ಭಾರತದಲ್ಲಿ ಹೊಸ ಟ್ರೇಡ್‌ಮಾರ್ಕ್ ನೋಂದಾಯಿಸಿದ ಯಮಹಾ

ಎಫ್‍‍ಝಡ್-ಎಕ್ಸ್ ಹೆಸರಿನ ನೋಂದಾಯಿತ ಹೊಸ ಬೈಕಿನ ಬಗ್ಗೆ ಯಮಹಾ ಕಂಪನಿಯು ಯಾವುದೇ ಮಾಹಿತಿಯನ್ನು ಬಹಿರಂಗಪಡಿಸಲಿಲ್ಲ. ಹೊಸ ಯಮಹಾ ಬೈಕ್ ಅಡ್ವೆಂಚರ್ ಟೂರಿಂಗ್ ಮಾದರಿಯಾಗಿರಬಹುದು ಎಂದು ನಿರೀಕ್ಷಿಸುತ್ತೇವೆ. ಎಫ್‍‍ಝಡ್-ಎಕ್ಸ್ ಅಡ್ವೆಂಚರ್-ಟೂರರ್ ಮಾದರಿಯಾಗಿದ್ದರೆ, ಇದು ಹಲವಾರು ಬದಲಾವಣೆಗಳನ್ನು ಒಳಗೊಂಡಿರಬಹುದು. ಅದು ಹೆಚ್ಚಾಗಿ ಕಾಸ್ಮೆಟಿಕ್ ನವೀಕರಣಗಳಿಗೆ ಸೀಮಿತವಾಗಿರುತ್ತದೆ.

ಹೊಸ ಯಮಹಾ ಎಫ್‍‍ಝಡ್-ಎಕ್ಸ್ ಬೈಕ್ ಬೀಕ್ ಮಡ್‌ಗಾರ್ಡ್, ಉದ್ದದ ಹ್ಯಾಂಡಲ್‌ಬಾರ್‌ಗಳು, ನಕಲ್ ಗಾರ್ಡ್ ಮತ್ತು ಹೆಚ್ಚಿನದನ್ನು ಒಳಗೊಂಡಿರುತ್ತದೆ. ಈ ಹೊಸ ಅಡ್ವೆಂಚರ್-ಟೂರರ್ ಬೈಕಿನಲ್ಲಿ ಡ್ಯುಯಲ್-ಟೆರೈನ್ ಟಯರ್ ಗಳನ್ನು ನೀಡಬಹುದು.

MOST READ: ದುಬಾರಿಯಾಯ್ತು ಜನಪ್ರಿಯ ಬಿಎಸ್-6 ಯಮಹಾ ಎಂಟಿ-15 ಬೈಕ್

ಇನ್ನು ಉಳಿದಂತೆ ಸ್ಟ್ಯಾಂಡರ್ಡ್ ಎಫ್‍‍ಝಡ್ ಮಾದರಿಯಂತೆ ಇರಬಹುದು. ಇದರಲ್ಲಿ ಎಂಜಿನ್, ಸಸ್ಪೆಂಕ್ಷನ್, ಬ್ರೇಕಿಂಗ್ ಮತ್ತು ಇತರ ಮ್ಯಾಕನಿಕಲ್ ಅಂಶಗಳು ಒಂದೇ ರೀತಿಯಲ್ಲಿರುತ್ತದೆ.

ಯಮಹಾ ಸ್ಟ್ಯಾಂಡರ್ಡ್ ಎಫ್‍‍ಝಡ್ ಬೈಕಿನಲ್ಲಿ 149 ಸಿಸಿ ಸಿಂಗಲ್ ಸಿಲಿಂಡರ್ ಎಂಜಿನ್‍ ಅನ್ನು ಹೊಂದಿದೆ. ಈ ಎಂಜಿನ್ 7,250 ಆರ್‍‍ಪಿಎಂನಲ್ಲಿ 12.2 ಬಿ‍ಎಚ್‍ಪಿ ಪವರ್ ಮತ್ತು 5,500 ಆರ್‍‍ಪಿಎಂನಲ್ಲಿ 13.6 ಎನ್‍ಎಂ ಟಾರ್ಕ್ ಉತ್ಪಾದಿಸುತ್ತದೆ. ಈ ಎಂಜಿನ್‍‍ಗಳೊಂದಿಗೆ 5 ಸ್ಪೀಡ್ ಗೇರ್‍‍ಬಾಕ್ಸ್ ಅನ್ನು ಅಳವಡಿಸಲಾಗಿದೆ.

MOST READ: ಹೊಸ ಬಣ್ಣದ ಆಯ್ಕೆಯನ್ನು ಪಡೆದುಕೊಂಡ 2021ರ ಕವಾಸಕಿ ನಿಂಜಾ 1000 ಎಸ್‌ಎಕ್ಸ್ ಬೈಕ್

ಯಮಹಾ ಎಫ್‍‍ಝಡ್ ಬೈಕಿನಲ್ಲಿ ಎಲ್‍ಇಡಿ ಟೇಲ್ ಲೈಟ್‍, ಎಲ್‍ಇಡಿ ಹೆಡ್‍ಲ್ಯಾಂಪ್, ಎಲ್‍‍ಸಿಡಿ ಇನ್ಸ್ ಟ್ರೂಮೆಂಟ್ ಕನ್ಸೋಲ್ ಮತ್ತು ಸಿಂಗಲ್ ಪೀಸ್ ಸ್ಪ್ಲಿಟ್ ಸೀಟ್ ಅನ್ನು ಹೊಂದಿದೆ. ಯಮಹಾ ಎಫ್‍‍ಜೆಡ್-ಎಸ್ ಮತ್ತಷ್ಟು ಕ್ರೋಮ್‍ ಹೈಲೈಟ್ಸ್ ಮತ್ತು ಹೆಚ್ಚುವರಿ ಬಾಡಿ ಪ್ಯಾನೆಲ್ ಅನ್ನು ಹೊಂದಿದೆ.

ಇನ್ನು ಈ ಯಮಹಾ ಎಫ್‍‍ಝಡ್ ಬೈಕಿನ ಸಸ್ಪೆಂಕ್ಷನ್ ಸೆಟಪ್ ಬಗ್ಗೆ ಹೇಳುವುದಾದರೆ, ಮುಂಭಾಗದಲ್ಲಿ ಟಿ‍‍ಲಿ‍ಸ್ಕೋಪಿಕ್ ಫೋರ್ಕ್ ಮತ್ತು ಹಿಂಭಾಗದಲ್ಲಿ ಮೊನೊ ಶಾಕ್ ಸಸ್ಪೆಂಕ್ಷನ್ ಸೆಟಪ್ ಅನ್ನು ಅಳವಡಿಸಲಾಗಿದೆ.

MOST READ: ಬಿಡುಗಡೆಯಾಯ್ತು ಹೊಸ ಟ್ರಯಂಫ್ ಬೊನೊವೆಲ್ಲಿ ಸ್ಪೀಡ್‍‍ಮಾಸ್ಟರ್ ಬೈಕ್

ಇನ್ನು ಈ ಎಫ್‍‍ಝಡ್ ಬೈಕಿನ ಬ್ರೇಕಿಂಗ್ ಸಿಸ್ಟಂ ಬಗ್ಗೆ ಹೇಳುವುದಾದರೆ, ಮುಂಭಾಗದಲ್ಲಿ ಮತ್ತು ಹಿಂಭಾಗದಲ್ಲಿ ಡಿಸ್ಕ್ ಬ್ರೇಕ್ ಅನ್ನು ಅಳವಡಿಸಿದ್ದಾರೆ. ಇದರೊಂದಿಗೆ ಸ್ಟ್ಯಾಂಡರ್ಡ್ ಸಿಂಗಲ್ ಚಾನೆಲ್ ಎ‍ಬಿಎಸ್ ಅನ್ನು ಕೂಡ ನೀಡಲಾಗಿದೆ.

ಹೊಸ ಯಮಹಾ ಎಫ್‍‍ಝಡ್-ಎಕ್ಸ್ ಮಾದರಿಯು ಅಡ್ವೆಂಚರ್ ಟೂರರ್ ಆಗಿರಬಹುದು ನಿರೀಕ್ಷಿಸುತ್ತೇವೆ. ದೇಶದಲ್ಲಿ ಕೈಗೆಟುಕುವ ಅಡ್ವೆಂಚರ್ ಬೈಕುಗಳಿಗೆ ಹೆಚ್ಚುತ್ತಿರುವ ಬೇಡಿಕೆಯಿಂದಾಗಿ,ಯಮಹಾ ಕಂಪನಿಯು ಹೊಸ ಅಡ್ವೆಂಚರ್ ಟೂರರ್ ಬೈಕನ್ನು ಬಿಡುಗಡೆಗೊಳಿಸಬಹುದು ಎಂದು ನಿರೀಕ್ಷಿಸುತ್ತೇವೆ.