ಬಿ‍ಎಸ್-6 ಎಂಜಿನ್‍‍ನಲ್ಲಿ ಬಿಡುಗಡೆಯಾಯ್ತು ಜನಪ್ರಿಯ ಹೀರೋ ಸೂಪರ್ ಸ್ಪ್ಲೆಂಡರ್ 125

ಇದರಲ್ಲಿ ಡ್ರಮ್ ಅಲಾಯ್ ವ್ಹೀಲ್ ರೂಪಾಂರದ ಬೆಲೆಯು ಭಾರತದ ಎಕ್ಸ್ ಶೋರೂಂ ಪ್ರಕಾರ ರೂ.67,300ಗಳಾಗಿದೆ. ಇನ್ನು ರೇಂಜ್-ಟಾಪಿಂಗ್ ಅಲಾಯ್ ರೂಪಾಂತರದ ಬೆಲೆಯು ಭಾರತದ ಎಕ್ಸ್ ಶೋರೂಂ ಪ್ರಕಾರ ರೂ.70,800 ಗಳಾಗಿದೆ. ಹಿಂದಿನ ಮಾದರಿ ಬಿಎಸ್-4 ಮಾದರಿಗಿಂತ ಬಿಎಸ್-6 ಸೂಪರ್ ಸ್ಪ್ಲೆಂಡರ್ 125 ಮಾದರಿಯ ಬೆಲೆಯನ್ನು ರೂ.5,550 ಹೆಚ್ಚಿಸಲಾಗಿದೆ. ಇತ್ತೀಚೆಗೆ ಹೀರೋ ಮೋಟೊಕಾರ್ಪ್ ಕಂಪನಿಯು ಬಿಎಸ್-6 ಆವೃತ್ತಿಯಲ್ಲಿ ಹೀರೋ ಗ್ಲ್ಯಾಮರ್, ಪ್ಯಾಶನ್ ಪ್ರೊ ಮತ್ತು ಮೆಸ್ಟ್ರೋ ಎಡ್ಜ್ ಅನ್ನು ಬಿಡುಗಡೆಗೊಳಿಸಿದ್ದರು.

ಹೀರೋ ಮೋಟಿಕಾರ್ಪ್‍‍ನ ಗ್ಲೋಬಲ್ ಪ್ರೊಡಕ್ಟ್ ಪ್ಲಾನಿಂಗ್ ಮುಖ್ಯಸ್ಥರು ಈ ಬೈಕಿನ ಬಗ್ಗೆ ಮಾತನಾಡಿ, ಸೂಪರ್ ಸ್ಪ್ಲೆಂಡರ್ ಭಾರತದ ಅತ್ಯಂತ ಜನಪ್ರಿಯ ಬೈಕ್‍‍ಗಳಲ್ಲಿ ಒಂದಾಗಿದೆ ಮತ್ತು ಹೊಸ ಸೂಪರ್ ಸ್ಪ್ಲೆಂಡರ್ ಬೈಕ್ ಕೂಡ ಮತ್ತಷ್ಟು ಜನಪ್ರಿಯತೆಗಳಿಸುತ್ತದೆ ಎಂದು ನಂಬುತ್ತೇವೆ ಎಂದರು. ಹೊಸ ಬೈಕ್ ಅನ್ನು ಬಿಎಸ್-6 ಮಾಲಿನ್ಯ ನಿಯಮಕ್ಕೆ ಅನುಗುಣವಾಗಿ ನವೀಕರಿಸುವುದರ ಜೊತೆಗೆ ಹಿಂದಿನ ಮಾದರಿಗಿಂತ ಹೆಚ್ಚು ಸಾಮಥ್ಯವನ್ನು ಹೊಂದಿದೆ ಎಂದು ಹೇಳಿದರು.

ಹೊಸ ಹೀರೋ ಸೂಪರ್ ಸ್ಪ್ಲೆಂಡರ್ ಎಕ್ಸ್‌ಸೆನ್ಸ್ ತಂತ್ರಜ್ಞಾನದೊಂದಿಗೆ ನವೀಕರಿಸಿದ 125 ಸಿಸಿ ಬಿ‍ಎಸ್-6 ಎಂಜಿನ್ ಸ್ಪೋರ್ಟಿಂಗ್ ಫ್ಯೂಯಲ್ ಇಂಜೆಕ್ಷನ್ ಅನ್ನು ಹೊಂದಿದೆ. ಈ ಎಂಜಿನ್ 7500 ಆರ್‍‍ಪಿ‍ಎಂನಲ್ಲಿ 10.73 ಬಿ‍‍ಹೆಚ್‍‍ಪಿ ಪವರ್ ಅನ್ನು ಉತ್ಪಾದಿಸುತ್ತದೆ.

ಹಿಂದಿನ ಮಾದರಿಗೆ ಉಳಿಸಿದರೆ ಹೊಸ ಎಂಜಿನ್ ಶೇ.19 ರಷ್ಟು ಹೆಚ್ಚಿನ ಪವರ್ ಅನ್ನು ಉತ್ಪಾದಿಸುತ್ತದೆ. ಬಿ‍ಎಸ್-6 ಎಂಜಿನ್ 6000 ಆರ್‍‍ಪಿ‍ಎಂನಲ್ಲಿ 10.6 ಎನ್‍ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಹಿಂದಿನ ಬೀಎಸ್-4 ಎಂಜಿನ್‍‍ನೊಂದಿಗೆ 4 ಸ್ಪೀಡ್ ಗೇರ್‍‍ಬಾಕ್ಸ್ ಅನ್ನು ಅಳವಡಿಸಲಾಗಿತ್ತು.

ಹೊಸ ಬಿಎಸ್-6 ಎಂಜಿನ್‍‍ನೊಂದಿಗೆ 5 ಸ್ಪೀಡ್ ಗೇರ್‍‍ಬಾಕ್ಸ್ ಅನ್ನು ಅಳವಡಿಸಲಾಗಿದೆ. ಹೀರೋ ಮೊಟೊಕಾರ್ಪ್ ತನ್ನ ಐ 3 ಎಸ್ ಐಡಲ್ ಸ್ಟಾರ್ಟ್-ಸ್ಟಾಪ್ ಸಿಸ್ಟಂ ಅನ್ನು ಸಹ ಈ ಬೈಕಿನಲ್ಲಿ ಅಳವಡಿಸಿದೆ.

2020ರ ಹೀರೋ ಸೂಪರ್ ಸ್ಪ್ಲೆಂಡರ್ 125 ಬಿಎಸ್-6 ವಿನ್ಯಾಸದಲ್ಲಿ ಕೆಲವು ನವೀಕರಣಗಳನ್ನು ಮಾಡಲಾಗಿದೆ. ಇದರೊಂದಿಗೆ ಹೊಸ ಬೈಕಿನಲ್ಲಿ ಡೈಮೆಂಡ್ ಫ್ರೇಮ್ ಅನ್ನು ಕೂಡ ಅಳವಡಿಸಲಾಗಿದೆ. ಹೊಸ ಬೈಕ್ 180 ಎಂಎಂ ಗ್ರೌಂಡ್ ಕ್ಲಿಯರೆನ್ಸ್ ಅನ್ನು ಹೊಂದಿದೆ. ಹಳೆ ಬಿಎಸ್-4 ಮಾದರಿಗೆ ಹೋಲಿಸದರೆ 30 ಎಂಎಂ ಹೆಚ್ಚಾಗಿದೆ. ಈ ಹೊಸ ಬೈಕಿನಲ್ಲಿ ಫ್ರೇಮ್ ಮತ್ತು ಟೆಲಿಸ್ಕೋಪಿಕ್ ಫೋರ್ಕ್‍‍ಗಳನ್ನು ಒಳಗೊಂಡಿದೆ. ಹಿಂಭಾಗದಲ್ಲಿ ಡ್ಯುಯಲ್ ಶಾಕ್ ಅಬ್ಸಾಬರ್ ಅನ್ನು ಹೊಂದಿದೆ.

ಹೊಸ ಸೂಪರ್ ಸ್ಪ್ಲೆಂಡರ್ 125 ಬೈಕಿನ 240 ಎಂಎಂ ಡಿಸ್ಕ್ ಬ್ರೇಕ್ ಮತ್ತು ಬೇಸ್ ರೂಪಾಂತರದ ಎರಡು ತುದಿಯಲ್ಲಿ 130 ಎಂಎಂ ಡ್ರಮ್ ಬ್ರೇಕ್‍‍ಗಳನ್ನು ಅಳವಡಿಸಲಾಗಿದೆ. ಈ ಹೊಸ ಬೈಕಿನಲ್ಲಿ ಕಂಬೈನ್ಡ್ ಬ್ರೇಕಿಂಗ್ ಸಿಸ್ಟಮಂ (ಸಿಬಿಎಸ್) ಅನ್ನು ಅಳವಡಿಸಲಾಗಿದೆ.

ಈ ಹೊಸ ಹೀರೋ ಸೂಪರ್ ಸ್ಪ್ಲೆಂಡರ್ ಬೈಕ್ ಹೊಸ ಗ್ರಾಫಿಕ್ಸ್ ಮತ್ತು ಕ್ರೋಮ್ ಅಂಶಗಳೊಂದಿಗೆ ಹೊಸ ಡ್ಯುಯಲ್ ಟೋನ್ ಬಣ್ಣದ ಆಯ್ಕೆಯನ್ನು ಹೊಂದಿದೆ. ಈ ಬೈಕ್ ಹೊಸ ಮೆಟಾಲಿಕ್ ನೆಕ್ಸಸ್ ಬ್ಲೂ ಬಣ್ಣದೊಂದಿಗೆ ಗ್ಲೇಜ್ ಬ್ಲ್ಯಾಕ್, ಹೆವಿ ಗ್ರೇ ಮತ್ತು ಕ್ಯಾಂಡಿ ಬ್ಲೇಜಿಂಗ್ ರೆಡ್ ಎಂಬ ಮೂರು ಬಣ್ಣಗಳ ಆಯ್ಕೆಯನ್ನು ಹೊಂದಿದೆ.