ಎರಡು ಲಕ್ಷ ಮೈಲುಗಲ್ಲು ತಲುಪಿದ ಬಜಾಜ್ ವಿ15

ಬಿಡುಗಡೆಯಾದ ಮೊದಲ ತಿಂಗಳಲ್ಲೇ ಟಾಪ್ 10 ಗರಿಷ್ಠ ಮಾರಾಟವಾಗುವ ಬೈಕ್ ಗಳ ಸಾಲಿಗೆ ಸೇರಿಕೊಂಡಿರುವ ಬಜಾಜ್ ವಿ15, ನಾಲ್ಕನೇ ತಿಂಗಳೊಳಗೆ ಒಂದು ಲಕ್ಷವನ್ನು ಇದೀಗ ಎಂಟು ತಿಂಗಳೊಳಗೆ ಎರಡು ಲಕ್ಷ ಯುನಿಟ್ ಮಾರಾಟ ಮೈಲುಗಲ್ಲನ್ನು ದಾಟಿದೆ.

ಬಜಾಜ್ ವಿ15 ತಿಂಗಳಲ್ಲಿ ಸರಾಸರಿ 30,000ದಷ್ಟು ಮಾರಾಟವನ್ನು ಕಾಪಾಡಿಕೊಂಡಿದೆ. ಈ ಸಂಬಂಧ ಆಕರ್ಷಕ ಅರ್ಥವತ್ತಾದ ಜಾಹೀರಾತನ್ನು ಸಂಸ್ಥೆಯು ಬಿಡುಗಡೆಗೊಳಿಸಿದೆ. ಓದುಗರಿಗಾಗಿ ಲೇಖನದ ಕೊನೆಯಲ್ಲಿ ವಿಡಿಯೋವನ್ನು ಹಂಚಲಾಗಿದೆ.

149.5 ಸಿಸಿ ಸಿಂಗಲ್ ಸಿಲಿಂಡರ್ 4 ಸ್ಟ್ರೋಕ್ ಎಸ್‌ಒಎಚ್ ಸಿ ಏರ್ ಕೂಲ್ಡ್ ಡಿಟಿಎಸ್-ಐ ಎಂಜಿನ್ ನಿಂದ ನಿಯಂತ್ರಿಸಲ್ಪಡುವ ಬಜಾಜ್ ವಿ, 13 ಎನ್ ಎಂ ತಿರುಗುಬಲದಲ್ಲಿ 12 ಅಶ್ವಶಕ್ತಿಯನ್ನು ಉತ್ಪಾದಿಸುತ್ತದೆ. ಅಲ್ಲದೆ ಐದು ಸ್ಪೀಡ್ ಗೇರ್ ಬಾಕ್ಸ್ ಇದರಲ್ಲಿರುತ್ತದೆ. '

ನೂತನ ಬಜಾಜ್ ವಿ15 ಅತಿ ಶೀಘ್ರದಲ್ಲೇ ವೈನ್ ರೆಡ್ ಬಣ್ಣದಲ್ಲೂ ಲಭ್ಯವಾಗಲಿದ್ದು, ಒಟ್ಟು ಬಣ್ಣಗಳ ಸಂಖ್ಯೆಯು ಮೂರಕ್ಕೆ ಏರಿಕೆಯಾಗಿದೆ. ಎಬೋನಿ ಬ್ಲ್ಯಾಕ್ ಮತ್ತು ಪಿಯರ್ಲ್ ವೈಟ್ ಗಳೆಂಬ ಬಣ್ಣಗಳು ಈಗಾಗಲೇ ಮಾರುಕಟ್ಟೆಯಲ್ಲಿದೆ. ಇದಕ್ಕೀಗ ಹೊಸತಾದ ವೈನ್ ರೆಡ್ ಸೇರ್ಪಡೆಯಾಗಲಿದೆ.

ಬಹುಮುಖಧಾರಿ ಆಧುನಿಕ ಕ್ಲಾಸಿಕ್ ಶೈಲಿಯನ್ನು ಮೈಗೂಡಿಸಿ ಬಂದಿರುವ ಬಜಾಜ್ ವಿ15, ದಿಟ್ಟವಾದ ಸ್ಪೋರ್ಟಿ ಗ್ರಾಫಿಕ್ಸ್, ಕ್ಲಾಸಿಕ್ ಎಲ್‌ಇಡಿ ಟೈಲ್ ಲ್ಯಾಂಪ್, ಪ್ರೀಮಿಯಂ ಸೀಟು, ಪ್ರೀಮಿಯಂ ಇನ್ಸ್ಟ್ರುಮೆಂಟ್ ಕ್ಲ್ಸ್ಟರ್ ಮತ್ತು 10 ಸ್ಪೋಕ್ ಅಲ್ಯೂಮಿನಿಯಂನಿಂದ ಸುತ್ತುವರಿದ ವೀಲ್ ಡಿಸೈನ್ ಗಳನ್ನು ಪಡೆದಿದೆ.

ಪ್ರಭಾವಶಾಲಿ ಮುಂಭಾಗ, ಎತ್ತರದ ಸಾನಿಧ್ಯ, ಎದ್ದು ಕಾಣಿಸುವ ಇಂಧನ ಟ್ಯಾಂಕ್, ಕಾರ್ಯ ಕ್ಷಮತೆಯ ಹ್ಯಾಂಡಲ್ ಬಾರ್, ಆಕ್ರಮಣಕಾಗಿ ಫ್ರಂಟ್ ಫಾರ್ಕ್ ಮತ್ತು ಬಿರುಸುತನದ ಡಬಲ್ ದೇಹ ರಚನೆ ಇದರಲ್ಲಿದೆ.

ಮುಂಭಾಗದಲ್ಲಿ ಟೆಲಿಸ್ಕಾಪಿಕ್ ಮತ್ತು ಹಿಂಭಾಗದಲ್ಲಿ ಟ್ವಿನ್ ಸ್ಪ್ರಿಂಗ್ ಲೋಡಡ್ ಹೈಡಾಲಿಕ್ ಟೈಪ್ ಸಸ್ಪನ್ಷನ್ ಜೊತೆಗೆ ಮುಂಭಾಗದಲ್ಲಿ 240 ಡಿಸ್ಕ್ ಹಾಗೂ ಹಿಂಭಾಗದಲ್ಲಿ 130 ಡ್ರಮ್ ಬ್ರೇಕ್ ವ್ಯವಸ್ಥೆಯನ್ನು ಪಡೆದಿದೆ.

1971ರ ಭಾರತ-ಪಾಕಿಸ್ತಾನ ಯುದ್ಧದಲ್ಲಿ ನಿರ್ಮಾಣಕ ಪಾತ್ರ ವಹಿಸಿರುವ ಭಾರತೀಯ ನೌಕಾಸೇನೆಯ ವಿಮಾನಧಾರಕ ನೌಕೆ 'ವಿಕ್ರಾಂತ್' ಯುದ್ಧ ವಿಮಾನದ ಉಕ್ಕಿನ ಲೋಹದಿಂದ ಅತ್ಯಾಧುನಿಕ ವಿ15 ನಿರ್ಮಿಸಲಾಗಿದೆ.

ಸೋಲರಿಯದ ಐಎನ್‌ಎಸ್ ವಿಕ್ರಾಂತ್ ಹಡಗಿನ ಲೋಹದಿಂದ (Made with the invincible metal of INS Vikrant) ನಿರ್ಮಿತ ನೂತನ ಬಜಾಜ್ 'ವಿ' ಬೈಕ್, ತನ್ನ ಹೆಸರಿನಲ್ಲೇ ಶೌರ್ಯವನ್ನು (Valor) ಪ್ರತಿಬಿಂಬಿಸುತ್ತದೆ.

ಬಜಾಜ್ ವಿ15 ಜಾಹೀರಾತು ವೀಕ್ಷಿಸಿ