ಶುರುವಾಯ್ತು ಇಂಡಿಯನ್ ಚಾಲೆಂಜರ್ ಬೈಕ್‍‍ಗಳ ಬುಕ್ಕಿಂಗ್

ಇಂಡಿಯನ್ ಕಂಪನಿಯ ಚಾಲೆಂಜರ್ ಬೈಕ್ ಅನ್ನು ವಿಭಿನ್ನವಾಗಿ ವಿನ್ಯಾಸಗೊಳಿಸಲಾಗಿದೆ. ಈ ಬೈಕ್ ದೊಡ್ಡ ಗಾತ್ರದ ಹೆಡ್‍‍ಲೈಟ್ ಹಾಗೂ ವಿಂಡ್‍‍ಸ್ಕ್ರೀನ್ ಸಿಸ್ಟಂಗಳನ್ನು ಹೊಂದಿದೆ. ಈ ಬೈಕ್ ಎಲ್‍ಇ‍‍ಡಿ ಹೆಡ್‍‍ಲೈಟ್ ಹಾಗೂ 7.0 ಇಂಚಿನ ಟಚ್‍‍ಸ್ಕ್ರೀನ್ ಇನ್ಸ್ ಟ್ರೂಮೆಂಟ್ ಕ್ಲಸ್ಟರ್ ಹೊಂದಿದ್ದು, ಬ್ಲೂಟೂತ್ ಮೂಲಕ ಕನೆಕ್ಟ್ ಮಾಡಲಾಗುತ್ತದೆ.

ಈ ಬೈಕ್ ಮೂರು ರೀತಿಯ ಡ್ರೈವಿಂಗ್ ಮೋಡ್‍, ಕ್ರೂಸ್ ಕಂಟ್ರೋಲ್ ಸಿಸ್ಟಂ, ಕೀಲೆಸ್ ಇಗ್ನಿಷನ್ ಸಿಸ್ಟಂ, ಅಡ್ಜಸ್ಟಬಲ್ ಫೀಚರ್ಸ್ ಹೊಂದಿರುವ ವಿಂಡ್‍‍ಸ್ಕ್ರೀನ್‍‍ಗಳನ್ನು ಹೊಂದಿದೆ. ಈ ಬೈಕ್ ಎರಡು ಸ್ಯಾಡಲ್ ಬಾಕ್ಸ್ ಗಳನ್ನು ಹೊಂದಿದೆ.

ಇಂಡಿಯನ್ ಚಾಲೆಂಜರ್ ಬೈಕಿನಲ್ಲಿ 1,769 ಸಿಸಿಯ ಲಿಕ್ವಿಡ್ ಕೂಲ್ ವಿ-ಟ್ವಿನ್ ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 121 ಬಿ‍‍ಹೆಚ್‍‍ಪಿ ಪವರ್ ಹಾಗೂ 173 ಎನ್‍ಎಂ ಟಾರ್ಕ್ ಉತ್ಪಾದಿಸುತ್ತದೆ. ಈ ಬೈಕಿನ ಮುಂಭಾಗದಲ್ಲಿ 43 ಎಂಎಂನ ಇನ್ವರ್ಟೆಡ್ ಫೋರ್ಕ್ ಹಾಗೂ ಹಿಂಭಾಗದಲ್ಲಿ ಮೊನೊಶಾಕ್ ಅಬ್ಸರ್ವರ್‍‍ಗಳನ್ನು ಅಳವಡಿಸಲಾಗಿದೆ.

ಈ ಬೈಕಿನ ಮುಂಭಾಗದಲ್ಲಿ 19 ಇಂಚಿನ ಅಲಾಯ್ ವ್ಹೀಲ್ ಹಾಗೂ ಹಿಂಭಾಗದಲ್ಲಿ 16 ಇಂಚಿನ ವ್ಹೀಲ್‍‍ಗಳನ್ನು ಅಳವಡಿಸಲಾಗಿದೆ. ಇಂಡಿಯನ್ ಚಾಲೆಂಜರ್ ಬೈಕ್ ಮುಂಭಾಗದಲ್ಲಿ 320 ಎಂಎಂನ ಎರಡು ಡಿಸ್ಕ್ ಬ್ರೇಕ್ ಹಾಗೂ ಹಿಂಭಾಗದಲ್ಲಿ 298 ಎಂಎಂ ಡಿಸ್ಕ್ ಬ್ರೇಕ್ ಹೊಂದಿದೆ.

ಚಾಲೆಂಜರ್ ಬೈಕ್ ಅನ್ನು ಸ್ಟಾಂಡರ್ಡ್, ಡಾರ್ಕ್ ಹಾರ್ಸ್ ಹಾಗೂ ಲಿಮಿಟೆಡ್ ಎಂಬ ಮೂರು ಮಾದರಿಗಳಲ್ಲಿ ಮಾರಾಟ ಮಾಡಲಾಗುವುದು. ಡಾರ್ಕ್ ಹಾರ್ಸ್ ಹಾಗೂ ಲಿಮಿಟೆಡ್ ಮಾದರಿಗಳು ಇಂಡಿಯನ್ ಮೋಟಾರ್‍‍ಸೈಕಲ್ ಕಂಪನಿಯ ಸ್ಮಾರ್ಟ್ ಲೀನ್ ಟೆಕ್ನಾಲಜಿಯನ್ನು ಹೊಂದಿರಲಿವೆ.

ಈ ಟೆಕ್ನಾಲಜಿಯು ಬಾಷ್‍‍ನ ಇನ್‍‍ಹರ್ಶಿಯಲ್ ಮೇಷರ್‍‍ಮೆಂಟ್ ಯುನಿಟ್ ಬಳಸಿ, ಡೈನಾಮಿಕ್ ಟ್ರಾಕ್ಷನ್ ಕಂಟ್ರೋಲ್‍‍ಗೆ ಕಾರ್ನರಿಂಗ್ ಕಂಟ್ರೋಲ್ ಅನ್ನು ಸೇರಿಸುತ್ತದೆ. ಭಾರತದಲ್ಲಿ ಶೀಘ್ರದಲ್ಲಿಯೇ ಬಿಡುಗಡೆಯಾಗಲಿರುವ ಇಂಡಿಯನ್ ಚಾಲೆಂಜರ್ ಬೈಕಿನ ಬುಕ್ಕಿಂಗ್‍‍ಗಳನ್ನು ಆರಂಭಿಸಲಾಗಿದೆ.

ಬಿಡುಗಡೆಯಾದ ನಂತರ ಇಂಡಿಯನ್ ಚಾಲೆಂಜರ್ ಬೈಕ್ ಹಾರ್ಲೆ ಡೇವಿಡ್‍‍ಸನ್ ಕಂಪನಿಯ ಸಿ‍‍ವಿ‍ಒ ಬೈಕುಗಳಿಗೆ ಪೈಪೋಟಿ ನೀಡಲಿದೆ. ಭಾರತದಲ್ಲಿ ಹಾರ್ಲೆ ಡೇವಿಡ್‍‍ಸನ್ ಸಿವಿ‍ಒ ಬೈಕಿನ ಬೆಲೆಯು ಎಕ್ಸ್ ಶೋರೂಂ ದರದಂತೆ ರೂ.49.99 ಲಕ್ಷಗಳಾಗಿದೆ.