ಹೊಸ ವರ್ಷದಲ್ಲಿ ಟಿವಿಎಸ್ ಅಕುಲಾ 310 ಬಿಡುಗಡೆ

ಜರ್ಮನಿಯ ಐಕಾನಿಕ್ ಬಿಎಂಡಬ್ಲ್ಯು ಮೊಟೊರಾಡ್ ಸಹಯೋಗದಲ್ಲಿ ಟಿವಿಎಸ್ ಸಂಸ್ಥೆಯು ಅತಿ ನೂತನ ಅಕುಲಾ 310 ಕ್ರೀಡಾ ಬೈಕನ್ನು ಅಭಿವೃದ್ಧಿಪಡಿಸಿದೆ.

ಇದೇ ತಳಹದಿಯಲ್ಲಿ ನಿರ್ಮಾಣವಾಗಿರುವ ಜಿ310ಆರ್, ಟಿವಿಎಸ್ ಅಕುಲಾದ ಬೆನ್ನಲ್ಲೇ ದೇಶವನ್ನು ತಲುಪಲಿದೆ.

2016 ಆಟೋ ಎಕ್ಸ್ ಪೋದಲ್ಲೂ ಪ್ರದರ್ಶನ ಕಂಡಿರುವ ಅಕುಲಾ 310, ವಿಶ್ಲೇಷಕರ ಮೆಚ್ಚುಗೆಗೂ ಪಾತ್ರವಾಗಿತ್ತು. ಇಲ್ಲಿ ಅಕುಲಾ ಎಂಬುದು ತಿಮಿಂಗಲ ಎಂಬ ಅರ್ಥವನ್ನು ನೀಡುತ್ತದೆ.

ಜರ್ಮನಿಯ ಐಕಾನಿಕ್ ಸಂಸ್ಥೆಯ ಜೊತೆಗಾರಿಕೆಯಲ್ಲಿ ನೂತನ ಬೈಕ್ ಅಭಿವೃದ್ಧಿಪಡಿಸಲಾಗಿದೆ. ಇದರಲ್ಲಿ ಜರ್ಮನಿಯ ಸಂಸ್ಥೆ ಅಭಿವೃದ್ಧಿಪಡಿಸಿದ ಚಾಸೀ ಮತ್ತು ಎಂಜಿನ್ ಬಳಕೆಯಾಗಲಿದೆ.

ಅಷ್ಟೇ ಯಾಕೆ ಬ್ರೇಕಿಂಗ್ ಮತ್ತು ಸಸ್ಪೆನ್ಷನ್ ವ್ಯವಸ್ಥೆಗಳು ಸಮಾನವಾಗಿರಲಿದೆ. ಆದರೂ ನೋಟದಲ್ಲಿ ಎರಡು ಬೈಕ್ ಗಳು ವೈವಿಧ್ಯತೆಯನ್ನು ಕಾಪಾಡಿಕೊಂಡಿದೆ.

ಬಿಎಂಡಬ್ಲ್ಯು ಜಿ310ಆರ್ ಬೈಕ್ ಗಿಂತಲೂ ವಿಭಿನ್ನವಾಗಿರುವ ಅಕುಲಾ ಸಂಪೂರ್ಣ ಫೇರಿಂಗ್ ವಿನ್ಯಾಸವನ್ನು ಮೈಗೂಡಿಸಿಕೊಂಡು ಬರಲಿದೆ.

ಹೊಸೂರುನಲ್ಲಿ ಸ್ಥಿತಗೊಂಡಿರುವ ಟಿವಿಎಸ್ ಘಟಕದಲ್ಲಿ ಈ ಎರಡು ಬೈಕ್ ಗಳು ನಿರ್ಮಾಣವಾಗಲಿದೆ ಎಂಬುದಿಲ್ಲಿ ಗಮನಾರ್ಹ.

ಟಿವಿಎಸ್ ಅಕುಲಾದಲ್ಲಿರುವ 313 ಸಿಸಿ ಲಿಕ್ವಿಡ್ ಕೂಲ್ಡ್ ಸಿಂಗಲ್ ಸಿಲಿಂಡರ್ ಎಂಜಿನ್ 28 ಎನ್ ಎಂ ತಿರುಗುಬಲದಲ್ಲಿ 34 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ. ಆರು ಸ್ಪೀಡ್ ಗೇರ್ ಬಾಕ್ಸ್ ಇದರಲ್ಲಿರುತ್ತದೆ.

ಅಂದ ಹಾಗೆ ಟಿವಿಎಸ್ ಅಕುಲಾ 1.50 ಲಕ್ಷ ರು.ಗಳಿಂದ 1.75 ಲಕ್ಷ ರು.ಗಳ ಬೆಲೆ ಪರಿಧಿಯಲ್ಲಿ ಬಿಡುಗಡೆಯಾಗುವ ಸಾಧ್ಯತೆಯಿದೆ. ಇದು ನೇರವಾಗಿ ಕೆಟಿಎಂ ಆರ್ ಸಿ 200 ಮಾದರಿಗೆ ಪ್ರತಿಸ್ಪರ್ಧೆಯನ್ನು ಒಡ್ಡಲಿದೆ.