2 ಲಕ್ಷ ಬೆಲೆ ಪರಿಧಿಯೊಳಗೆ ಟಿವಿಎಸ್ ಅಕುಲಾ 310 ಬಿಡುಗಡೆ

ಅಂತೂ ಇಂತೂ ಟಿವಿಎಸ್ ಅಕುಲಾ 310 ಬೈಕ್ ಬಿಡುಗಡೆಗೆ ಕಾಲ ನಿಗದಿಯಾಗಿದ್ದು, 2017 ಫೆಬ್ರವರಿ-ಮಾರ್ಚ್ ವೇಳೆಯಾಗುವಾಗ ಬಿಡುಗಡೆಯಾಗಲಿದೆ.

ತಮಿಳುನಾಡಿನ ಹೊಸೂರು ಘಟಕದಲ್ಲಿ ನಿರ್ಮಾಣವಾಗಿರುವ ಟಿವಿಎಸ್ ಅಕುಲಾ 310 ಬೈಕ್ ಅಂದಾಜು ಎರಡು ಲಕ್ಷ ರು.ಗಳ ಬೆಲೆ ಪರಿಧಿಯಲ್ಲಿ ಬಿಡುಗಡೆಯಾಗಲಿದೆ.

ಬಿಎಂಡಬ್ಲ್ಯು ಮೊಟೊರಾಡ್ ಭಾರತದಲ್ಲಿ ಬಿಡುಗಡೆ ಮಾಡಲಿರುವ ಜಿ310ಆರ್ ಬೈಕ್ ನ ಸಂಪೂರ್ಣ ಫೇರ್ಡ್ ವರ್ಷನ್ ಇದಾಗಿದೆ. ವರ್ಷಾರಂಭದಲ್ಲಿ ನಡೆದ 2016 ಮೊದಲ ಬಾರಿಗೆ ಪ್ರದರ್ಶನ ಕಂಡಿತ್ತು.

ಟಿವಿಎಸ್ ಅಕುಲಾ 310 ಮತ್ತು ಬಿಎಂಡಬ್ಲ್ಯು ಜಿ310ಆರ್ ಬೈಕ್ ಗಳಲ್ಲಿ ಸಮಾನವಾದ ಎಂಜಿನ್, ಚಾಸೀ, ಸ್ವಿಂಗರ್ಮ್ ಇತ್ಯಾದಿ ತಾಂತ್ರಿಕತೆಗಳನ್ನು ಬಳಕೆ ಮಾಡಲಾಗಿದೆ.

ಬಿಎಂಡಬ್ಲ್ಯು 310ಆರ್ 28 ಎನ್ ಎಂ ತಿರುಗುಬಲದಲ್ಲಿ 34 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ. ಇದೇ ಎಂಜಿನ್ ಮಾನದಂಡವನ್ನು ಟಿವಿಎಸ್ ಅಕುಲಾ 310 ಗಿಟ್ಟಿಸಿಕೊಳ್ಳುವ ಸಾಧ್ಯತೆಯಿದೆ.

ನೂತನ ಅಕುಲಾ 310 ಅಪ್ ಸೈಡ್ ಡೌನ್ ಫಾರ್ಕ್ ಮತ್ತು ಮೊನೊಶಾಕ್ ರಿಯರ್ ಸಸ್ಷೆನ್ಷನ್ ವ್ಯವಸ್ಥೆಯನ್ನು ಪಡೆದಿದೆ.

ಹಾಗೆಯೇ 17 ಇಂಚುಗಳ ಸಾಫ್ಟ್ ಕೌಂಪೌಂಡ್ ಮಿಚಿಲಿನ್ ಚಕ್ರಗಳು, ಫ್ರಂಟ್ ಆಂಡ್ ರಿಯರ್ ಪೆಡಲ್ ಡಿಸ್ಕ್ ಮತ್ತು ಡ್ಯುಯಲ್ ಚಾನೆಲ್ ಆ್ಯಂಟಿ ಲಾಕ್ ಬ್ರೇಕಿಂಗ್ ವ್ಯವಸ್ಥೆಯಿಂದ ಜೋಡಿಸಲ್ಪಟ್ಟಿದೆ.

ಭಾರತದಲ್ಲಿ ಪ್ರಮುಖವಾಗಿಯೂ ಕೆಟಿಎಂ ಆರ್ ಸಿ 390 ಮತ್ತು ಬೆನೆಲ್ಲಿ ಟೊರ್ನಡೊ 302 ಮಾದರಿಗಳಿಗೆ ನೂತನ ಅಕುಲಾ 310 ಪ್ರತಿಸ್ಪರ್ಧೆಯಾಗಲಿದೆ.