನ ಯೋಜನೆಯ ಭಾಗವಾಗಿ 650 ಸಿಸಿ ಪ್ರೀಮಿಯಂ ಬೈಕ್ ಆಗಿರುವ ಸಿಬಿಆರ್650ಎಫ್ ಪರಿಚಯಿಸಿದೆ. ಅಂತೆಯೇ ಹೊಸ ಸಿಬಿಆರ್650ಎಫ್ ಬೈಕ್ ಬೆಲೆ ಎಂಟು ಲಕ್ಷ ರು.ಗಳಷ್ಟು ದುಬಾರಿಯೆನಿಸಲಿದೆ.
Continue with Google