ಬಜಾಜ್‌ನಿಂದ ಮೂರು ಹೊಸ ಬೈಕ್‌ಗಳು ರಸ್ತೆಗೆ

ಮಾರ್ಕೆಟ್ ಲೀಡರ್ ಎಂಬ ಪಟ್ಟವನ್ನು ಮುಂದುವರಿಸಿಕೊಂಡು ಹೋಗುವ ಇರಾದೆಯಲ್ಲಿರುವ ಬಜಾಜ್ ಆಟೋ ಸ್ಪರ್ಧಾತ್ಮಕ ಮಾರುಕಟ್ಟೆಯಲ್ಲಿ ಹೆಚ್ಚು ಗ್ರಾಹಕ ಸ್ನೇಹಿ ಬೈಕ್ ಗಳನ್ನು ಪರಿಚಯಿಸಲಿದೆ.

ಎಂಟ್ರಿ ಲೆವೆಲ್ ವಿಭಾಗದಲ್ಲಿ ಸಿಟಿ100 ಹಾಗೂ ಪ್ಲಾಟಿನಾಗಳಂತಹ ಮಾದರಿಗಳನ್ನು ಪರಿಚಯಿಸಿರುವ ಬಜಾಜ್ ಆಟೋ ತನ್ನ ಸಾನಿಧ್ಯವನ್ನು ಬಲಪಡಿಸಿಕೊಂಡಿತ್ತು.

ಅದೇ ರೀತಿ ಕ್ರೀಡಾ ವಿಭಾಗದಲ್ಲಿ ಪಲ್ಸರ್ ಆರ್‌ಎಸ್200, ಪಲ್ಸರ್ ಎಎಸ್ 200 ಹಾಗೂ ಪಲ್ಸರ್ 150 ಯುವ ಪೀಳಿಗೆಗೆ ಹೆಚ್ಚಿನ ಆತ್ಮವಿಶ್ವಾಸವನ್ನು ತುಂಬಿತ್ತು. ಇನ್ನು ಕ್ರೂಸರ್ ಶೈಲಿಯ ಅವೆಂಜರ್ ಕ್ರೂಸರ್ 220, ಅವೆಂಜರ್ ಸ್ಟ್ರೀಟ್ 220 ಮತ್ತು ಅವೆಂಜರ್ 150 ಹೆಚ್ಚಿನ ಮೋಡಿ ಮಾಡಿದೆ.

2016ನೇ ಸಾಲಿನಲ್ಲಿ ಬಜಾಜ್ ಸಂಸ್ಥೆಯು ಪಲ್ಸರ್ ಸಿಎಸ್ 400 ಅಥವಾ ಆರ್‌ಎಸ್ 400 ಕ್ರೀಡಾ ಬೈಕ್ ಬಿಡುಗಡೆ ಮಾಡುವ ಸಾಧ್ಯತೆಯಿದೆ.

ಅಂತೆಯೇ ಎಂಟ್ರಿ ಲೆವೆಲ್ ಪ್ರಯಾಣಿಕ ವಿಭಾಗದಲ್ಲಿ ಹೆಚ್ಚು ಶಕ್ತಿಶಾಲಿ ಸಿಟಿ100 ಬಿಡುಗಡೆ ಮಾಡುವ ಯೋಜನೆಯನ್ನು ಹೊಂದಿದೆ.