ಮನೆ ಬಾಗಿಲಲ್ಲೇ ಸರ್ವೀಸ್ ನೀಡಲಿದೆ ರಾಯಲ್ ಎನ್‌ಫೀಲ್ಡ್ ಕಂಪನಿ

ಕಂಪನಿಯು ಈ ಯೋಜನೆಯನ್ನು ಮತ್ತಷ್ಟು ವಿಸ್ತರಿಸಿದೆ. ಈ ಸೇವೆಯನ್ನು ನೀಡಲು ರಾಯಲ್ ಎನ್‌ಫೀಲ್ಡ್ ಕಂಪನಿಯು 800 ರಾಯಲ್ ಎನ್‌ಫೀಲ್ಡ್ ಬೈಕ್‌ಗಳನ್ನು ನಿಯೋಜಿಸಿದೆ. ಸರ್ವೀಸ್ ಆನ್ ವ್ಹೀಲ್ಸ್ ಯೋಜನೆಯಡಿಯಲ್ಲಿ ಈ ಬೈಕ್‌ಗಳನ್ನು ವಿನ್ಯಾಸಗೊಳಿಸಿದ್ದು ಅವುಗಳಲ್ಲಿ ಅಗತ್ಯವಿರುವ ಸಾಧನಗಳನ್ನು ಅಳವಡಿಸಲಾಗಿದೆ.

ಈ ಬೈಕ್‌ನಲ್ಲಿ ಸರ್ವೀಸ್ ಮಾಡಲು ಬೇಕಾದ ಟೂಲ್ ಗಳಿದ್ದು, 80%ವರೆಗೆ ಸರ್ವೀಸ್ ನೀಡಲಾಗುವುದು. ಈ ಟೂಲ್ ಗಳ ಮೂಲಕ ಗ್ರಾಹಕರ ಮನೆಯಲ್ಲಿಯೇ ಸರ್ವೀಸ್ ಮಾಡಲಾಗುವುದು. ರಾಯಲ್ ಎನ್‌ಫೀಲ್ಡ್ ಕಂಪನಿಯು ಈ ಯೋಜನೆಯಡಿ ಹಲವಾರು ಸೇವೆಗಳನ್ನು ನೀಡುತ್ತಿದೆ.

MOST READ:ಒಂದು ವರ್ಷದಿಂದ ಚಲಿಸಿದರೂ ಇನ್ನೂ ಗುರಿ ಮುಟ್ಟದ ಟ್ರಕ್

ಈ ಸೇವೆಗಳಲ್ಲಿ ನಿಗದಿತ ಮೆಂಟೆನೆನ್ಸ್, ಸಣ್ಣ ಪುಟ್ಟ ರಿಪೇರಿ,ಬಿಡಿಭಾಗಗಳ ಬದಲಾವಣೆ, ಎಲೆಕ್ಟ್ರಿಕ್ ಡಯಾಗ್ನಾಸಿಸ್ ಗಳು ಸೇರಿವೆ. ರಾಯಲ್ ಎನ್‌ಫೀಲ್ಡ್ ಕಂಪನಿಯು ತನ್ನ ಗ್ರಾಹಕರಿಗೆ ಗುಣಮಟ್ಟದ ಸೇವೆಯನ್ನು ನೀಡುವುದಾಗಿ ಹೇಳಿದೆ.

ಸರ್ವೀಸ್ ಆನ್ ವ್ಹೀಲ್ ನಲ್ಲಿ ತರಬೇತಿ ಪಡೆದ ಹಾಗೂ ಕಂಪನಿಯ ಅಧಿಕೃತ ಸೇವಾ ತಂತ್ರಜ್ಞರಿರುತ್ತಾರೆ. ಇವರು ತಮ್ಮ ಜೊತೆಗೆ ಲೂಬ್ರಿಕಂಟ್ ಹಾಗೂ ಬಿಡಿಭಾಗಗಳನ್ನು ಹೊಂದಿರುತ್ತಾರೆ. ಕಂಪನಿಯು ಇವುಗಳಿಗೆ 12 ತಿಂಗಳ ವಾರಂಟಿ ನೀಡಲಿದೆ.

MOSTREAD: ಟೊಯೊಟಾ ಇನೋವಾ ಕ್ರಿಸ್ಟಾ ಕಾರಿನ ರೂಫ್ ಸೀಳಿದ ಬಂಡೆ

ಸರ್ವೀಸ್ ಆನ್ ವ್ಹೀಲ್ ಗಾಗಿ ಗ್ರಾಹಕರು ತಮ್ಮ ಹತ್ತಿರದ ಡೀಲರ್ ಗಳಲ್ಲಿ ಅಪಾಯಿಂಟ್ ಮೆಂಟ್ ಪಡೆಯಬೇಕಾಗುತ್ತದೆ. ರಾಯಲ್ ಎನ್‌ಫೀಲ್ಡ್ ಕಂಪನಿಯು ತನ್ನ ಕ್ಲಾಸಿಕ್ 350 ಬೈಕ್ ಗಳಿಗಾಗಿ ಆಫ್ಟರ್ ಮಾರ್ಕೆಟ್ ಸೈಲೆನ್ಸರ್‌ಗಳನ್ನು ಬಿಡುಗಡೆಗೊಳಿಸಿದೆ. ಕಂಪನಿಯು ಈ ವಿಷಯವನ್ನು ತನ್ನ ಅಧಿಕೃತ ವೆಬ್‌ಸೈಟ್‌ನಲ್ಲಿ ಪ್ರಕಟಿಸಿದೆ.

ರಾಯಲ್ ಎನ್‌ಫೀಲ್ಡ್ ಕ್ಲಾಸಿಕ್ 350 ಬೈಕಿಗಾಗಿ ಒಟ್ಟು 16 ಸೈಲೆನ್ಸರ್‌ಗಳನ್ನು ಬಿಡುಗಡೆಗೊಳಿಸಲಾಗಿದೆ. ಇವುಗಳ ಆರಂಭಿಕ ಬೆಲೆ ರೂ.3,300ಗಳಾಗಿದೆ. ಕಂಪನಿಯ ಅತ್ಯಂತ ದುಬಾರಿ ಬೆಲೆಯ ಸೈಲೆನ್ಸರ್ ದರ ರೂ.3,600ಗಳಾಗಿದೆ.