ಡಿಎಸ್‌ಕೆ ಬೆನೆಲ್ಲಿ ಬೈಕ್ ಗಳಿಗೆ ಬೆಲೆ ಏರಿಕೆ ಬಿಸಿ

ದೇಶದ ಕೆಲವು ಭಾಗಗಳಲ್ಲಿ ಮೌಲ್ಯವರ್ಧಿತ ತೆರಿಗೆಯನ್ನು ಏರಿಕೆಗೊಳಿಸಿರುವುದು ಡಿಎಸ್ ಕೆ ಬೆನೆಲ್ಲಿ ಬೈಕ್ ಗಳಿಗೆ ಬೆಲೆ ಏರಿಕೆಯಾಗಲು ಪ್ರಮುಖ ಕಾರಣವಾಗಿದೆ.

ಬೆನೆಲ್ಲಿ ಟಿಎನ್ ಟಿ 25 ಈಗ ಹಿಂದಿನ ಬೆಲೆಗಿಂತಲೂ 7,000 ರು.ಗಳಷ್ಟು ದಾಬರಿಯೆನಿಸಲಿದೆ. ಇದರ ಪುಣೆ ಎಕ್ಸ್ ಶೋ ರೂಂ ಬೆಲೆಯೀಗ 1.77 ಲಕ್ಷ ರು.ಗಳಿಗೆ ಏರಿಕೆಯಾಗಿದೆ.

ಡಿಎಸ್ ಕೆ ಬೆನೆಲ್ಲಿ ಟಿಎನ್ ಟಿ 25 ಪ್ರೀಮಿಯಂ ಬೈಕ್ ಬೆಲೆಯಲ್ಲೂ 7,000 ರು.ಗಳಷ್ಟು ವರ್ಧನೆಯುಂಟಾಗಿದ್ದು ಪುಣೆ ಎಕ್ಸ್ ಶೋ ರೂಂ ಬೆಲೆ 1.83 ಲಕ್ಷ ರು.ಗಳಿಗೆ ಏರಿಕೆಯಾಗಿದೆ.

ಇನ್ನೊಂದೆಡೆ ಬೆಲೆಲ್ಲಿ ಟಿಎನ್ ಟಿ 300 ಮೋಟಾರ್ ಸೈಕಲ್ ಬೆಲೆಗಳಲ್ಲಿ 6,000 ರು.ಗಳಷ್ಟು ಏರಿಕೆ ಕಂಡು ಪುಣೆ ಎಕ್ಸ್ ಶೋ ರೂಂ ದರ 3.09 ಲಕ್ಷ ರು.ಗಳಿಗೆ ಹೆಚ್ಚಳಗೊಂಡಿದೆ.

ಅತ್ತ ಬೆನೆಲ್ಲಿ ಟಿಎನ್ ಟಿ 600 ಜಿಟಿ ಆವೃತ್ತಿಯಲ್ಲಿ 2,4000 ರು.ಗಳಷ್ಟು ಏರಿಕೆ ಕಂಡಿದೆ. ಇದೀಗ ಈ ಆವೃತ್ತಿಯು ಪುಣೆ ಎಕ್ಸ್ ಶೋ ರೂಂ ಬೆಲೆಯ ಪ್ರಕಾರ 6.15 ಲಕ್ಷ ರು.ಗಳಷ್ಟು ಬೆಲೆ ಬಾಳಲಿದೆ.

ಬೆನೆಲ್ಲಿಯ ಜನಪ್ರಿಯ ಬೈಕ್ ಆಗಿರುವ ಟಿಎನ್ ಟಿ 600ಐ ಬೆಲೆಯಲ್ಲಿ ಬರೋಬ್ಬರಿ 41,000 ರು.ಗಳಷ್ಟು ಏರಿಕೆ ಕಂಡಿದೆ. ಇದರೊಂದಿಗೆ ಈ ಎಬಿಎಸ್ ಬೈಕ್ ನ ಪುಣೆ ಎಕ್ಸ್ ಶೋ ರೂಂ ಬೆಲೆ 5.86 ಲಕ್ಷ ರು.ಗಳಿಗೆ ಏರಿಕೆ ಕಂಡಿದೆ.

ಡಿಎಸ್ ಕೆ ಬೆನೆಲ್ಲಿ ಟಿಎನ್ ಟಿ 899 ಬೆಲೆಗಳಲ್ಲಿ 35,000 ರು.ಗಳಷ್ಟು ಏರಿಕೆ ಕಂಡು ಪುಣೆ ಎಕ್ಸ್ ಶೋ ರೂಂ ಬೆಲೆ 9.73 ರು.ಗಳಿಗೆ ನಿಗದಿಯಾಗಿದೆ.

ಕೊನೆಯದಾಗಿ ಬೆನೆಲ್ಲಿ ಟಿಎನ್ ಟಿ ಆರ್ ಆವೃತ್ತಿಯಲ್ಲೂ 43,000 ರು.ಗಳಷ್ಟು ಏರಿಕೆ ಕಂಡು ಪುಣೆ ಎಕ್ಸ್ ಶೋ ರೂಂ ಬೆಲೆ 12.11 ಲಕ್ಷ ರು.ಗಳಿಗೆ ಏರಿಕೆಯಾಗಿದೆ.