ರೂ.30 ಸಾವಿರ ಬೆಲೆಯ ಈ ಬೈಕ್ ಚಾಲನೆಗೆ ಡಿಎಲ್, ಆರ್‌ಸಿ ಬೇಕಿಲ್ಲ

ಭಾರತದಲ್ಲಿರುವ ಎಲೆಕ್ಟ್ರಿಕ್ ವಾಹನ ತಯಾರಕ ಕಂಪನಿಗಳು ಸಹ ಹೊಸ ಹೊಸ ಎಲೆಕ್ಟ್ರಿಕ್ ವಾಹನಗಳನ್ನು ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸುತ್ತಿವೆ. ಈಗ ಆಲ್ಫಾ ವೆಕ್ಟರ್ ಕಂಪನಿಯು ತನ್ನ ಹೊಸ ಇ-ಬೈಕ್ ಅನ್ನು ಭಾರತದಲ್ಲಿ ಬಿಡುಗಡೆಗೊಳಿಸಿದೆ.

ಆಲ್ಫಾ ವೆಕ್ಟರ್ ಕಂಪನಿಯು ಮೆರಾಕಿ ಬೈ 91 ಎಂಬ ಹೆಸರಿನ ಇ-ಬೈಕ್ ಅನ್ನು ಬಿಡುಗಡೆಗೊಳಿಸಿದೆ. ಆಲ್ಫಾ ವೆಕ್ಟರ್ ಕಂಪನಿಯ ಮೊದಲ ಇ-ಬೈಕ್ ನ ಬೆಲೆ ರೂ.29,999ಗಳಾಗಿದೆ. ಈ ಬೈಕ್‌ ಚಾಲನೆ ಮಾಡಲು ಡ್ರೈವಿಂಗ್ ಲೈಸೆನ್ಸ್ ಅಥವಾ ಆರ್‌ಸಿ ಬುಕ್ ನ ಅಗತ್ಯವಿಲ್ಲ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಈ ಎಲೆಕ್ಟ್ರಿಕ್ ವಾಹನವು ಹಲವಾರು ವಿಶೇಷ ತಂತ್ರಜ್ಞಾನಗಳನ್ನು ಹೊಂದಿದೆ. ಈ ಇ-ಬೈಕಿನಲ್ಲಿರುವ 6.36 ಎಹೆಚ್ ಸಾಮರ್ಥ್ಯದ ಲಿಥಿಯಂ ಐಯಾನ್ ಬ್ಯಾಟರಿಯು ಒಂದು ಬಾರಿ ಪೂರ್ತಿಯಾಗಿ ಚಾರ್ಜ್ ಆದ ನಂತರ 35 ಕಿ.ಮೀಗಳವರೆಗೆ ಚಲಿಸುತ್ತದೆ.

ಈ ಇ-ಬೈಕಿನ ಟಾಪ್ ಸ್ಪೀಡ್ ಪ್ರತಿ ಗಂಟೆಗೆ 25 ಕಿ.ಮೀಗಳಾಗಿದೆ. ಆಲ್ಫಾ ವೆಕ್ಟರ್ ಕಂಪನಿಯು ಈ ಇ-ಬೈಕ್‌ನಲ್ಲಿ 250 ವ್ಯಾಟ್‌ ಸಾಮರ್ಥ್ಯದ ಐಪಿ 65 ಎಂಬ ವಾಟರ್ ಪ್ರೂಫ್ ಪಿಎಲ್‌ಟಿಸಿ ಮೋಟರ್ ಅನ್ನು ಬಳಸಿದೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಈ ಬ್ಯಾಟರಿಯು 2.5 ಗಂಟೆಗಳಲ್ಲಿ ಪೂರ್ತಿಯಾಗಿ ಚಾರ್ಜ್ ಆಗುತ್ತದೆ. ಭಾರತದಲ್ಲಿ ಮಾರಾಟವಾಗುತ್ತಿರುವ ಕೆಲವು ಎಲೆಕ್ಟ್ರಿಕ್ ವಾಹನಗಳನ್ನು ಚಾರ್ಜ್ ಮಾಡಲು 4ರಿಂದ 6 ಗಂಟೆಗಳು ಬೇಕಾಗುತ್ತವೆ.

ಇವುಗಳಿಗೆ ಹೋಲಿಸಿದರೆ ಮೆರಾಕಿ ಬೈ 91 ಇ-ಬೈಸಿಕಲ್ ವೇಗವಾಗಿ ಚಾರ್ಜ್ ಆಗುತ್ತದೆ. ಈ ಎಲೆಕ್ಟ್ರಿಕ್ ಬೈಕಿನಲ್ಲಿ ಆಟೋಮ್ಯಾಟಿಕ್ ಇ-ಬ್ರೇಕ್, ಕೀ ಲಾಕ್ ಸ್ವಿಚ್ ಹಾಗೂ ಕೀ ಲೆಸ್ ಆನ್ ನಂತಹ ಹಲವಾರು ವಿಶೇಷ ಫೀಚರ್ ಗಳಿವೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಈ ರೀತಿಯ ವಿಶೇಷ ಫೀಚರ್ ಗಳ ಮೂಲಕ ಈ ಎಲೆಕ್ಟ್ರಿಕ್ ಬೈಕ್ ಹೆಚ್ಚಿನ ಸಂಖ್ಯೆಯ ಗ್ರಾಹಕರನ್ನು ತನ್ನತ್ತ ಆಕರ್ಷಿಸುತ್ತಿದೆ. ಈ ಎಲೆಕ್ಟ್ರಿಕ್ ಬೈಕ್ ಬಿಡುಗಡೆಗೂ ಮುನ್ನವೇ 100ಕ್ಕೂ ಹೆಚ್ಚು ಬುಕ್ಕಿಂಗ್ ಗಳನ್ನು ಸ್ವೀಕರಿಸಿದೆ.

ಈ ಇ-ಬೈಕ್ ಅನ್ನು ಬೆಂಗಳೂರು, ಚೆನ್ನೈ, ಮುಂಬೈ, ದೆಹಲಿ, ಪುಣೆ ಹಾಗೂ ಅಹಮದಾಬಾದ್‌ ನಗರಗಳಲ್ಲಿ ಮಾರಾಟ ಮಾಡಲಾಗುವುದೆಂದು ಆಲ್ಫಾ ವೆಕ್ಟರ್ ಕಂಪನಿಯು ತಿಳಿಸಿದೆ.