ಸಂಚಲನ ಮೂಡಿಸಿದ ಬಜಾಜ್ ಕ್ರೆಟೊಸ್ ವಿಎಸ್400; ಏನೆಲ್ಲ ನಿರೀಕ್ಷೆ ಮಾಡಬಹುದು?

ಕ್ರೆಟೊಸ್ ವಿಎಸ್400 ಎಂಬುದು ವ್ಯಾಂಟೇಜ್ ಸ್ಪೋರ್ಟ್ ಎಂಬ ಅರ್ಥವನ್ನು ನೀಡುತ್ತದೆ. ಇದಕ್ಕೂ ಮೊದಲು ಸಿಎಸ್ ಸ್ಪೋರ್ಟ್ ಅಥವಾ ಕ್ರೂಸರ್ ಸ್ಪೋರ್ಟ್ ಎಂಬ ಹೆಸರಿನಿಂದ ಗುರುತಿಸ್ಪಟ್ಟಿತ್ತು. ಕ್ರೆಟೊಸ್ ಎಂಬುದು ಗ್ರೀಕ್ ಯುದ್ಧ ದೇವತೆಯ ಸೂಚಕವಾಗಿದ್ದು, ಶಕ್ತಿ, ಸಾರ್ವಭೌಮ, ಅಧಿಕಾರದ ವ್ಯಕ್ತೀಕರಣದ ಸಂಕೇತವಾಗಿದೆ.

ಕೆಟಿಎಂ ಡ್ಯೂಕ್ 390 ಆವೃತ್ತಿಯಲ್ಲಿರುವುದಕ್ಕೆ ಸಮಾನವಾದ 373.27 ಸಿಸಿ ಲಿಕ್ವಿಂಡ್ ಕೂಲ್ಡ್ 4 ವಾಲ್ವ್ ಟ್ರಿಪಲ್ ಸ್ಪಾರ್ಕ್ ಫ್ಯೂಯಲ್ ಇಂಜೆಕ್ಟಡ್ ಎಂಜಿನ್ ನಿಂದ ನಿಯಂತ್ರಿಸ್ಪಡುವ ಬಜಾಜ್ ವಿಎಸ್400 ಆರು ಸ್ಪೀಡ್ ಗೇರ್ ಬಾಕ್ಸ್ ಪಡೆಯಲಿದೆ.

ಬಲ್ಲ ಮೂಲಗಳ ಪ್ರಕಾರ ಕ್ರೆಟೊಸ್ ವಿಎಸ್400 ಬೇಸ್ ವೆರಿಯಂಟ್ 34 ಅಶ್ವಶಕ್ತಿಯನ್ನು ಹಾಗೂ ಹೈ ಎಂಡ್ 35 ಎನ್ ಎಂ ತಿರುಗುಬಲದಲ್ಲಿ 43 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ. ಇದರಲ್ಲಿ ಬಜಾಜ್ ಡಿಟಿಎಸ್-ಐ ತಂತ್ರಜ್ಞಾನವೂ ಆಳವಡಿಸಲಾಗುವುದು.

ಕೆಟಿಎಂ ಡ್ಯೂಕ್ ನಲ್ಲಿರುವುದಕ್ಕೆ ಸಮಾನವಾಗಿ ಬಜಾಜ್ ವಿಎಸ್400 ಬೈಕ್ ನಲ್ಲೂ ಸ್ಲಿಪರ್ ಕ್ಲಚ್ ತಂತ್ರಜ್ಞಾನವು ಬಳಕೆಯಾಗಲಿದೆ. ಸ್ಲಿಪರ್ ಕ್ಲಚ್ ವ್ಯವಸ್ಥೆಯನ್ನು ಪ್ರಮುಖವಾಗಿಯೂ ನಿರ್ವಹಣಾ ಬೈಕ್ ಗಳಿಗಾಗಿ ಅಭಿವೃದ್ಧಿಪಡಿಸಲಾಗುತ್ತಿದ್ದು, ಕ್ಲಚ್ ಬದಲಾಯಿಸುವಾಗ ಎಂಜಿನ್ ನಿರ್ವಹಣೆ ಮೇಲೆ ಯಾವುದೇ ಪರಿಣಾಮ ಬೀರುವುದಿಲ್ಲ.

ಡುಕಾಟಿ ಡೇವಿಯಲ್ ನಿಂದ ಸ್ಪೂರ್ತಿ ಪಡೆದ ಶೈಲಿ, ಟೆಲಿಸ್ಕಾಪಿಕ್ ಫ್ರಂಟ್ ಫಾರ್ಕ್, ಮೊನೊಶಾಕ್ ಸಸ್ಪೆನ್ಷನ್, ಫ್ರಂಟ್ ಮತ್ತು ರಿಯರ್ ಡಿಸ್ಕ್ ಬ್ರೇಕ್, ಎಲ್ ‌ಇಡಿ ಹೆಡ್ ಲ್ಯಾಂಪ್, ಎಲ್‌ ಇಡಿ ಟೈಲ್ ಲೈಟ್, ಶಕ್ತಿಶಾಲಿ ಇಂಧನ ಟ್ಯಾಂಕ್, ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಇತ್ಯಾದಿ ವೈಶಿಷ್ಟ್ಯಗಳನ್ನು ವಾಹನ ಪ್ರೇಮಿಗಳು ನಿರೀಕ್ಷೆ ಮಾಡಬಹುದಾಗಿದೆ.

ನೂತನ ಕ್ರೆಟೊಸ್ ವಿಎಸ್400, ಆ್ಯಂಟಿ ಲಾಕ್ ಬ್ರೇಕಿಂಗ್ ಸಿಸ್ಟಂ (ಎಬಿಎಸ್) ಹಾಗೂ ಎಬಿಎಸ್ ರಹಿತ ವೆರಿಯಂಟ್ ಗಳಲ್ಲಿ ಮಾರಾಟಕ್ಕೆ ಲಭ್ಯವಾಗಲಿದೆ. ಅಂದರೆ ಎರಡು ವಿಭಿನ್ನ ಬೆಲೆಗಳಲ್ಲಿ ಎಂಟ್ರಿ ಕೊಡಲಿದೆ.

ದ್ವಿಚಕ್ರ ಸುರಕ್ಷತೆಯನ್ನು ವೃದ್ಧಿಸಿಕೊಳ್ಳಲು ಸರಕಾರ ಯೋಜನೆ ಜಾರಿಗೊಳಿಸುತ್ತಿದೆ. ಇದಕ್ಕೆ ಪೂರಕವಾಗಿ ಎಬಿಎಸ್ ತಂತ್ರಗಾರಿಕೆಯನ್ನು ಕ್ರೆಟೊಸ್ ವಿಎಸ್400 ಗಿಟ್ಟಿಸಿಕೊಳ್ಳಲಿದೆ.

ಬಜಾಜ್ ಪಲ್ಸರ್ ಕ್ರೆಟೊಸ್ ವಿಎಸ್400 ಎಬಿಎಸ್ ರಹಿತ ಹಾಗೂ ಎಬಿಎಸ್ ಆವೃತ್ತಿಯಗಳು ಎಕ್ಸ್ ಶೋ ರೂಂ ಬೆಲೆಯ ಪ್ರಕಾರ 1.7 ಲಕ್ಷ ರು.ಗಳಿಂದ 1.85 ಲಕ್ಷ ರುಪಾಯಿಗಳಷ್ಟು ದುಬಾರಿಯೆನಿಸಲಿದೆ.