ಎನ್‌ಫೀಲ್ಡ್‌ಗೆ ಟಕ್ಕರ್ ನೀಡಲು ಬರುತ್ತಿದೆ ಕವಾಸಕಿ ಎಸ್ಟ್ರೆಲ್ಲಾ

250ಸಿಸಿಯಿಂದ 350 ಸಿಸಿ ಸೆಗ್ಮೆಂಟ್ ಮಾರುಕಟ್ಟೆ ಬೆಳವಣಿಗೆಯನ್ನು ನಿಕಟವಾಗಿ ಗಮನಿಸುತ್ತಿರುವ ಕವಾಸಕಿ, ಬಿಜೆ250 ಇತ್ಯಾದಿ ಮಾದರಿಗಳನ್ನು ಮಾರುಕಟ್ಟೆಗಿಳಿಸುವ ಯೋಜನೆಯಲ್ಲಿದೆ.

ಒಂದು ವೇಳೆ ಕವಾಸಕಿ ವಾಹನಗಳನ್ನು ದೇಶಕ್ಕೆ ಪ್ರವೇಶಿಸಿದ್ದಲ್ಲಿ ರಾಯಲ್ ಎನ್ ಫೀಲ್ಡ್ ನ ಜನಪ್ರಿಯ ಬುಲೆಟ್ 350 ಮತ್ತು ಕ್ಲಾಸಿಕ್ 350 ಮಾದರಿಗಳಿಗೆ ನೇರ ಪ್ರತಿಸ್ಪರ್ಧಿಯಾಗಲಿದೆ.

ಪುಣೆಯಲ್ಲಿರುವ ಘಟಕದಲ್ಲಿ ಕವಾಸಕಿ ಎಸ್ಟ್ರೆಲ್ಲಾ ಸ್ಥಳೀಯವಾಗಿ ನಿರ್ಮಿಸುವ ಯೋಜನೆಯನ್ನು ಕವಾಸಕಿ ಹೊಂದಿದ್ದು, ಈ ಮುಖಾಂತರ ಸ್ಪರ್ಧಾತ್ಮಕ ಬೆಲೆಯನ್ನು ಕಾಪಾಡಿಕೊಳ್ಳಲಿದೆ.

249 ಸಿಸಿ ಸಿಂಗಲ್ ಸಿಲಿಂಡರ್ ಏರ್ ಕೂಲ್ಡ್ ಫ್ಯೂಯಲ್ ಇಂಜೆಕ್ಟಡ್ ಮೋಟಾರ್ ನಿಂದ ನಿಯಂತ್ರಿಸ್ಪಡುವ ಕವಾಸಕಿ ಎಸ್ಟ್ರೆಲ್ಲಾ 18 ಎನ್ ಎಂ ತಿರುಗುಬಲದಲ್ಲಿ 17.4 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ. ಹಾಗೆಯೇ 5 ಸ್ಪೀಡ್ ಗೇರ್ ಬಾಕ್ಸ್ ಇದರಲ್ಲಿರುತ್ತದೆ.

ಒಟ್ಟಿನಲ್ಲಿ ಶಿಪ್ರ ಗತಿಯಲ್ಲಿ ಬೆಳೆದು ಬರುತ್ತಿರುವ ಭಾರತೀಯ ಮಾರುಕಟ್ಟೆಯತ್ತ ಅನೇಕ ಜಾಗತಿಕ ಸಂಸ್ಥೆಗಳು ಗಮನ ಹರಿಸುತ್ತಿದ್ದು, ಇದು ಮತ್ತಷ್ಟು ಆಕ್ರಮಣಕಾರಿ ಉತ್ಪನ್ನಗಳ ಪರಿಚಯಕ್ಕೆ ಕಾರಣವಾಗಲಿದೆ.