ಬಜಾಜ್ ಪಲ್ಸರ್ ಎನ್ಎಸ್ 200 ಎಬಿಎಸ್ ಬಿಡುಗಡೆಗೆ ಕ್ಷಣಗಣನೆ

ಎಬಿಎಸ್ ತಂತ್ರಜ್ಞಾನ ಹೊಂದಿರುವ ಬೈಕ್ ಮಾದರಿಗಳಿಗೆ ಹೆಚ್ಚಿನ ಬೆೇಡಿಕೆ ಬರುತ್ತಿರುವ ಹಿನ್ನೆಲೆ ಬಜಾಜ್ ಪಲ್ಸರ್ ಎನ್ಎಸ್ 200 ಬೈಕ್ ಮಾದರಿಯೂ ಕೂಡಾ ಎಬಿಎಸ್‌ನೊಂದಿಗೆ ಬಿಡುಗಡೆಯಾಗುತ್ತಿದ್ದು, ಇದೀಗ ಹೊಸ ಬೈಕ್ ಖರೀದಿಗಾಗಿ ಬುಕ್ಕಿಂಗ್ ಪ್ರಕ್ರಿಯೆಯನ್ನು ಆರಂಭಿಸಲಾಗಿದೆ.

ವರದಿಗಳ ಪ್ರಕಾರ ನೂತನ ಪಲ್ಸರ್ ಎನ್ಎಸ್ 200 ಎಬಿಎಸ್ ಮಾದರಿಯು ಸ್ಟ್ಯಾಂಡರ್ಡ್ ಮಾದರಿಗಿಂತಲೂ 12,600 ರೂ.ಗಳಷ್ಟು ಹೆಚ್ಚು ದುಬಾರಿಯೆನಿಸಲಿದೆ.

ಬೆಲೆ: 1.08 ಲಕ್ಷ ರೂ. (ಎಕ್ಸ್ ಶೋ ರೂಂ ದೆಹಲಿ)

ಸಿಂಗಲ್ ಚಾನೆಲ್ ಆ್ಯಂಟಿ ಬ್ರೇಕ್ ಸಿಸ್ಟಂನೊಂದಿಗೆ ನೂತನ ಪಲ್ಸರ್ ಎನ್‌ಎಸ್ 200 ಮಾದರಿಯು ಹೆಚ್ಚು ಸುರಕ್ಷಿತವೆನಿಸಲಿದ್ದು, ಮುಂಭಾಗದ ಚಕ್ರದಲ್ಲಿ 280ಎಂಎಂ ಪೆಡಲ್ ಡಿಸ್ಕ್ ಬ್ರೇಕ್ ಸೌಲಭ್ಯವಿರಲಿದೆ.

ಇದು ಈಗಾಗಲೇ ಮಾರುಕಟ್ಟೆಗೆ ಲಗ್ಗೆಯಿಟ್ಟಿರುವ ಬಾಷ್ ಸಿಂಗಲ್ ಚಾನೆಲ್ ಎಬಿಎಸ್ ಒಳಗೊಂಡಿರುವ ಪಲ್ಸರ್ ಆರ್‌ಎಸ್ 200 ಎಬಿಎಸ್‌ಗೆ ಮಾದರಿಗೆ ಸಮನವಾಗಿರಲಿದೆ.

ಹೊಸ ಬೈಕ್ ಆವೃತ್ತಿಯಲ್ಲಿ ಎಬಿಎಸ್ ಹೊರತಾಗಿ ಹೆಚ್ಚಿನ ಬದಲಾವಣೆ ಕಂಡುಬರುವುದಿಲ್ಲ. ಜೊತೆಗೆ ಹೊಸ ವಿನ್ಯಾಸಗಳಾದ ಬ್ಲ್ಯಾಕ್, ವೈಟ್ ಮತ್ತು ಸ್ಪೋರ್ಟಿ ಡಿಕಾಲ್ಸ್‌ನೊಂದಿಗೆ ರೆಡ್ ಬಣ್ಣಗಳ ಆಯ್ಕೆಗಳಲ್ಲಿ ಲಭ್ಯವಾಗಲಿದೆ.

ಎಂಜಿನ್

199.5 ಸಿಸಿ ಸಿಂಗಲ್ ಸಿಲಿಂಡರ್ ಫೋರ್ ವಾಲ್ವ್ ಲಿಕ್ವಿಡ್ ಕೂಲ್ಡ್ ಎಂಜಿನ್ ಹೊಂದಿರುವ ಪಲ್ಸರ್ ಎನ್ಎಸ್ 200, ಸಿಕ್ಸ್ ಸ್ಪೀಡ್ ಗೇರ್ ಬಾಕ್ಸ್ ಜೊತೆ 23.5 ಬಿಎಚ್‌ಪಿ ಹಾಗೂ 18.3ಎನ್ಎಂ ಟಾರ್ಕ್ ಉತ್ಪಾದನಾ ಶಕ್ತಿಯನ್ನು ಹೊಂದಿದೆ.

ಜೊತೆಗೆ ಎಂಟ್ರಿ ಲೆವೆಲ್ ನಿರ್ವಹಣಾ ಬೈಕ್, ರಿಯರ್ ಮೊನೊಶಾಕ್, ಫ್ರಂಟ್ ಮತ್ತು ರಿಯರ್ ಡಿಸ್ಕ್ ಬ್ರೇಕ್, ಅಗಲವಾದ ಟ್ಯೂಬೆಲೆಸ್ ಚಕ್ರಗಳನ್ನು ಹೊಂದಿರಲಿದ್ದು, ಟಿವಿಎಸ್ ಅಪಾಚಿ ಆರ್‌ಟಿಆರ್ 200 4ವಿ, ಯಮಹಾ ಎಫ್‌ಝಡ್25 ಮಾದರಿಗಳಿಗೆ ತೀವ್ರ ಸ್ಪರ್ಧೆ ಒಡ್ಡಲಿದೆ.