Just In
- 1 hr ago ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- 2 hrs ago ಟೊಯೊಟಾದ ಫಾರ್ಚ್ಯೂನರ್ನಲ್ಲೂ ಸಿಗಲಿದೆ ಹೈಬ್ರಿಡ್: ಇದರ ಮೈಲೇಜ್ ಕೇಳಿ ಸುಸ್ತಾದ ಗ್ರಾಹಕರು!
- 3 hrs ago ನಿಜವಾದ ಮಾನವತಾವಾದಿ: ನಟ ರಾಘವ ಲಾರೆನ್ಸ್ರಿಂದ ವಿಶೇಷ ಚೇತನ ಸಾಧಕರಿಗೆ 13 ಟಿವಿಎಸ್ ಸ್ಕೂಟರ್ ಗಿಫ್ಟ್
- 4 hrs ago ಜನ ಕ್ಯೂ ನಿಂತು ಖರೀದಿಸುತ್ತಿದ್ದ ಮಾರುತಿ ಸ್ವಿಫ್ಟ್ ಕಾರು ಮಾರಾಟದಲ್ಲಿ ಕುಸಿತ: ಕಾರಣವೇನು?
Don't Miss!
- News Lok Sabha Election: ವಿ.ಶ್ರೀನಿವಾಸಪ್ರಸಾದ್ ಬೆಂಬಲಕ್ಕಾಗಿ ಕೈ-ಕಮಲ ನಾಯಕರ ಕಸರತ್ತು!
- Sports PBKS vs MI: ಐಪಿಎಲ್ನಲ್ಲಿ ಈ ಇತಿಹಾಸ ನಿರ್ಮಿಸಿದ 2ನೇ ಆಟಗಾರ ರೋಹಿತ್ ಶರ್ಮಾ
- Movies ಕಬೀರ್ ಸಿಂಗ್ ನನ್ನ ಬದುಕಿನ ಬಹುದೊಡ್ಡ ತಪ್ಪು ಎಂದ ನಟ ; ಕೆರಳಿ ಕೆಂಡವಾದ ಸಂದೀಪ್ ರೆಡ್ಡಿ ವಂಗಾ..!
- Lifestyle ಊಟದ ರುಚಿ ಹೆಚ್ಚಿಸುತ್ತೆ ಚೌಳಿಕಾಯಿ ಪಲ್ಯ..! ಹೀಗೆ ಮಾಡಿ
- Finance ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್!
- Technology Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬಿಡುಗಡೆಯಾದ ಬಿಎಂಡಬ್ಲ್ಯು ಹೆಚ್ಪಿ4 ರೇಸ್ ಬೈಕ್ ಬೆಲೆ 85 ಲಕ್ಷ ಅಷ್ಟೇ...
ಬಿಎಂಡಬ್ಲ್ಯು ಮೊಟೊರಾಡ್ ಸಂಸ್ಥೆಯು ತನ್ನ ರೇಸ್ ಎಡಿಷನ್ ಮಾದರಿಯಾದ ಹೆಚ್ಪಿ4 ರೇಸ್ ಬೈಕ್ ಅನ್ನು ಜಾಗತಿಕ ಮಾರುಕಟ್ಟೆಗಳಲ್ಲಿ ಬಿಡುಗಡೆ ಮಾಡಿದೆ.
ಬಿಎಂಡಬ್ಲ್ಯು ಮೊಟೊರಾಡ್ ಸಂಸ್ಥೆಯು ತನ್ನ ರೇಸ್ ಎಡಿಷನ್ ಮಾದರಿಯಾದ ಹೆಚ್ಪಿ4 ರೇಸ್ ಬೈಕ್ ಅನ್ನು ಜಾಗತಿಕ ಮಾರುಕಟ್ಟೆಗಳಲ್ಲಿ ಬಿಡುಗಡೆ ಮಾಡಿದ್ದು, ಭಾರತದಲ್ಲಿ ಈ ಬೈಕಿನ ಬೆಲೆಯನ್ನು ದೆಹಲಿ ಎಕ್ಸ್ಶೋರಂ ಪ್ರಕಾರ ರೂ. 85 ಲಕ್ಷಕ್ಕೆ ನಿಗದಿಗೊಳಿಸಲಾಗಿದೆ.
ಟ್ರ್ಯಾಕ್ ಪರ್ಫಾಮೆನ್ಸ್ ಉದ್ದೇಶಕ್ಕಾಗಿಯೇ ಹೆಚ್ಪಿ4 ರೇಸ್ ಬೈಕ್ ಆವೃತ್ತಿಯನ್ನು ಅಭಿವೃದ್ಧಿಗೊಳಿಸಲಾಗಿದ್ದು, ವಿಶ್ವಾದ್ಯಂತ ಕೇವಲ 750 ಬೈಕ್ಗಳು ಮಾತ್ರವೇ ಮಾರಾಟಕ್ಕಿರಲಿವೆ. ಹೀಗಾಗಿ ಇದು ಲಿಮಿಟೆಡ್ ಎಡಿಷನ್ ಮಾದರಿಯಾಗಿದ್ದು, ಕಾರ್ಬನ್ ಫೈಬರ್ ತಂತ್ರಜ್ಞಾನದೊಂದಿಗೆ ಅಭಿವೃದ್ಧಿಯಾದ ಮೊದಲ ಸೂಪರ್ ಬೈಕ್ ಇದಾಗಿದೆ.
ಸಾಮಾನ್ಯ ರಸ್ತೆಗಳಲ್ಲಿ ಈ ಬೈಕಿಗಿಲ್ಲ ಪ್ರವೇಶವಿಲ್ಲ..!
ಹೌದು, ಇದೊಂದು ಸಂಪೂರ್ಣ ಟ್ರ್ಯಾಕ್ ಬೈಕ್ ಮಾದರಿಯಾಗಿರುವುದರಿಂದ ಸಾಮಾನ್ಯ ರಸ್ತೆಗಳಲ್ಲಿ ಈ ಬೈಕಿಗೆ ಪ್ರವೇಶವಿಲ್ಲ. ಟ್ರ್ಯಾಕ್ ಪರ್ಫಾಮೆನ್ಸ್ ಉದ್ದೇಶಕ್ಕಾಗಿ ಮಾತ್ರವೇ ಈ ಬೈಕ್ ಅನ್ನು ಬಳಕೆಮಾಡಬೇಕಷ್ಟೇ.
ಹೆಚ್ಪಿ4 ರೇಸ್ ಬೈಕ್ ತೂಕ ಕಡಿತಗೊಳಿಸುವ ಸಲುವಾಗಿ ಕಾರ್ಬನ್ ಫೈಬರ್ ತಂತ್ರಜ್ಞಾನ ಬಳಕೆ ಮಾಡಲಾಗಿದ್ದು, ಇದರಿಂದ ಇತರೆ ರೇಸ್ ಬೈಕ್ಗಳಿಂತಲೂ ಈ ಬೈಕಿನ ತೂಕವು ಬರೋಬ್ಬರಿ 35 ಕೆ.ಜಿ ಕಡಿಮೆ ಭಾರ ಹೊಂದಿದೆ.
ಇದೇ ಕಾರಣಕ್ಕಾಗಿಯೇ ಬೈಕಿನ ಬೆಲೆಯು ಹೆಚ್ಚಳವಾಗಿರಲು ಕಾರಣವಾಗಿದ್ದು, 171 ಕೆಜಿ ತೂಕ ಹೊಂದಿರುವ ಈ ಬೈಕ್ ಟ್ರ್ಯಾಕ್ನಲ್ಲಿ ಅದ್ಬುತ ಪ್ರದರ್ಶನ ತೊರಬಲ್ಲವು. ಜೊತೆಗೆ ರೇಸ್ ಪ್ರಿಯರಿಗೆ ಅನುಕೂಲಕರವಾಗುವಂತ ಹಲವು ಅತ್ಯಾಧುನಿಕ ರೈಡಿಂಗ್ ಸೌಲಭ್ಯಗಳು ಈ ಬೈಕಿನಲ್ಲಿವೆ.
ಎಂಜಿನ್ ಸಾಮರ್ಥ್ಯ
999-ಸಿಸಿ ಇನ್ ಲೈನ್, ಫೌರ್ ಸಿಲಿಂಡರ್, ಲಿಕ್ವಿಡ್ ಕೂಲ್ಡ್ ರೇಸ್ ಎಂಜಿನ್ ಸೌಲಭ್ಯವನ್ನ ಹೊಂದಿರುವ ಹೆಚ್ಪಿ4 ರೇಸ್ ಬೈಕ್ಗಳು 6-ಸ್ಪೀಡ್ ರೇಸಿಂಗ್ ಟ್ರಾನ್ಸ್ಮಿಷನ್ನೊಂದಿಗೆ 215-ಬಿಎಚ್ಪಿ ಮತ್ತು 120-ಎನ್ಎಂ ಟಾರ್ಕ್ ಉತ್ಪಾದಿಸಬಲ್ಲವು.
ಜೊತೆಗೆ ಸ್ಟ್ರೇಟ್ ಕಟ್ ಗೇರ್ಬಾಕ್ಸ್ ಹೊಂದಿರುವ ಈ ಬೈಕ್ಗಳು ಟ್ರ್ಯಾಕ್ನಲ್ಲಿ ಸಹಕಾರಿಯಾಗಲಿದ್ದು, ಮುಂಭಾಗದಲ್ಲಿ ಒಹೊ ಲೈನ್ ಎಫ್ಜಿಆರ್ 300 ಫ್ರೊಕ್ಸ್ ಮತ್ತು ಹಿಂಭಾಗದಲ್ಲಿ ಒಹೊ ಲೈನ್ ಟಿಟಿಎಕ್ಸ್ 36 ಜಿಪಿ ಮೊನೊಶಾರ್ಕ್ ಪಡೆದುಕೊಂಡಿದೆ.
ಇದರೊಂದಿಗೆ 320ಎಂಎಂ ಫ್ರಂಟ್ ಡಿಸ್ಕ್ ಬ್ರೇಕ್, 220ಎಂಎಂ ರಿಯರ್ ಡಿಸ್ಕ್ ಬ್ರೇಕ್ ಮತ್ತು ಟೈಟಾನಿಯಂ ಅಕ್ರೊಪ್ರೊವಿಕ್ ಎಕ್ಸಾಸ್ಟ್ ಹೊಂದಿರುವ ಹೆಚ್ಪಿ4 ರೇಸ್ ಬೈಕ್ ಮಾದರಿಯು ದುಬಾರಿ ಬೆಲೆಯ ಟೈರ್ ಮಾದರಿಯಾದ 17-ಇಂಚಿನ ಪಿರೆಲ್ಲಿ ಡೈಯಾಬ್ಲೊ ಸ್ಲಿಕ್ ಎಸ್ಸಿ2 ಟೈರ್ ಸೌಲಭ್ಯ ಹೊಂದಿದೆ.
ಇನ್ನು ಸುರಕ್ಷೆತೆಗಾಗಿ ಹೆಚ್ಪಿ4 ರೇಸ್ ಬೈಕ್ಗಳಲ್ಲಿ ಅಲ್ಯುನಿಯಂ WSBK ಸ್ವಿಂಗ್ಗಾರ್ಮ್, ಡೈನಾಮಿಕ್ ಟ್ರಾಕ್ಷನ್ ಕಂಟ್ರೊಲರ್, ಎಂಜಿನ್ ಬ್ರೇಕಿಂಗ್, ವೀಲ್ಲಿ ಕಂಟ್ರೋಲರ್, ಪಿಟ್ ಲೆನ್ ಲಿಮಿಟರ್ ಮತ್ತು ಆ್ಯಂಟಿ ಹೊಪಿಂಗ್ ಕ್ಲಚ್ ಜೋಡಣೆಯಿದೆ.
ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
ಸದ್ಯ ಭಾರತದಲ್ಲಿ ಲಭ್ಯವಿರುವ 1.12 ಕೋಟಿ ಮೌಲ್ಯದ ಡುಕಾಟಿ 1299 ಸೂಪರ್ ಲೆಗ್ಗರ್ ಸೂಪರ್ ಬೈಕಿಗಿಂತಲೂ ಹೆಚ್ಚಿನ ಗುಣಮಟ್ಟ ಹೊಂದಿರುವ ಹೆಚ್4 ರೇಸ್ ಬೈಕ್ಗಳು ರೇಸಿಂಗ್ ವಿಭಾಗದಲ್ಲಿ ಹೊಸ ಸಂಚಲನ ಸೃಷ್ಠಿಸಲಿದ್ದು, ಲಿಮಿಟೆಡ್ ಎಡಿಷನ್ ಆಗಿರುವುದರಿಂದ ಕೇವಲ 750 ಬೈಕ್ಗಳು ಮಾತ್ರವೇ ಖರೀದಿಗೆ ಲಭ್ಯವಿರಲಿವೆ.