ಭಾರತೀಯ ಮಾರುಕಟ್ಟೆಗೆ ಎಂಟ್ರಿ ಕೊಟ್ಟ ಕವಾಸಕಿ ಝಡ್250 ಬೈಕ್

ವಿಶೇಷ ವಿನ್ಯಾಸ ಹೊಂದಿರುವ ಕವಾಸಕಿ ಹೊಸ ಆವೃತ್ತಿಯ ಝಡ್250 ಸ್ಟ್ರೀಟ್ ಬೈಕ್, ಎಬಿಎಸ್ ಹಾಗೂ ಬಿಎಸ್-4 ಎಂಜಿನ್ ವ್ಯವಸ್ಥೆಗಳನ್ನು ಒಳಗೊಂಡಿದೆ.

249ಸಿಸಿ ಸಾಮರ್ಥ್ಯದ ಲಿಕ್ವಿಡ್ ಕೂಲ್ಡ್ ಎಂಜಿನ್ ವ್ಯವಸ್ಥೆ ಅಳವಡಿಕೆ ಹೊಂದಿದ್ದು, ಟ್ವಿನ್ ಸಿಲಿಂಡರ್ ಪಡೆದುಕೊಂಡಿದೆ. ಜೊತೆಗೆ 32ಬಿಎಚ್‌ಪಿ ಮತ್ತು 21ಎಂಎನ್ ಪೀಕ್ ಟಾರ್ಕ್ ಉತ್ವಾದಿಸುತ್ತದೆ.

ಕವಾಸಕಿ ಝಡ್250 ಬೈಕಿನಲ್ಲಿ 6-ಸ್ಪೀಡ್ ಗೇರ್‌ಬಾಕ್ಸ್ ವ್ಯವಸ್ಥೆ ಇದ್ದು, ಕೇವಲ 8.2 ಸೇಕೆಂಡುಗಳಲ್ಲಿ 0 ಟು 100 ಕಿಮಿ ವೇಗ ಪಡೆದುಕೊಳ್ಳುವ ಶಕ್ತಿ ಪಡೆದುಕೊಂಡಿದೆ.

ಝಡ್ ಆವೃತ್ತಿಗಳಿಂದಲೇ ಈಗಾಗಲೇ ಸಾಕಷ್ಟು ಜನಪ್ರಿಯಗೊಂಡಿರುವ ಕವಾಸಕಿ ಸಂಸ್ಥೆಯು, ಝಡ್250 ಬೈಕ್ ಮಾದರಿ ಮೇಲೆ ಭಾರೀ ನೀರಿಕ್ಷೆ ಇಟ್ಟುಕೊಂಡೇ ಭಾರತೀಯ ಮಾರುಕಟ್ಟೆಗೆ ಪರಿಚಯ ಮಾಡಿದೆ.

ಒಟ್ಟು ಮೂರು ಪ್ರಮುಖ ಬಣ್ಣಗಳಲ್ಲಿ ಲಭ್ಯವಿರುವ ಕವಾಸಕಿ ಝಡ್250 ಬೈಕ್, ಆರೇಂಜ್, ಗ್ರೇ ಮತ್ತು ಬ್ಲಾಕ್ ಬಣ್ಣಗಳಲ್ಲಿ ದೊರೆಯಲಿದೆ.

ಇನ್ನು ಅದ್ಭುತ ಹೊರ ವಿನ್ಯಾಸ ಹೊಂದಿರುವ ಝಡ್250 ಬೈಕ್ ಸಾಹಸಿ ಬೈಕ್ ಪ್ರಿಯರ ಸೆಳೆಯುವ ವಿಶ್ವಾಸದಲ್ಲಿದ್ದು, 17-ಲೀಟರ್ ಫ್ಯೂಲ್ ಟ್ಯಾಂಕ್ ವ್ಯವಸ್ಥೆಯೊಂದಿಗೆ 168 ಕೆಜಿ ಭಾರ ಹೊಂದಿದೆ.