ಹೊಸ ವಿನ್ಯಾಸದೊಂದಿಗೆ ಮಾರುಕಟ್ಟೆಗೆ ಮರಳಿಬಂದ ಹೋಂಡಾ ನವಿ..

2018ರ ಹೊಸ ಹೋಂಡಾ ನವಿ ಸ್ಕೂಟರ್ ತನ್ನ ಹಳೆಯ ಮಾದರಿಗಿಂತ ಬೆಲೆಯಲ್ಲಿ ರೂ.1991 ಸಾವಿರ ಅಧಿಕವಿದ್ದು, ಈ ಮೋಟೊ ಸ್ಕೂಟರ್‍ ಅನ್ನು ಸಂಪೂರ್ಣವಾಗಿ ಹೋಂಡಾ ರಿಸರ್ಚ್ ಆಂಡ್ ಡೆವೆಲಪ್‍‍ಮೆಂಟ್ ವಿನ್ಯಾಸ ಮಾಡಲಾಗಿದೆ. ಇದಲ್ಲದೆ ಈ ಸ್ಕೂಟರ್ ಹೆಚ್‍‍ಎಮ್‍ಎಸ್ಐ ಲ್ಯಾಟಿನ್ ಅಮೇರಿಕಾದ ಮಾರುಕಟ್ಟೆಗು ಕೂಡ ರಫ್ತು ಮಾಡುತ್ತದೆ.

ಹೊಸದಾಗಿ ಬಿಡುಗಡೆಗೊಂಡ ಹೋಂಡಾ ನವಿ ಹೊಸ ಫ್ಯುಯಲ್ ಗೇಜ್ ಮತ್ತು ಮೆಟಲ್ ಮಫ್ಲರ್ ಪ್ರೊಟೆಕ್ಟರ್ ಅನ್ನು ಪಡೆದುಕೊಂಡಿದ್ದು, ಸ್ಟೈಲಿಷ್ ಸ್ಪೀಡೋಮೀಟರ್, ಟ್ಯೂಬ್‍‍ಲೆಸ್ ಟೈರ್ಸ್, ಗ್ರ್ಯಾಬ್ ರೈಲ್, ಹೆಡ್‍ಲೈಟ್ ಕವರ್, ರಿಯರ್ ವ್ಯೂ ಮಿರರ್ಸ್ ಮತ್ತು ಸ್ಪೋರ್ಟಿ ರೆಡ್ ಬಣ್ಣದ ಕ್ಯೂಷನ್ ಸ್ಪ್ರಿಂಗ್ ಅನ್ನು ಪಡೆದುಕೊಂಡಿದೆ.

ಎಂಜಿನ್ ಸಾಮರ್ಥ್ಯ

ಹೊಸ ನವಿ ಸ್ಕೂಟರ್ ವಿನ್ಯಾಸದಲ್ಲಿ ಮಾತ್ರ ಬದಲಾವಣೆಯನ್ನು ಪಡೆದಿದ್ದು 109ಸಿಸಿ ಫ್ಯಾನ್ ಕೂಲ್ಡ್, 4 ಸ್ಟ್ರೋಕ್ ಎಂಜಿನ್ ಸಹಾಯದಿಂದ 8ಬಿಹೆಚ್‍‍ಪಿ ಮತ್ತು 8.96ಎನ್ಎಮ್ ಟಾರ್ಕ್ ಅನ್ನು ಉತ್ಪಾದಿಸುವ ಶಕ್ತಿಯನ್ನು ಪಡೆದುಕೊಂಡಿದೆ. ಎಂಜಿನ್ ಅನ್ನು ವಿ ಮ್ಯಾಟಿಕ್ ಗೇರ್‍‍ಬಾಕ್ಸ್ ನೊಂದಿಗೆ ಜೋಡಿಸಲಾಗಿದೆ.

ಇದಲ್ಲದೆ ಹೋಂಡಾ ನವಿ ಸ್ಕೂಟರ್‍ ಈಗಾಗಲೆ ಮಾರುಕಟ್ಟೆಯಲ್ಲಿ ಪೇಟ್ರಿಯಾಟ್ ರೆಡ್, ಶಾಸ್ಟಾ ವೈಟ್, ಸ್ಪಾರ್ಕಿ ಆರೆಂಜ್, ಬ್ಲಾಕ್ ಎಂಬ ಬಣ್ಣಗಳಲ್ಲಿ ಲಭ್ಯಬಿದ್ದು ಇದೀಗ ಹೊಸದಾಗಿ ರೇಂಜ್ ಗ್ರಿನ್ ಹಾಗು ಲದಾಕ್ ಬ್ರೌನ್ ಬಣ್ಣದ ಆಯ್ಕೆಯಲ್ಲಿ ಲಭ್ಯವಿರಲಿದೆ.

ನವಿ ಮೋಟೊ-ಸ್ಕೂಟರ್ ಹೋಸ್ಟ್ ಬಿಡಿಭಾಗಗಳು ಸೇರಿದ ಹಲವಾರು ಕಸ್ಟಮೈಸೇಷನ್‍‍ನ ಆಯ್ಕೆಗಳೊಂದಿಗೆ ಬಿಡುಗಡೆಗೊಂಡಿದ್ದು, ಗಂಟೆಗೆ 81 ಕಿಲೋಮೀಟರ್ ಚಲಿಸಬಲ್ಲ ಟಾಪ್ ಸ್ಪೀಡ್ ಅನ್ನು ಪಡೆದುಕೊಂಡಿದೆ.

ಹೊಂಡಾ ನವಿ 1805ಎಮ್ಎಮ್ ಉದ್ದ, 748ಎಮ್ಎಮ್ ಅಗಲ, 1039ಎಮ್ಎಮ್ ಎತ್ತರ, 1286ಎಮ್ಎಮ್ ವ್ಹೀಲ್ ಬೇಸ್, 156ಎಮ್ಎಮ್ ಗೌಂಡ್ ಕ್ಲಿಯರೆನ್ಸ್, 765ಎಮ್ಎಮ್ ಸೀಟ್ ಎತ್ತರ, 99 ಕೇಜಿ ತೂಕ ಮತ್ತು 9.5 ಲೀಟರ್‍‍ನ ಫ್ಯುಯಲ್ ಟ್ಯಾಂಕ್ ಕೆಪಾಸಿಟಿಯನ್ನು ಪಡೆದುಕೊಂಡಿದೆ.

ಇನ್ನು ಸಸ್ಪೆಂಷನ್ ವಿಚಾರಕ್ಕೆ ಬಂದಿದ್ದಲ್ಲಿ ಹೋಂಡಾ ನವಿ ಸ್ಕೂಟರ್‍‍ನ ಮುಂಭಾಗದಲ್ಲಿ ಟೆಲಿಸ್ಕೋಪಿಕ್ ಮತ್ತು ಹಿಂಭಾಗದಲ್ಲಿ ಸ್ಪ್ರಿಂಗ್ ಲೋಡೆಡ್ ಹೈಡ್ರಾಲಿಕ್ ಸಸ್ಪೆಂಷನ್ ಸಿಸ್ಟಮ್ ಅನ್ನು ಪದೆದುಕೊಂಡಿದೆ. ಮತ್ತು ಸ್ಕೂಟರ್‍‍ನ ಎರಡು ಬದಿಗಳಲ್ಲಿ 130ಎಮ್ಎಮ್ ಡ್ರಮ್ ಬ್ರೇಕ್ ಅನ್ನು ಅಳವಡಿಸಲಾಗಿದೆ.

ಡ್ರೈವ್‍‍ಸ್ಪಾರ್ಕ್ ಅಭಿಪ್ರಾಯ

2016ರಲ್ಲಿ ಬಿಡುಗಡೆಗೊಂಡ ಹೋಂಡಾ ನವಿ ಸ್ಕೂಟರ್ ಪ್ರಾರಂಭದಲ್ಲಿ ಹೆಚ್ಚು ಸದ್ದು ಮಾಡಿದ್ದಿ, ನಂತರದ ದಿನಗಳಲ್ಲಿ ಕಳಪೆ ಮಟ್ಟದ ಮಾರಾಟವನ್ನು ಕಂಡಿತ್ತು. ಈ ನಿಟ್ಟಿನಲ್ಲಿ ಸಂಸ್ಥೆಯು ಈ ಸ್ಕೂಟರ್‍‍ನ ಉತ್ಪಾದನೆಯನ್ನು ಸ್ಥಗಿತಗೊಳಿಸಲಿದೆ ಎಂಬ ಗಾಳಿ ಸುದ್ದಿಗಳು ಕೇಳಿ ಬಂದಿತ್ತು. ಆದರೆ ಹೋಂಡಾ ಸಂಸ್ಥೆಯು ನವಿ ಸ್ಕೂಟರ್‍ ಅನ್ನು ಹೊಸ ವಿನ್ಯಾಸ ಮತ್ತು ವೈಶಿಷ್ಟ್ಯತೆಗಳೊಂದಿಗೆ ಬಿಡುಗಡೆ ಮಾಡಿದೆ.