ರಾಯಲ್ ಎನ್‌ಫೀಲ್ಡ್ ಹಿಮಾಲಯನ್ ಎಫ್ಐ ಖರೀದಿಗೆ ಬುಕ್ಕಿಂಗ್ ಶುರು..!!

ಅಕ್ಟೋಬರ್ 15ರ ನಂತರ ರಾಯಲ್ ಎನ್‌ಫೀಲ್ಡ್ ಹಿಮಾಯಲನ್ ಬಿಡುಗಡೆಯಾಗುತ್ತಿದ್ದು, ಈಗಾಗಲೇ ಹೊಸ ಬೈಕ್ ಖರೀದಿಗೆ ಸಾವಿರಾರು ಗ್ರಾಹಕರು ಮುಂಗಡ ಹಣ ಪಾವತಿಸಿ ತಮ್ಮ ನೆಚ್ಚಿನ ಬೈಕ್ ಮಾದರಿಯನ್ನು ಕಾಯ್ದಿರಿಸುತ್ತಿದ್ದಾರೆ.

ಹೀಗಾಗಿ ರಾಯಲ್ ಎನ್‌ಫೀಲ್ಡ್ ಪ್ರಿಯರ ಮೆಚ್ಚುಗೆಗೆ ಕಾರಣವಾಗಿರೋ ಹಿಮಾಲಯನ್ ಎಫ್ಐ ಆವೃತ್ತಿಯು ಸಾಕಷ್ಟು ವಿಶೇಷತೆಗಳೊಂದಿಗೆ ಮಾರುಕಟ್ಟೆ ಪ್ರವೇಶ ಮಾಡುತ್ತಿದ್ದು, ಸದ್ಯಕ್ಕೆ ರೂ.5,500 ಮುಂಗಡದೊಂದಿಗೆ ಬುಕ್ಕಿಂಗ್ ಮಾಡಬಹುದಾಗಿದೆ.

ಇದಲ್ಲದೇ ಮುಂಗಡ ಹಣ ವಾಪಸ್ ಪಡೆಯುವ ಅವಕಾಶ ಕೂಡಾ ನೀಡಲಾಗಿದ್ದು, ಹೊಸ ಬೈಕ್ ಬೆಲೆಗಳನ್ನು ಎಕ್ಸ್ ಶೋರಂಗಳ ಪ್ರಕಾರ ರೂ.1,70 ಲಕ್ಷಕ್ಕೆ ನಿಗದಿಗೊಳಿಸುವ ಸಾಧ್ಯತೆಗಳಿವೆ.

ಇನ್ನು ಈ ಹಿಂದಿನ ಮಾದರಿಯಲ್ಲಿದ್ದಂತೆ ಹೊಸ ಮಾದರಿಯಲ್ಲೂ 411 ಸಿಸಿ ಸಿಂಗಲ್ ಸಿಲಿಂಡರ್ ಎಂಜಿನ್ ಬಳಕೆ ಮಾಡಲಾಗಿದ್ದು, ಬೈಕ್ ವಿನ್ಯಾಸದಲ್ಲಿ ಸಾಕಷ್ಟು ಬದಲಾವಣೆ ತರಲಾಗಿದೆ. ಜೊತೆಗೆ 24.5-ಬಿಎಚ್‌ಪಿ ಮತ್ತು 32 ಎನ್ಎಂ ಟಾರ್ಕ್ ಉತ್ಪಾದನಾ ಶಕ್ತಿಯನ್ನು ಹೊಂದಿದೆ.

Recommended Video

Royal Enfield Himalayan Launch, Specs, Features - DriveSpark

5-ಸ್ಪೀಡ್ ಗೇರ್‌ಬಾಕ್ಸ್, ಮುಂಭಾಗದಲ್ಲಿ 21-ಇಂಚಿನ ಚಕ್ರಗಳು ಮತ್ತು ಹಿಂಭಾಗದಲ್ಲಿ 17-ಇಂಚಿನ್ ಚಕ್ರಗಳನ್ನು ಜೊಡಿಸಲಾಗಿದ್ದು, ಸಿಇಎಟಿ ಟೈರ್‌ಗಳನ್ನು ಬಳಕೆ ಮಾಡಿರುವುದು ಆಪ್ ರೋಡಿಂಗ್ ಕೌಶಲ್ಯಕ್ಕೆ ಸಹಕಾರಿಯಾಗಿವೆ.

ಇನ್ನೊಂದು ಮುಖ್ಯ ವಿಚಾರ ಎಂದರೇ ಸದ್ಯಕ್ಕೆ ಹಿಮಾಲಯನ್ ಬೈಕ್ ಖರೀದಿಗೆ ಮುಂಬೈ ಮತ್ತು ದೆಹಲಿಯಲ್ಲಿ ಮಾತ್ರ ಬುಕ್ಕಿಂಗ್ ಸ್ವಿಕರಿಸಲಾಗುತ್ತಿದ್ದು, ಬಿಡುಗಡೆ ನಂತರವೇ ಎಲ್ಲ ನಗರಗಳಲ್ಲೂ ಬುಕ್ಕಿಂಗ್ ಮತ್ತು ಖರೀದಿಗೆ ಲಭ್ಯವಾಗಲಿದೆ.

ಡ್ರೈವ್ ಸ್ಪಾರ್ಕ್ ಅಭಿಪ್ರಾಯ

ಆಪ್ ರೋಡಿಂಗ್ ಪ್ರಿಯರಿಗಾಗಿ ಹಿಮಾಲಯನ್ ಎಫ್ಐ ಆವೃತ್ತಿಯನ್ನು ಹೊರತಂದಿರುವ ರಾಯಲ್ ಎನ್‌ಫೀಲ್ಡ್ ಸಂಸ್ಥೆಯು, ಉತ್ತಮ ಇಂಧನ ಕಾರ್ಯಕ್ಷಮತೆಯನ್ನು ಕೂಡಾ ಒದಗಿಸಿದೆ ಎನ್ನಲಾಗಿದೆ.