ಹೊಸ ಬಣ್ಣಗಳ ಆಯ್ಕೆಯಲ್ಲಿ ಬರಲಿರುವ ಕವಾಸಕಿ ನಿಂಜಾ

ಜನಪ್ರಿಯ ಮಾದರಿಯಾಗಿರುವ ಕವಾಸಕಿ ನಿಂಜಾ 650 ಮತ್ತು ಇಆರ್-6ಎನ್ ಹೊಸ ಬಣ್ಣಗಳ ಆಯ್ಕೆಗಳಲ್ಲಿ ಲಭ್ಯವಾಗಲಿದೆ. ಪ್ರಸ್ತುತ ಮಾದರಿಗಳು ಕೆಲವೊಂದು ಗಮನಾರ್ಹ ಕಾಸ್ಮೆಟಿಕ್ ಬದಲಾವಣೆಗಳನ್ನು ಪಡೆಯುವ ನಿರೀಕ್ಷೆಯಿದೆ.

ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಹೆಚ್ಚು ಜನಪ್ರಿಯವಾಗಿರುವ ಕವಾಸಕಿ ನಿಂಜಾ 650 ಮತ್ತು ಇಆರ್-6ಎನ್, 2016ನೇ ಸಾಲಿನಲ್ಲಿ ಹೊಸ ಬಣ್ಣಗಳ ಆಯ್ಕೆಯನ್ನು ಪಡೆಯಲಿದೆ.

ಅಂತೆಯೇ ಕವಾಸಕಿ 2016 ಇಆರ್-6ಆನ್ ಮೋಟಾರ್ ಸೈಕಲ್, ಕ್ಯಾಂಡಿ ಲೈಮ್ ಗ್ರೀನ್ ಜೊತೆ ಮೆಟ್ಯಾಲಿಕ್ ಸ್ಪಾರ್ಕ್ ಬ್ಲ್ಯಾಕ್, ಮೆಟ್ಯಾಲಿಕ್ ಕಾರ್ಬನ್ ಗ್ರೇ ಮತ್ತು ಅರ್ಬನ್ ಸಿಟಿ ವೈಟ್ ಜೊತೆ ಮೆಟ್ಯಾಲಿಕ್ ಸ್ಪಾರ್ಕ್ ಬ್ಲ್ಯಾಕ್ ಬಣ್ಣಗಳಲ್ಲಿ ಲಭ್ಯವಾಗಲಿದೆ.

ಈ ಎಲ್ಲ ಬಣ್ಣಗಳ ಆಯ್ಕೆಯು ಮೊದಲು ಅಂತರಾಷ್ಟ್ರೀಯ ಮಾರುಕಟ್ಟೆಯನ್ನು ತಲುಪಲಿದ್ದು, ತದಾ ಬಳಿಕ ಭಾರತ ಮಾರುಕಟ್ಟೆಯಲ್ಲೂ ಲಭ್ಯವಾಗುವ ಸಾಧ್ಯತೆಯಿದೆ. ಹಾಗಿದ್ದರೂ ಎಂಜಿನ್ ಮಾನದಂಡಗಳಲ್ಲಿ ಯಾವುದೇ ಬದಲಾವಣೆ ಕಂಡುಬರುವುದಿಲ್ಲ.