ಆಶ್ಚರ್ಯಕರ ಬೆಲೆಯಲ್ಲಿ ದೇಶದ ಚೊಚ್ಚಲ ಎಲೆಕ್ಟ್ರಿಕ್ ಬೈಕ್ ಬಿಡುಗಡೆ

ಒಂದು ಪರಿಪೂರ್ಣ ಕ್ರೀಡಾ ಬೈಕ್ ವಿನ್ಯಾಸವನ್ನು ಮೈಗೂಡಿಸಿ ಬಂದಿರುವ ಟಾರ್ಕ್ ಟಿ6ಎಕ್ಸ್ ಎಲೆಕ್ಟ್ರಿಕ್ ಬೈಕ್ ಮೊದಲ ಹಂತವಾಗಿ ಬೆಂಗಳೂರು ಸೇರಿದಂತೆ ಮೂರು ನಗರಗಳಲ್ಲಿ ಲಭ್ಯವಾಗಲಿದೆ. ಬೆಂಗಳೂರು ಹೊರತಾಗಿ ದೆಹಲಿ ಹಾಗೂ ಪುಣೆ ನಗರವನ್ನು ತಲುಪಿದೆ.

ಬ್ಯಾಟರಿ

ಟಾರ್ಕ್ ಟಿ6ಎಕ್ಸ್ ಎಲೆಕ್ಟ್ರಿಕ್ ಬೈಕ್, ಬ್ರಶ್ ಲೆಸ್ ಡಿಸಿ 6 ಕೆಡ್ಬ್ಲ್ಯು ಲಿಥಿಯಂ ಇಯಾನ್ ಬ್ಯಾಟರಿಂದ ನಿಯಂತ್ರಿಸಲ್ಪಡುತ್ತಿದ್ದು, 27 ಎನ್ ಎಂ ತಿರುಗುಬಲವನ್ನು ನೀಡುತ್ತದೆ.

ಚಾರ್ಜಿಂಗ್

ಶೇಕಡಾ 80ರಷ್ಟು ಚಾರ್ಜ್ ಮಾಡಿಸಿದ್ದಲ್ಲಿ ಟಾರ್ಕ್ ಬೈಕ್ ನಲ್ಲಿ 100 ಕೀ.ಮೀ. ವ್ಯಾಪ್ತಿಯನ್ನು ಸರಾಗವಾಗಿ ಸಾಗಬಹುದಾಗಿದೆ. ಇನ್ನು ಗಂಟೆಗೆ ಗರಿಷ್ಠ 100 ಕೀ.ಮೀ. ವೇಗವರ್ಧಿಸಿಕೊಳ್ಳಬಹುದಾಗಿದೆ.

ಇದರಲ್ಲಿ ಜೋಡಣೆ ಮಾಡಲಾಗಿರುವ ಲಿಥಿಯಂ ಇಯಾನ್ ಬ್ಯಾಟರಿಯು ಶೇಕಡಾ 80ರಷ್ಟು ಚಾರ್ಜ್ ಆಗಲು 60 ನಿಮಿಷಗಳು ತಗುಲಲಿದೆ. ಅದೇ ಹೊತ್ತಿಗೆ ಸಂಪೂರ್ಣವಾಗಿ ಚಾರ್ಜ್ ಆಗಲು ಎರಡು ತಾಸುಗಳಷ್ಟು ಸಮಯ ಬೇಕಾಗುವುದು.

ಬ್ರೇಕ್ ಬಗ್ಗೆ ಮಾತನಾಡುವುದಾದ್ದಲ್ಲಿ ಮುಂಭಾಗ ಹಾಗೂ ಹಿಂಭಾಗದಲ್ಲಿ ಡಿಸ್ಕ್ ಬ್ರೇಕ್ ಸೌಲಭ್ಯಗಳಿರಲಿದೆ. ತನ್ಮೂಲಕ ಗರಿಷ್ಠ ಸುರಕ್ಷತೆಯನ್ನು ಕಾಯ್ದುಕೊಳ್ಳಲಾಗಿದೆ.

ಇನ್ನು ಮುಂಭಾಗದಲ್ಲಿ ಟೆಲಿಸ್ಕಾಪಿಕ್ ಫಾರ್ಕ್ ಮತ್ತು ಹಿಂಭಾಗದಲ್ಲಿ ಸ್ಪ್ರಿಂಗ್ ಲೋಡಡ್ ಹೈಡ್ರಾಲಿಕ್ ಮೊನೊ ಸಸ್ಪೆನ್ಷನ್ ಜೋಡಣೆ ಮಾಡಲಾಗಿದೆ.

ಬ್ಯಾಟರಿ ಬಾಳ್ವಿಕೆಯ ಬಗ್ಗೆ ಮಾತನಾಡುವುದಾದ್ದಲ್ಲಿ ಬಳಕೆಗೆ ಅನುಗುಣವಾಗಿ 80,000 ಕೀ.ಮೀ. ಗಳಿಂದ 1,00,000 ಕೀ.ಮೀ. ವರೆಗೆ ಬಾಳ್ವಿಕೆ ಬರಲಿದೆ.

ಸಂಪೂರ್ಣ ಡಿಜಿಟಲ್ ಟಿಎಫ್ ಟಿ ಮಾನಿಟರ್, ಮೊಬೈಲ್ ಮಾನಿಟರ್ ಪೋರ್ಟ್, ಜಿಪಿಎಸ್ ಮತ್ತು ನೇವಿಗೇಷನ್, ಹೆಲ್ಮೆಟ್ ಸ್ಟೋರೆಜ್, ಮೊಬೈಲ್ ಆಪ್ ಸಪೋರ್ಟ್, ಆ್ಯಂಟಿ ಥೆಪ್ಟ್, ಜಿಯೋ ಫೆನ್ಸಿಂಗ್ ಮತ್ತು ಡೇಟೈಮ್ ರನ್ನಿಂಗ್ ಲೈಟ್ಸ್ ಗಳಿಂದ ಕೂಡಿರುವ ನೂತನ ಟಾರ್ಕ್ ಎಲೆಕ್ಟ್ರಿಕ್ ಬೈಕ್ ವೈಶಿಷ್ಟ್ಯಗಳಿಂದ ತುಂಬಿ ತುಳುಕಲಿದೆ.

ನೂತನ ಟಾರ್ಕ್ ಇಟ್ಯೂಟಿವ್ ಸಿಗ್ನೇಚರ್ ಓಪರೇಟಿಂಗ್ ಸಿಸ್ಟಂ (TRIOS) ಇದರಲ್ಲಿರಲಿದೆ. ಇದು ಪ್ರತಿ ರೈಡಿಗ್ ವಿವರಗಳು, ಪವರ್ ಮ್ಯಾನೇಜ್ ಮೆಂಟ್, ರಿಯರ್ ಟೈಮ್ ಪವರ್ ವ್ಯಯ, ವ್ಯಾಪ್ತಿ ಇತ್ಯಾದಿಗಳ ಬಗ್ಗೆ ಮಾಹಿತಿಯನ್ನು ಒದಗಿಸಲಿದೆ.

ಟ್ರಯಾಸ್ ಇಂಟೆಲಿಜೆನ್ಸ್ ವ್ಯವಸ್ಥೆಯು ಸುಲಭವಾಗಿ ಚಾಲನಾ ಮೋಡ್ ಗಳನ್ನು ಕಸ್ಟಮೈಸ್ ಮಾಡಲು ನೆರವಾಗಲಿದೆ. ಒಂದೇ ಟಚ್ ನಲ್ಲಿ ಸ್ಪೋರ್ಟ್ ಮತ್ತು ಇಕೊ ಮೋಡ್ ಗಳನ್ನು ಆಯ್ಕೆ ಮಾಡಬಹುದಾಗಿದೆ.