ಬಿಡುಗಡೆಗೊಂಡ ಅವಾನ್ ಮೋಟಾರ್ಸ್‍ನ ಮತ್ತೊಂದು ಎಲೆಕ್ಟ್ರಿಕ್ ಸ್ಕೂಟರ್...

ಬಿಡುಗಡೆಯಾದ ಅವಾನ್ ಮೋಟಾರ್ಸ್‍ನ ಟ್ರೆಂಡ್ ಇ ಎಲೆಕ್ಟ್ರಿಕ್ ಸ್ಕೂಟರ್ ಎರಡೂ ವೇರಿಯಂಟ್‍‍ಗಳಲ್ಲಿ ಖರೀದಿಗೆ ಲಭ್ಯವಿದ್ದು, ದೆಹಲಿಯ ಎಕ್ಸ್ ಶೋರುಂ ಪ್ರಕಾರ ರೂ. 56,9000 ಬೆಲೆಯನ್ನು ನಿಗದಿ ಮಾಡಲಾಗಿದೆ. ಟ್ರೆಂಡ್ ಇ ಎಲೆಕ್ತ್ರಿಕ್ ಸ್ಕೂಟರ್‍‍‍ಗಳು ಸಿಂಗಲ್ ಬ್ಯಾಟರಿ ಅಥವಾ ಎರಡು ಬ್ಯಾಟರಿಯ ಆಯ್ಕೆಯಲ್ಲಿ ಲಭ್ಯವಿರಲಿದ್ದು, ಡ್ಯುಯಲ್ ಬ್ಯಾಟರಿ ಆಧಾರಿತ ಟ್ರೆಂಡ್ ಇ ಸ್ಕೂಟರ್‍‍ಗಳು ರೂ. 81,269 ಬೆಲೆಯನ್ನು ಪಡೆದುಕೊಂಡಿದೆ. ಇನ್ನು ಈ ಹೊಸ ಎಲೆಕ್ಟ್ರಿಕ್ ಸ್ಕೂಟರ್‍‍ನ ಖರೀದಿಗಾಗಿ ಬುಕ್ಕಿಂಗ್ ಪ್ರಕ್ರಿಯೆಯನ್ನು ಕೂಡಾ ಪ್ರಾರಂಭಿಸಲಾಗಿದ್ದು, ರೂ. 1,100 ನೀಡಿ ಬುಕ್ಕಿಂಗ್ ಮಾಡಿಕೊಳ್ಳಬಹುದಾಗಿದೆ.

ವೈಶಿಷ್ಟ್ಯತೆಗಳು

ಟ್ರೆಂಡ್ ಇ ಸ್ಕೂಟರ್‍‍ನಲ್ಲಿ ಎಲ್ಇಡಿ ಡಿಆರ್ಎಲ್, ಎಲ್ಇಡಿ ಹೆಡ್‍ಲ್ಯಾಂಪ್ಸ್ ಮತ್ತು ಟೈಲ್‍ಲೈಟ್ಸ್ ಅನ್ನು ನೀಡಲಾಗಿದೆ. ಇವುಗಳ ಜೊತೆಗೆ ಇದರಲ್ಲಿ ಡಿಜಿಟಲ್ ಇನ್ಸ್ಟ್ರೂಮೆಂಟ್ ಕ್ಲಸ್ಟರ್ ಅನ್ನು ನೀಡಲಗಿದ್ದು, ಚಾಲಕನಿಗೆ ಬೇಕಾದ ಎಲ್ಲಾ ಮಾಹಿತಿಯನ್ನು ಇದರಲ್ಲಿ ಕಾಣಬಹುದಾಗಿದೆ.

ಟ್ರೆಂಡ್ ಇ ಅವಾನ್ ಮೋಟಾರ್ಸ್ ಸಂಸ್ಥೆಯಿಂದ ಬಿಡುಗಡೆಯಾದ ಮೂರನೆಯ ಎಲೆಕ್ಟ್ರಿಕ್ ಸ್ಕೂಟರ್ ಆಗಿದ್ದು, ಈಗಾಗಲೆ ಸಂಸ್ಥೆಯು ಬಿಡುಗಡೆಗೊಳಿಸಿದ ಕ್ಸೆರೊ ಮತ್ತು ಕ್ಸೆರೊ+ ಸ್ಕೂಟರ್‍‍ಗಳು ಜನಪ್ರೀಯತೆಯನ್ನು ಪಡೆದುಕೊಂಡಿದೆ. ಇನ್ನೆರಡು ಸ್ಕೂಟರ್‍‍ಗಳಂತೆಯೆ ಟ್ರೆಂಡ್ ಇ ಸ್ಕೂಟರ್‍‍ನಲ್ಲಿಯೂ ಸಹ ಸುಮಾರು 60 ಕಿಲೋಮೀಟರ್ ಚಲಿಸಬಲ್ಲ 48 ವೋಲ್ಟ್ಸ್, 28ಎಹೆಚ್ ಲೀಥಿಯಂ ಐಯಾನ್ ಬ್ಯಾಟರಿಯನ್ನು ನೀಡಲಾಗಿದೆ.

ಇನ್ನು ಟ್ರೆಂಡ್ ಇ ಸ್ಕೂಟರ್‍‍ನ ಡಬಲ್ ಬ್ಯಾಟರಿಯ ಆವೃತ್ತಿಗಳು ಸುಮಾರು 110 ಕಿಲೋಮೀಟರ್ ಮೈಲೇಜ್ ನೀಡಬಲ್ಲದು. ಗಂಟೆಗೆ 45 ಕಿಲೋಮೀಟರ್ ವೇಗದಲ್ಲಿ ಚಲಿಸಬಲ್ಲ ಟಾಪ್ ಸ್ಪೀಡ್ ಅನ್ನು ಈ ಸ್ಕೂಟರ್ ಪಡೆದುಕೊಂಡಿದೆ. ಅಲ್ಲದೇಯೆ ಬ್ಯಾಟರಿ ಚಾರ್ಜ್ ಆಗಲು ಸುಮಾರು 2 ರಿಂದ 4 ಗಂಟೆಯ ಸಮಯ ಬೇಕಾಗುತ್ತದೆ.

ಟ್ರೆಂಡ್ ಇ ಸ್ಕೂಟರ್‍‍ಗಳು ಸುಮಾರು 150 ಕಿಲೋಗ್ರಾಂ ತೂಕವನ್ನು ಹೊರಬಲ್ಲ ಸಾಮರ್ಥ್ಯವನ್ನು ಮಾತ್ರ ಪಡೆದುಕೊಂಡಿದೆ. ಸ್ಕೂಟರ್‍‍ನ ಮುಂಭಾಗದಲ್ಲಿ ಹೈಡ್ರಾಲಿಕ್ ಟೆಲಿಸ್ಕೋಪಿಕ್ ಫ್ರಂಟ್ ಫೋರ್ಕ್ಸ್ ಮತ್ತು ಹಿಂಭಾಗದಲ್ಲಿ ಕಾಯಿಲ್ ಸ್ಪ್ರಿಂಗ್ ಸಸ್ಪೆಂಶನ್ ಅನ್ನು ನೀಡಲಾಗಿದೆ.

ಇವುಗಳ ಜೊತೆಗೆ ಟ್ರೆಂಡ್ ಇ ಸ್ಕೂಟರ್‍‍ಗಳಲ್ಲಿ ಪ್ರಯಾಣಿಸುವವರ ಸುರಕ್ಷತೆಗಾಗಿ ಮುಂಭಾಗದಲ್ಲಿ ಡಿಸ್ಕ್ ಬ್ರೇಕ್ ಅನ್ನು ನೀಡಲಾಗಿದ್ದು, ಹಿಂಭಾಗದಲ್ಲಿ ಡ್ರಂ ಬ್ರೇಕ್ ಅನ್ನು ಒದಗಿಸಲಾಗಿದೆ. ನೀಡುವ ಬೆಲೆಗಿಂತಲೂ ಹೆಚ್ಚಾಗಿ ಸ್ಕೂಟರ್‍‍ನಲ್ಲಿ ಡಿಸ್ಕ್ ಬ್ರೇಕ್ ಅನ್ನು ಈ ಸ್ಕೂಟರ್‍‍ಗೆ ಅಳವಡಿಸಿರುವುದು ಗಮನಾರ್ಹ.

ಅವಾನ್ ಮೋಟಾರ್ಸ್ ಸಂಸ್ಥೆಯು ಈ ಹಿಂದೆಯೆ ತಮ್ಮ ಕ್ಸೆರೊ ಮತ್ತು ಕ್ಸೆರೊ+ ವಾಹನಗಳನ್ನು ಬಿಡುಗಡೆ ಮಾಡಲಗಿದ್ದು, ಕಾರಣಾಂತರಗಳಿಂದ ಕ್ಸೆರೊ ಸ್ಕೂಟರ್ ಮಾರಾಟವನ್ನು ಸ್ಥಗಿತಗೊಳಿಸಿದೆ. ಆದರೆ ಕ್ಸೆರೊ ಪ್ಲಸ್ ಸ್ಕೂಟರ್ ಮಾತ್ರ ಇನ್ನು ದೆಹಲಿಯ ಎಕ್ಸ್ ಶೋರುಂ ಪ್ರಕಾರ ರೂ. 47,000 ಕ್ಕೆ ಮಾರಾಟವಾಗುತ್ತಿದೆ. ಟ್ರೆಂಡ್ ಇ ಸ್ಕೂಟರ್‍‍ಗಳು ಒಕಿನಾವ ಪ್ರೈಸ್ ಸ್ಕೂಟರ್‍‍ಗಳಿಗೆ ಪೈಪೋಟಿ ನೀಡಲಿದೆ.

ಡ್ರೈವ್‍ಸ್ಪಾರ್ಕ್ ಅಭಿಪ್ರಾಯ

ಸ್ಟೈಲಿಷ್ ವಿನ್ಯಾಸವನ್ನು ನೀಡಿ ಅವಾನ್ ಮೋಟಾರ್ಸ್ ಸಂಸ್ಥೆಯು ಗ್ರಾಹಕರ ರುಚಿಗೆ ಸರಿ ಹೊಂದುವ ಹಾಗೆ ಆರು ತಿಂಗಳಿನಲ್ಲಿ ಇನ್ನೂ ಆರು ಎಲೆಕ್ಟ್ರಿಕ್ ವಾಹನಗಳನ್ನು ಬಿಡುಗಡೆಗೊಳಿಸುವುದಾಗಿ ಮಾಹಿತನ್ನು ನೀಡಿದೆ. ಈ ನಿಟ್ಟಿನಲ್ಲಿ ಎಲೆಕ್ಟ್ರಿಕ್ ಸ್ಕೂಟರ್‍ ಅನ್ನು ಖರೀದಿಸಲು ಬಯಸುವ ಗ್ರಾಹಕರಿಗೆ ಇದು ಕಡಿಮೆ ಬೆಲೆಯಲ್ಲಿ ದೊರೆಯುವ ಬೆಸ್ಟ್ ಸ್ಕೂಟರ್ ಅನ್ನಬಹುದು.