Click it and Unblock the Notifications
ಕವಾಸಕಿ ಅಡ್ವೆಂಚರ್ ಟೂರರ್ ಬೈಕ್ ಭಾರತದಲ್ಲಿ ಬಿಡುಗಡೆ
ಜಪಾನ್ ಮೂಲದ ಇಂಡಿಯಾ ಕವಾಸಕಿ ಮೋಟಾರ್ಸ್ (ಕೆಐಎಂ) ದೇಶದಲ್ಲಿ ಅತಿ ನೂತನ ಕವಾಸಕಿ ವೆರ್ಸೆಸ್ 650 ಅಡ್ವೆಂಚರ್ ಬೈಕ್ ಬಿಡುಗಡೆ ಮಾಡಿದೆ.
ಬೆಲೆ ಮಾಹಿತಿ: 6.60 ಲಕ್ಷ ರು. (ದೆಹಲಿ ಎಕ್ಸ್ ಶೋ ರೂಂ)
ಇದು ವೆರ್ಸೆಸ್ ಶ್ರೇಣಿಯಲ್ಲಿ ಕವಾಸಕಿ ಬಿಡುಗಡೆ ಮಾಡುತ್ತಿರುವ ಎರಡನೇ ಬೈಕಾಗಿದೆ. ಈ ಮೊದಲು ವರ್ಷಾರಂಭದಲ್ಲಿ ಕವಾಸಕಿ ವೆರ್ಸೆಸ್ 1000 ಮೋಟಾರ್ ಸೈಕಲ್ ಬಿಡುಗಡೆ ಮಾಡಿತ್ತು.
ಇದೇ ಸಂದರ್ಭದಲ್ಲಿ ಕವಾಸಕಿ ಕೆಎಲ್ಎಕ್ಸ್ 110 ಮಾದರಿಯನ್ನು ಕವಾಸಕಿ ಬಿಡುಗಡೆ ಮಾಡಿದೆ. ಇದರ ದೆಹಲಿ ಎಕ್ಸ್ ಶೋ ರೂಂ ಬೆಲೆ 2.65 ಲಕ್ಷ ರು.ಗಳಾಗಿರಲಿದೆ.
ನೂತನ ಕವಾಸಕಿ ವೆರ್ಸೆಸ್ 650 ಬೈಕ್ 649 ಸಿಸಿ ಇನ್ ಲೈನ್ ಟ್ವಿನ್, ಲಿಕ್ವಿಡ್ ಕೂಲ್ಡ್ ಡಿಒಎಚ್ಸಿ ಫ್ಲೂಯಲ್ ಇಂಜೆಕ್ಷನ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡಲಿದ್ದು, 64.7 ಎನ್ಎಂ ತಿರುಗುಬಲದಲ್ಲಿ 69 ಅಶ್ವಶಕ್ತಿ ಉತ್ಪಾದಿಸಲಿದೆ. ಅಲ್ಲದೆ ಆರು ಸ್ಪೀಡ್ ಗೇರ್ ಬಾಕ್ಸ್ ಇದರಲ್ಲಿರಲಿದೆ.
ಪ್ರಸ್ತುತ ಅಡ್ವೆಂಚರ್ ಟೂರರ್ ಬೈಕ್ ಕಂಪ್ಲೀಟ್ ನೌಕ್ಡ್ ಡೌನ್ ಮುಖಾಂತರ ದೇಶವನ್ನು ತಲುಪಲಿದೆ. ಅಲ್ಲದೆ ನಿಂಜಾ 650 ಸ್ಪೋರ್ಟ್ಸ್ ಟೂರರ್ ಹಾಗೂ ಇಆರ್6ಎನ್ ಸ್ಟ್ರೀಟ್ ಫೈಟರ್ ಜೊತೆಗೂ ಚಾಸೀ ಹಂಚಿಕೊಂಡಿದೆ.
ಬಜಾಜ್ ಆಟೋದ ಅಕ್ರುದಿ ಘಟಕದಲ್ಲಿ ನೂತನ ಕವಾಸಕಿ ಬೈಕ್ ಜೋಡಣೆಯಾಗಲಿದೆ. ಈ ಮೂಲಕ ಸ್ಪರ್ಧಾತ್ಮಕ ಬೆಲೆ ಕಾಪಾಡಿಕೊಳ್ಳಲಿದೆ. ಇದೇ ಘಟಕದಲ್ಲಿ ಕವಾಸಕಿ ಝಡ್250, ನಿಂಜಾ 300, ನಿಂಜಾ 650 ಹಾಗೂ ಇಆರ್6ಎನ್ ಜೋಡಣೆಯಾಗುತ್ತಿದೆ.
ಇದು ಪ್ರಮುಖವಾಗಿಯೂ ಡಿಎಸ್ ಕೆ ಬನೆಲ್ಲಿ ಟಿಎನ್ ಟಿ 600 ಜಿಟಿ ಮತ್ತು ಹೋಂಡಾ ಸಿಬಿಆರ್650ಎಫ್ ಮಾದರಿಗಳಿಗೆ ಪ್ರತಿಸ್ಪರ್ಧಿಯಾಗಲಿದೆ.
Continue with Google