ಮಹೀಂದ್ರ ತೆಕ್ಕೆಗೆ ಐಕಾನಿಕ್ ದ್ವಿಚಕ್ರ ಸಂಸ್ಥೆ ಪ್ಯೂಜೊ

ನಿಕಟ ಭವಿಷ್ಯದಲ್ಲೇ ಭಾರತದ ಅಗ್ರಗಣ್ಯ ವಾಹನ ಸಂಸ್ಥೆ ಮಹೀಂದ್ರ ಆಂಡ್ ಮಹೀಂದ್ರ ತೆಕ್ಕೆಗೆ ಯುರೋಪ್ ನ ಐಕಾನಿಕ್ ದ್ವಿಚಕ್ರ ವಾಹನ ಸಂಸ್ಥೆ ಪ್ಯೂಜೊ ಸೇರಿಕೊಳ್ಳಲಿದೆ.

ಹೊಸ ಒಪ್ಪಂದದಂತೆ ಮಹೀಂದ್ರ ಟು ವೀಲರ್ಸ್ ನ ಯುರೋಪ್ ಸಬ್ಸಿಡಿ ಸಂಸ್ಥೆಯಾಗಿರುವ ಮಹೀಂದ್ರ ಟು ವೀಲರ್ಸ್ ಯುರೋಪ್ ಹೋಲ್ಡಿಂಗ್ಸ್ (ಎಂಟಿಡಬ್ಲ್ಯುಎಲ್-ಯುರೋಪ್) 197 ಕೋಟಿ ರುಪಾಯಿಗಳಿಗೆ ವಶಪಡಿಸಿಕೊಳ್ಳಲು ಮಹೀಂದ್ರ ನಿರ್ಧರಿಸಿದೆ. ಸಂಸ್ಥೆಯೀಗ ಎಂಟಿಡಬ್ಲ್ಯುಎಲ್-ಯುರೋಪ್ ನ 14.9 ಬಿಲಿಯನ್ ಶೇಕಡಾ 100ರಷ್ಟು ಶೇರನ್ನು ತನ್ನ ತೆಕ್ಕೆಗೆ ಸೇರಿಸಲಿದೆ.

ಒಟ್ಟಿನಲ್ಲಿ ಜಾಗತಿಕ ಮಟ್ಟದಲ್ಲಿ ಮಹೀಂದ್ರ ಮತ್ತಷ್ಟು ಪ್ರಭಾವಶಾಲಿಯಾಗಿ ಗುರುತಿಸಿಕೊಳ್ಳಲು ನೆರವಾಗಲಿದೆ. ಇದು ದೇಶದ ವಾಹನ ಮಾರುಕಟ್ಟೆ ಬೆಳವಣಿಗೆ ನಿಟ್ಟಿನಲ್ಲಿ ಸ್ವಾಗತಾರ್ಹವೆನಿಸಿದ್ದು, ಗುಣಮಟ್ಟದ ಉತ್ಪನ್ನಗಳು ನಿರ್ಮಾಣವಾಗಲಿದೆ.