ಭಾರತದಲ್ಲಿ ಪ್ರದರ್ಶನಗೊಂಡ ರಾಯಲ್ ಎನ್‌ಫೀಲ್ಡ್ 650 ಅವಳಿ ವಾಹನಗಳು

ಈ ಬೈಕ್ ಪ್ರದರ್ಶನ ಮಾಡಲು ಸಾಂಪ್ರದಾಯಿಕ ಬೈಕ್ ತಯಾರಕ ಕಂಪನಿಯು, ಭಾರತದಲ್ಲಿ ನೆಡೆಯುವ ಅತಿ ದೊಡ್ಡ ಬೈಕರ್ ಉತ್ಸವಗಳಲ್ಲಿ ಈ ಕಾರ್ಯಕ್ರಮ ಕೂಡ ಒಂದಾಗಿರುವ '2017ರ ರೈಡರ್ ಮೆನಿಯಾ' ಕಾರ್ಯಕ್ರಮವನ್ನು ಉಪಯೋಗಿಸಿಕೊಂಡಿರುವುದು ಮೆಚ್ಚುವ ಸಂಗತಿಯಾಗಿದೆ.

ಈ ಕಾರ್ಯಕ್ರಮದಲ್ಲಿ ಅನಾವರಣಗೊಂಡ ಎರಡೂ ಮೋಟಾರ್ ಸೈಕಲ್‌ಗಳೂ ಕೂಡ ಕ್ರೋಮ್ ಬಣ್ಣದ ಯೋಜನೆಗಳನ್ನು ಹೊಂದಿದ್ದು, ರೆಟ್ರೊ ಕ್ಲಾಸಿಕ್ ಯುಗದ ಬೈಕುಗಳನ್ನು ನೆನಪಿಸುತ್ತವೆ.

ಕೈಗೆಟುಕುವ ಬೆಲೆಯಲ್ಲಿ ಮಧ್ಯಮ ಗಾತ್ರದ ಎಂಜಿನ್ ಹೊಂದಿರುವ ಮೋಟಾರ್‌ಸೈಕಲ್ ಬಿಡುಗಡೆಗೊಳಿಸುವ ಮುಖ್ಯ ಕಲ್ಪನೆಯನ್ನು ಕಂಪನಿ ಹೊಂದಿದ್ದು, ಸಾಮಾನ್ಯ ಜನರೂ ಸಹ ಈ ಬೈಕಿನ ಕಡೆ ಕಣ್ಣು ಆಡಿಸಬಹುದು.

'2017ರ ರೈಡರ್ ಮೆನಿಯಾ' ಕಾರ್ಯಕ್ರಮದಲ್ಲಿ ಸಂಸ್ಥೆಯ ಎರಡು ಎರಡು ದ್ವಿಚಕ್ರ ವಾಹನಗಳನ್ನು ಅನಾವರಣಗೊಳಿಸಿ ಮಾತನಾಡಿದ ರಾಯಲ್ ಎನ್‌ಫೀಲ್ಡ್ ಸಿಇಒ ಸಿಡ್ ಲಾಲ್ ಅವರು "ಜಗತ್ತಿನಾದ್ಯಂತ ಇರುವಂತಹ ಹೊರಸೂಸುವಿಕೆಯ ಮಾನದಂಡಗಳ ಗುಣಮಟ್ಟ ಮತ್ತು ಅವಶ್ಯಕತೆಗಳನ್ನು ಗಮನದಲ್ಲಿಟ್ಟುಕೊಂಡು ಈ ಬೈಕುಗಳನ್ನು ಅಭಿವೃದ್ಧಿಪಡಿಸಲಾಗಿದೆ" ಎಂದರು.

ರಾಯಲ್ ಎನ್‌ಫೀಲ್ಡ್ ಎರಡು ವಾಹನಗಳು ಹೊಸದಾಗಿ ಅನಾವರಣಗೊಳಿಸಿದ 650 ಸಿಸಿ ಪ್ಯಾರಲಲ್ ಏರ್/ ಆಯಿಲ್ ಎಂಜಿನ್ ಆಯ್ಕೆ ಪಡೆಯಲಿವೆ. ಈ ಎಂಜಿನ್, 46.3 ಬಿಎಚ್‌ಪಿ ಮತ್ತು 52 ಎನ್‌ಎಂ ಟಾರ್ಕ್ ಉತ್ಪಾದಿಸುತ್ತದೆ ಹಾಗು 6-ಸ್ಪೀಡ್ ಗೇರ್‌ಬಾಕ್ಸ್ ಸಂಯೋಜಿತವಾಗಿದೆ.

ಈ ವಾಹನಗಳ ಬಿಡುಗಡೆಗೆ ಸಂಬಂಧಿಸಿದಂತೆ, ಮೊದಲು ಯುರೋಪಿಯನ್ ಮಾರುಕಟ್ಟೆಯಲ್ಲಿ ಈ ದ್ವಿಚರ ವಾಹನಗಳನ್ನು ನೋಡಬಹುದಾಗಿದ್ದು, ನಂತರದ ದಿನಗಳಲ್ಲಿ ಭಾರತಕ್ಕೆ ಪ್ರವೇಶಿಸಲಿದೆ.

ರಾಯಲ್ ಎನ್‌ಫೀಲ್ಡ್ ಕಾಮಪಿಣಿಯ ಎರಡು ಅವಳಿ ವಾಹನಗಳು ಭರವಸೆ ಹುಟ್ಟಿಸಿದ್ದು, ಒಟ್ಟಾರೆಯಾಗಿ ಕಂಪೆನಿಗೆ ಭವಿಷ್ಯದಲ್ಲಿ ಒಂದು ಹಂತವನ್ನು ತಲುಪಲು ಹೆಚ್ಚು ಸಹಾಯ ಮಾಡಲಿದೆಯೇ ಕಾದು ನೋಡ ಬೇಕಾಗಿದೆ.