ಹೊಸ ಸ್ಕೂಟರ್‌ಗಳಲ್ಲಿ ತಾಂತ್ರಿಕ ದೋಷ- ಗ್ರಾಜಿಯಾ, ಆಕ್ಟಿವಾ 125 ಹಿಂಪಡೆದ ಹೋಂಡಾ

ಹೊಸದಾಗಿ ಬಿಡುಗಡೆಯಾಗಿರುವ ಆಕ್ಟಿವಾ 125, ಗ್ರಾಜಿಯಾ ಮತ್ತು ಎವಿಯೆಟರ್ ಸ್ಕೂಟರ್‌ಗಳಲ್ಲಿ ತಾಂತ್ರಿಕ ದೋಷ ಕಂಡುಬಂದಿದ್ದು, ಈ ಹಿನ್ನೆಲೆ ತಾಂತ್ರಿಕ ದೋಷ ಸರಿಪಡಿಸುವ ಸಂಬಂಧ ಮಾರಾಟವಾಗಿರುವ 56,194 ಸ್ಕೂಟರ್‌ಗಳನ್ನು ಹಿಂಪಡೆದಿದೆ.

ಆಕ್ಟಿವಾ 125, ಗ್ರಾಜಿಯಾ ಮತ್ತು ಎವಿಯೆಟರ್ ಸ್ಕೂಟರ್‌ಗಳ ಫ್ರಂಟ್ ಫೋರ್ಕ್‌ನಲ್ಲಿ ತಾಂತ್ರಿಕ ದೋಷ ಉಂಟಾಗಿದ್ದು, ಗ್ರಾಹಕರ ದೂರಿನ್ವಯ ಹೋಂಡಾ ಸಂಸ್ಥೆಯು ಸಮಸ್ಯೆ ಬಗೆಹರಿಸಲು ಮುಂದಾಗಿದೆ.

ಇನ್ನು ಆಕ್ಟಿವಾ 125, ಗ್ರಾಜಿಯಾ ಮತ್ತು ಎವಿಯೆಟರ್ ಸ್ಕೂಟರ್‌ಗಳ ಆವೃತ್ತಿಯಲ್ಲಿ ಮಾತ್ರವೇ ಫ್ರಂಟ್ ಫೋರ್ಕ್ ದೋಷ ಕಂಡುಬಂದಿದ್ದು, ಇನ್ನುಳಿದ ಸ್ಕೂಟರ್ ಮಾದರಿಗಳಲ್ಲಿ ಯಾವುದೇ ರೀತಿಯ ದೋಷವಿಲ್ಲ ಎನ್ನಲಾಗಿದೆ.

ಫ್ರಂಟ್ ಫೋರ್ಕ್ ದೋಷದಿಂದಾಗಿ ಸ್ಕೂಟರ್ ಚಾಲನೆಯು ಕಷ್ಟಕರವಾಗುತ್ತಿದ್ದು, ಈ ಬಗ್ಗೆ ಸಾಕಷ್ಟು ಗ್ರಾಹಕರು ಹೋಂಡಾ ಸಂಸ್ಥೆಗೆ ದೂರು ನೀಡಿದ್ದರು. ಇದಕ್ಕೆ ಸ್ಪಂದಿಸಿರುವ ಹೋಂಡಾ, ಕೂಡಲೇ ಸಮಸ್ಯೆ ಬಗೆಹರಿಸುವ ಆಶ್ವಾಸನೆ ನೀಡಿದೆ.

ಹೀಗಾಗಿ ಸುಖಕರ ಚಾಲನೆಗೆ ಅಡ್ಡಿಯಾಗುತ್ತಿರುವ ಫ್ರಂಟ್ ಫೋರ್ಕ್ ಕಿಟ್ ಅನ್ನು ಸಂಪೂರ್ಣ ಬದಲಾವಣೆ ಮಾಡಲಿದ್ದು, ಇದಕ್ಕಾಗಿ ಆಕ್ಟಿವಾ 125, ಗ್ರಾಜಿಯಾ ಮತ್ತು ಎವಿಯೆಟರ್ ಗ್ರಾಹಕರು ಯಾವುದೇ ಶುಲ್ಕ ಪಾವತಿಸಬೇಕಿಲ್ಲ.

ಜೊತೆಗೆ ತಾಂತ್ರಿಕ ದೋಷಗಳನ್ನು ಹೊಂದಿರುವ ಸ್ಕೂಟರ್‌ ಮಾಲೀಕರನ್ನು ಹೋಂಡಾ ಸಂಸ್ಥೆಯೇ ಸಂಪರ್ಕಿಸಲಿದ್ದು, ಹೊಸ ಫ್ರಂಟ್ ಫೋರ್ಕ್ ಜೋಡಣೆಗಾಗಿ ಸದ್ಯದಲ್ಲೇ ದಿನಾಂಕ ನಿಗದಿ ಮಾಡಲಿದೆ. ಹೀಗಾಗಿ ಹೊಸದಾಗಿ ಆಕ್ಟಿವಾ 125, ಗ್ರಾಜಿಯಾ ಮತ್ತು ಎವಿಯೆಟರ್ ಖರೀದಿಸಿರುವ ಗ್ರಾಹಕರು ಸ್ಕೂಟರ್ ಚಾಲನೆ ವೇಳೆ ಎಚ್ಚರಿಕೆ ವಹಿಸುವುದು ಒಳಿತು.

ಉತ್ಪಾದನಾ ಸಂದರ್ಭದಲ್ಲಿ ತಾಂತ್ರಿಕ ದೋಷಗಳು ಕಂಡುಬರುವುದು ಸಾಮಾನ್ಯ ವಿಚಾರವಾಗಿದ್ದು, ಒಂದು ವೇಳೆ ನೀವು ಕೂಡಾ ಆಕ್ಟಿವಾ 125, ಗ್ರಾಜಿಯಾ ಮತ್ತು ಎವಿಯೆಟರ್ ಖರೀದಿ ಮಾಡಿದ್ದಲ್ಲಿ ಈ ಕೂಡಲೇ ನಿಮ್ಮ ಹತ್ತಿರದ ಶೋರಂಗಳಿಗೆ ಭೇಟಿ ನೀಡಿ ಮಾಹಿತಿ ಪಡೆದುಕೊಳ್ಳಿ.

ಡ್ರೈವ್‌ಸ್ಪಾರ್ಕ್ ಕನ್ನಡ ವಿಭಾಗದಲ್ಲಿನ ಟಾಪ್ ಸ್ಟೋರಿಗಳು:

ಮಂಗಳೂರಿಗೆ ಬಂದ ಭಾರತದ ಮೊದಲ ಕವಾಸಕಿ ಜೆಡ್900ಆರ್‍ಎಸ್ ಬೈಕ್..

ವಾಹನ ಸವಾರರ ಜೀವಕ್ಕೆ ಕುತ್ತು ತರುತಂತೆ ಟೈರ್ ಕಿಲ್ಲರ್ ಹಂಪ್?

ಕಾರುಗಳ ರೀ ಸೇಲ್ ಮೌಲ್ಯವನ್ನು ಹೆಚ್ಚಿಸುವುದು ಹೇಗೆ ಗೊತ್ತಾ?

ಉಡುಪಿಯಲ್ಲಿ ಭೀಕರ ಅಪಘಾತ- ಇನೋವಾ ಗುದ್ದಿದ ರಭಸಕ್ಕೆ ಗಾಳಿಯಲ್ಲಿ ತೂರಿ ಹೋದ ಪಲ್ಸರ್ ಬೈಕ್...

ಕಾರಿನ ಗೇರ್ ಸ್ಕಿಪ್ ಮಾಡುವುದರಿಂದ ಗೇರ್‌ಬಾಕ್ಸ್ ಹಾಳಾಗುತ್ತಾ ? ಇಲ್ಲಿದೆ ಕಂಪ್ಲೀಟ್ ಡೀಟೇಲ್ಸ್