ಹೊಸ ಬಣ್ಣದ ಆಯ್ಕೆಯಲ್ಲಿ ಲಭ್ಯವಾದ ಬಜಾಜ್ ಪಲ್ಸರ್ ಆರ್‌ಎಸ್200

ಹೊಸ ವಿನ್ಯಾಸ ಮತ್ತು ಅತ್ಯುತ್ತಮ ಕಾರ್ಯಕ್ಷಮತೆಯೊಂದಿಗೆ ಗ್ರಾಹಕರನ್ನು ಸೆಳೆಯುವಲ್ಲಿ ಯಶಸ್ವಿಯಾಗಿರುವ ಬಜಾಜ್ ಪಲ್ಸರ್ ಆರ್‌ಎಸ್200 ಆವೃತ್ತಿಯು ಇದೀಗ ಆರೇಂಜ್ ಮತ್ತು ಗ್ರೀನ್ ಬಣ್ಣಗಳಲ್ಲಿ ಗ್ರಾಹಕರ ಕೈಸೇರುತ್ತಿದ್ದು, ಡಿಲರ್ಸ್ ಯಾರ್ಡ್‌ನಲ್ಲಿ ದಾಸ್ತಾನು ಮಾಡಲಾಗುತ್ತಿದೆ.

ಸದ್ಯ ಮಹಾರಾಷ್ಟ್ರದ ನಾಗ್ಪುರ್‌ನಲ್ಲಿ ಪಲ್ಸರ್ ಆರ್‌ಎಸ್200 ಹೊಸ ಬೈಕ್ ದಾಸ್ತಾನು ಕಂಡುಬಂದಿದ್ದು, ಈ ಹಿನ್ನೆಲೆ ಇದೇ ತಿಂಗಳು ಹೊಸ ಬಣ್ಣದ ಬೈಕ್ ಆವೃತ್ತಿಗಳನ್ನು ಬಿಡುಗಡೆ ಮಾಡಲಾಗುತ್ತದೆ ಎನ್ನಲಾಗಿದೆ.

Recommended Video

Triumph Thruxton R Review: Specifications

ಇನ್ನು ಬಜಾಜ್ ಪಲ್ಸರ್ ಆರ್‌ಎಸ್200 ಆವೃತ್ತಿಯು ಸಿಂಗಲ್ ಎಬಿಎಸ್ ಆಯ್ಕೆಯೊಂದಿಗೆ ಮಾತ್ರ ಲಭ್ಯವಿದ್ದು, ಹೊಸ ಬಣ್ಣಗಳ ಆಯ್ಕೆಯಿಂದಾಗಿ ಪಲ್ಸರ್ ಆರ್‌ಎಸ್200 ಆವೃತ್ತಿಯು ಸಂಪೂರ್ಣ ಬದಲಾವಣೆ ಕಂಡಿದೆ.

ಜೊತೆಗೆ ಈ ಹಿಂದೆ ರೆಡ್ ಮತ್ತು ಯಲ್ಲೋ ಬಣ್ಣಗಳಲ್ಲಿ ಬಿಡುಗಡೆಯಾಗಿರುವ ಪಲ್ಸರ್ ಆರ್‌ಎಸ್200 ಬೈಕ್, ಬಿಎಸ್ 4 ವೈಶಿಷ್ಟ್ಯತೆಗಳಿಂದಾಗಿ ಭಾರೀ ಜನಪ್ರಿಯತೆ ಗಳಿಸುತ್ತಿದ್ದು, 6-ಸ್ಪೀಡ್ ಗೇರ್‌ಬಾಕ್ಸ್ ಹೊಂದಿದೆ.

ಎಂಜಿನ್ ಸಾಮರ್ಥ್ಯ

199.5 ಸಿಸಿ ಲಿಕ್ವಿಡ್ ಕೂಲ್ಡ್ ಫ್ಯೂಲ್ ಇಂಜೆಕ್ಡ್ ಎಂಜಿನ್ ಹೊಂದಿರುವ ಪಲ್ಸರ್ ಆರ್‌ಎಸ್200, 24-ಬಿಎಚ್‌ಪಿ ಮತ್ತು 18.6-ಎನ್ಎಂ ಟಾರ್ಕ್ ಉತ್ಪಾದನೆ ಮಾಡಬಲ್ಲ ಶಕ್ತಿಯನ್ನು ಹೊಂದಿವೆ.

ಹೊಸ ಬೈಕ್ ಬೆಲೆ

ಈ ಹಿಂದಿನ ಮಾದರಿಗಿಂತ ಉತ್ತಮ ವೈಶಿಷ್ಟ್ಯತೆಗಳನ್ನು ಪಲ್ಸರ್ ಆರ್‌ಎಸ್200 ಆವೃತ್ತಿಯು ಹೊಸ ಬಣ್ಣಗಳಲ್ಲಿ ಲಭ್ಯವಾಗುತ್ತಿದ್ದು, ಈ ಹಿನ್ನೆಲೆ ಈ ಹಿಂದಿನ ಆವೃತ್ತಿಗಿಂತ 1 ರಿಂದ 2 ಸಾವಿರ ರೂಪಾಯಿ ಹೆಚ್ಚುವರಿ ಮೊತ್ತವನ್ನು ಪಾವತಿಸಬೇಕಾದ ಅನಿರ್ವಾಯತೆ ಇದೆ.

ಅತಿ ಹೆಚ್ಚು ಸದ್ದು ಮಾಡಿದ ಸುದ್ದಿಗಳು

ಸಂಚಾರಿ ನಿಯಮ ಉಲ್ಲಂಘನೆ- ಬೈಕ್ ಸವಾರನಿಗೆ ನಮಸ್ಕರಿಸಿದ ಸರ್ಕಲ್ ಇನ್ಸ್‌ಪೆಕ್ಟರ್

ಡ್ರೈವ್ ಸ್ಪಾರ್ಕ್ ಅಭಿಪ್ರಾಯ

ಹಲವು ವಿಶೇಷತೆಗಳಿಂದ ಕೂಡಿರುವ ಬಜಾಜ್ ಪಲ್ಸರ್ ಆರ್‌ಎಸ್200 ಆವೃತ್ತಿಯು ಈ ಹಿಂದಿಗಿಂತ ಉತ್ತಮವಾಗಿದ್ದು, ಹೊಸ ಬಣ್ಣಗಳಲ್ಲಿ ಲಭ್ಯವಾಗುತ್ತಿರುವ ಹಿನ್ನೆಲೆ ಇದು ಹೆಚ್ಚಾಗುವ ಸಾಧ್ಯತೆಗಳಿವೆ ಎನ್ನಬಹುದು.