ಅನಾವರಣಗೊಂಡ ಯಮಹಾದ ಮೊದಲ ಎಲೆಕ್ಟ್ರಿಕ್ ಸ್ಕೂಟರ್

ಯಮಹಾ ಕಂಪನಿಯು ಇತ್ತೀಚಿಗಷ್ಟೇ ತನ್ನ ಮೊಟ್ಟ ಮೊದಲ ಎಲೆಕ್ಟ್ರಿಕ್ ಸ್ಕೂಟರ್ ಇಸಿ-05 ಅನ್ನು ಅನಾವರಣಗೊಳಿಸಿತು. ಈ ಸ್ಕೂಟರಿನಲ್ಲಿ ಗೊಗೊರೊ ಕಂಪನಿಯ ಸ್ವಾಪೇಬಲ್ ಬ್ಯಾಟರಿ ಟೆಕ್ನಾಲಜಿಯನ್ನು ಅಳವಡಿಸಲಾಗುವುದು. ಎಲೆಕ್ಟ್ರಿಕ್ ವಾಹನಗಳಲ್ಲಿ ಸ್ವಾಪೇಬಲ್ ಬ್ಯಾಟರಿ ಟೆಕ್ನಾಲಜಿಯನ್ನು ಅಭಿವೃದ್ಧಿಪಡಿಸಲು ಯಮಹಾ, ಕವಾಸಕಿ, ಸುಜುಕಿ ಹಾಗೂ ಹೋಂಡಾ ಕಂಪನಿಗಳು ಕೈ ಜೋಡಿಸಿದ ನಂತರ ಈ ಸ್ಕೂಟರ್ ಅನ್ನು ಬಿಡುಗಡೆಗೊಳಿಸಲಾಗುತ್ತಿದೆ.

ದ್ವಿ ಚಕ್ರವಾಹನ ಉದ್ಯಮದಲ್ಲಿ ದೈತ್ಯ ಕಂಪನಿಯಾಗಿರುವ ಯಮಹಾ, ತೈವಾನ್ ಮೂಲದ ಗೊಗೊರೊ ಕಂಪನಿಯ ಜೊತೆಗೆ ಬ್ಯಾಟರಿ ಟೆಕ್ನಾಲಜಿ ಹಂಚಿಕೆಯ ಬಗ್ಗೆ ಸಹಭಾಗಿತ್ವ ಹೊಂದಿದೆ. ಇದರಿಂದಾಗಿ ಪವರ್ ಯೂನಿಟ್‍‍ಗಳನ್ನು ಸುಲಭವಾಗಿ ಬದಲಾಯಿಸಬಹುದಾಗಿದೆ.

ಯಮಹಾ ಇಸಿ-05 ಸ್ಕೂಟರ್‍‍ನಲ್ಲಿ ಈ ಟೆಕ್ನಾಲಜಿಯನ್ನು ಅಳವಡಿಸಲಾಗುವುದು. ಈ ಟೆಕ್ನಾಲಜಿಯನ್ನು ಎರಡೂ ಕಂಪನಿಗಳೂ ಜೊತೆಗೂಡಿ ಅಭಿವೃದ್ಧಿಪಡಿಸಲಿವೆ. ಈ ಸ್ಕೂಟರ್‍‍ನಲ್ಲಿರುವ ಸ್ಪೆಸಿಫಿಕೇಶ್‍‍ಗಳ ಬಗ್ಗೆ ಯಮಹಾ ಕಂಪನಿಯು ಯಾವುದೇ ಮಾಹಿತಿಯನ್ನೂ ಬಹಿರಂಗಪಡಿಸಿಲ್ಲ.

ಯಮಹಾ ಕಂಪನಿಯು ದೂರದ ಪ್ರಯಾಣಕ್ಕೆ ಹಾಗೂ ಎರಡು ನಗರಗಳ ಮಧ್ಯದ ಪ್ರಯಾಣಕ್ಕೆ ಅನುಕೂಲವಾಗುವಂತಹ ಸ್ಕೂಟರ್ ಅನ್ನು ಅಭಿವೃದ್ಧಿಪಡಿಸಿದ್ದು, ಇಸಿ-05 ಸ್ಕೂಟರ್ ಅನ್ನು ಒಂದು ಬಾರಿಗೆ ಚಾರ್ಜ್ ಮಾಡಿದರೆ 80 ಕಿ.ಮೀ ನಿಂದ 100 ಕಿ.ಮೀವರೆಗೆ ಚಲಾಯಿಸಬಹುದು ಎಂದು ಹೇಳಲಾಗುತ್ತಿದೆ. ಯಮಹಾ ಇಸಿ-05 ಸ್ಕೂಟರ್ ಅನ್ನು ಈ ವರ್ಷದ ಆಗಸ್ಟ್ ನಿಂದ ತೈವಾನ್ ದೇಶದಲ್ಲಿ ಮಾರಾಟ ಮಾಡಲಾಗುವುದು.

MOST READ: ಟ್ಯೂಬ್‍‍ಲೆಸ್ ಟಯರ್ ಟ್ರೆಂಡ್ ಮುಗಿತು, ಇನ್ನು ಏರ್‍‍ಲೆಸ್ ಟಯರ್ ಸದ್ದು ಶುರು

ಹೊಸ ಸ್ಕೂಟರ್ ಅನ್ನು ಪ್ರಪಂಚಾದ್ಯಂತವಿರುವ ಬಹುತೇಕ ಮಾರುಕಟ್ಟೆಗಳಲ್ಲಿ ಮಾರಾಟ ಮಾಡಲಾಗುವುದು. ಇದರಿಂದಾಗಿ ಸ್ವಾಪೇಬಲ್ ಬ್ಯಾಟರಿ ಟೆಕ್ನಾಲಜಿಯ ವಾಹನವು ಬಹು ದೇಶಗಳಿಗೆ ಕಾಲಿಡುವುದು ಖಚಿತವಾಗಿದೆ.

MOST READ: ಮ್ಯಾನುವಲ್ ಕಾರ್ ಡ್ರೈವಿಂಗ್ ಮಾಡದಿದ್ರೆ ಲೈಸೆನ್ಸ್ ಸಿಗೋದಿಲ್ಲ

ಯಮಹಾ ಕಂಪನಿಗೆ ಭಾರತವು ಬಹುದೊಡ್ಡ ಮಾರುಕಟ್ಟೆಯಾಗಿದ್ದು, ಸುಮಾರು ಮೂರು ದಶಕಗಳಿಂದ ಭಾರತದಲ್ಲಿ ತನ್ನ ವಹಿವಾಟನ್ನು ನಡೆಸುತ್ತಿದೆ. ಆದರೆ ಈ ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ಭಾರತದಲ್ಲಿ ಬಿಡುಗಡೆಗೊಳಿಸುವ ಕುರಿತು ಇದುವರೆಗೂ ಅಧಿಕೃತವಾಗಿ ಯಾವುದೇ ಮಾಹಿತಿಯನ್ನು ನೀಡಿಲ್ಲ.

MOST READ: ಬೆಂಗಳೂರಿನ ಉದ್ಯಮಿ ಮದುವೆಮನೆಯಲ್ಲಿ ಐಷಾರಾಮಿ ಕಾರು‍ಗಳ ಕಲರವ..!

ಯಮಹಾ ಕಂಪನಿಯು ಭಾರತದಲ್ಲಿ ಎಲೆಕ್ಟ್ರಿಕ್ ವಾಹನಗಳನ್ನು ದೊಡ್ಡ ಮಟ್ಟದಲ್ಲಿ ಬಿಡುಗಡೆಗೊಳಿಸುವ ಯೋಜನೆಯಲ್ಲಿದ್ದು, ಮುಂಬರುವ ದಿನಗಳಲ್ಲಿ ಅತ್ಯಾಧುನಿಕವಾದ ಎಲೆಕ್ಟ್ರಿಕ್ ಸ್ಕೂಟರ್‍‍ಗಳನ್ನು ಭಾರತದಲ್ಲಿ ಬಿಡುಗಡೆಗೊಳಿಸುವ ನಿರೀಕ್ಷೆಗಳಿವೆ.