ಇಂಡಿಯಾ ಬೈಕ್ ವೀಕ್‌ಗೆ ವರ್ಣರಂಜಿತ ತೆರೆ

ಪ್ರವಾಸಿಗರ ಸ್ವರ್ಗ ಗೋವಾದಲ್ಲಿ ನಡೆದ ಇಂಡಿಯಾ ಬೈಕ್ ವೀಕ್ ವರ್ಣರಂಜಿತ ತೆರೆ ಕಂಡಿದೆ. ಬೈಕ್ ಪ್ರೇಮಿಗಳನ್ನು ತುದಿಗಾಲಲ್ಲಿ ನಿಲ್ಲುವಂತೆ ಮಾಡಿರುವ ಇಂಡಿಯಾ ಬೈಕ್ ವೀಕ್ ಹಲವಾರು ಕಾರಣಗಳಿಂದ ಪ್ರಾಮುಖ್ಯತೆಯನ್ನು ಪಡೆದಿತ್ತು.

ದೇಶದ ಬೈಕ್ ಪ್ರೇಮಿಗಳನ್ನು ಒಂದೆಡೆ ಸೇರಿಸುವಲ್ಲಿ ಇಂಡಿಯಾ ಬೈಕ್ ವೀಕ್ ಅಕ್ಷರಶ: ಯಶ ಕಂಡಿತ್ತು. ಅಲ್ಲದೆ ದ್ವಿಚಕ್ರ ವಾಹನ ಸಂಸ್ಥೆಗಳು ಅನೇಕ ನೂತನ ಮಾದರಿಗಳನ್ನು ಅನಾವರಣಗೊಳಿಸಿತ್ತು.

ಭಾರತ ಮಾತ್ರವಲ್ಲದೆ ಆಸ್ಟ್ರೇಲಿಯಾ, ದಕ್ಷಿಣ ಆಫ್ರಿಕಾ, ಮಲೇಷ್ಯಾ, ದಕ್ಷಿಣ ಪೂರ್ವ ಏಷ್ಯಾ, ಬ್ರಿಟನ್ ಮತ್ತು ಜರ್ಮನಿಯಿಂದಲೂ ಸೇರಿದ 12,000ಕ್ಕೂ ಹೆಚ್ಚು ಬೈಕ್ ಉತ್ಸಾಹಿಗಳು ದೇಶದ ಅತಿ ದೊಡ್ಡ ಬೈಕ್ ಮೇಳದಲ್ಲಿ ಭಾಗವಹಿಸಿದ್ದರು.

ಡಕಾರ್ ರಾಲಿಯಲ್ಲಿ ಭಾಗವಹಿಸಿದ ಮೊತ್ತ ಮೊದಲ ಭಾರತೀಯನೆಂಬ ಗೌರವಕ್ಕೆ ಪಾತ್ರವಾಗಿರುವ ಆಫ್ ರೋಡ್ ರೈಡರ್ ಸಿಎಸ್ ಸಂತೋಷ್ ಸಾನಿಧ್ಯವು ಈ ಬಾರಿಯ ಬೈಕ್ ಹಬ್ಬಕ್ಕೆ ಮೆರಗನ್ನು ತುಂಬಿತ್ತು.