ರಾಯಲ್ ಎನ್ ಫೀಲ್ಡ್ ಬುಲೆಟ್ ಎಲೆಕ್ಟ್ರಾ ಯುಗಾಂತ್ಯ ಕಂಡಿಲ್ಲ; ಇನ್ನೇನು?

ಈ ಎಲ್ಲ ವಾರ್ತೆಗಳನ್ನು ಖುದ್ದಾಗಿ ಮುಂದೆ ಬಂದಿರುವ ಸಂಸ್ಥೆಯು ನಿರಾಕರಿಸಿದ್ದು, ನೂತನ ಬೈಕ್ ಬುಲೆಟ್ 350 ಎಲೆಕ್ಟ್ರಿಕ್ ಸ್ಟ್ಯಾರ್ಟ್ (ಇಎಸ್) ಎಂಬ ಹೊಸ ಹೆಸರಿನಲ್ಲಿ ಹೆಸರಿಸಿಕೊಳ್ಳಲಿದೆ ಎಂಬುದನ್ನು ಸ್ಪಷ್ಟಪಡಿಸಿದೆ.

ರಾಯಲ್ ಎನ್ ಫೀಲ್ಡ್ ಬುಲೆಟ್ 350 ಇಎಸ್ ನಿರ್ಮಾಣವು ಮುಂದುವರಿಯಲಿದ್ದು, ನಾಲ್ಕು ಆಕರ್ಷಕ ಬಣ್ಣಗಳಲ್ಲಿ (ಕಪ್ಪು, ಬೆಳ್ಳಿ, ಬೂದು ಮತ್ತು ನೀಲಿ) ನಮ್ಮ ಡೀಲರುಗಳ ಬಳಿ ಲಭ್ಯವಿರಲಿದೆ ಎಂದು ವಕ್ತಾರರು ಖಚಿತಪಡಿಸಿದ್ದಾರೆ.

ಇದರ ಹಿಂದೆ ಯಾವುದೇ ವಾಣಿಜ್ಯ ಲಾಭ ಉದ್ದೇಶವಿರಿಸಲಾಗಿಲ್ಲ. ಗ್ರಾಹಕರಿಗೆ ಸುಲಭವಾಗಿ ಗುರುತಿಸಲು ಬದಲಾವಣೆ ತರಲಾಗಿದೆ.

ಬುಲೆಟ್ 350 ಹಾಗೂ ಎಲೆಕ್ಟ್ರಾ ಮಾದರಿಗಳು ಪರಸ್ಪರ ಸಮಾನವಾದ ವೈಶಿಷ್ಟ್ಯಗಳನ್ನು ಪಡೆದುಕೊಂಡಿದೆ. ಆಧರೆ ಎಲೆಕ್ಟ್ರಾದಲ್ಲಿ ಎಲೆಕ್ಟ್ರಿಕ್ ಸ್ಟ್ಯಾರ್ಟ್ ಆಯ್ಕೆಯಿರುವುದು ಇವೆರಡು ಬುಲೆಟ್ ಗಳ ಪ್ರಮುಖ ಬದಲಾವಣೆಯಾಗಿದೆ.

346 ಸಿಸಿ ಸಿಂಗಲ್ ಸಿಲಿಂಡರ್ 4 ಸ್ಟ್ರೋಕ್ಸ್, ಟ್ವಿನ್ ಸ್ಪಾರ್ಕ್, ಏರ್ ಕೂಲ್ಡ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡುವ ಬುಲೆಟ್ 350 ಇಎಸ್, 28 ಎನ್ ಎಂ ತಿರುಗುಬಲದಲ್ಲಿ 19.8 ಅಶ್ವಶಕ್ತಿಯನ್ನು ಉತ್ಪಾದಿಸುತ್ತದೆ.