ಪಲ್ಸರ್ ಬೈಕ್‌ಗಳಿಗಾಗಿ ಡೆಗರ್ ಎಡ್ಜ್ ಎಡಿಷನ್ ಬಿಡುಗಡೆಗೊಳಿಸಿದ ಬಜಾಜ್ ಆಟೋ

ಇದೀಗ ಬಜಾಜ್ ಆಟೋ ಕಂಪನಿಯು ತನ್ನ ಪಲ್ಸರ್ 150, ಪಲ್ಸರ್ 180 ಮತ್ತು ಪಲ್ಸರ್ 220ಎಫ್ ಬೈಕ್‌ಗಳಿಗಾಗಿ ಹೊಸ ಡೆಗರ್ ಎಡಿಷನ್ ಅನ್ನು ಬಿಡುಗಡೆಗೊಳಿಸಿದೆ. ಈ ಡೆಗರ್ ಎಡಿಷನ್ ಮಾದರಿಗಳು ಹೊಸ ಬಣ್ಣಗಳ ಆಯ್ಕೆ ಮತ್ತು ಗ್ರಾಫಿಕ್ ಗಳನ್ನು ಪಡೆದುಕೊಂಡಿದೆ. ಅಲ್ಲದೇ ಈ ಮಾದರಿಗಳು ಬಜಾಜ್ ಆಟೋ ಕಂಪನಿಗೆ ಮಾರಾಟವನ್ನು ಹೆಚ್ಚಿಸಲು ನೆರವಾಗುತ್ತದೆ. ಈ ಹೊಸ ಡೆಗರ್ ಎಡಿಷನ್ ಮಾದರಿಗಳು ಹೆಚ್ಚಾಗಿ ಯುವಗ್ರಾಹಕರನ್ನು ಸೆಳೆಯುತ್ತದೆ.

ಬಜಾಜ್ ಪಲ್ಸರ್ 150 ಡೆಗರ್ ಎಡ್ಜ್ ಎಡಿಷನ್

ಈ ಬಜಾಜ್ ಪಲ್ಸರ್ 150 ಡೆಗರ್ ಎಡಿಷನ್ ಮಾದರಿಯು ಪರ್ಲ್ ವೈಟ್ ಮತ್ತು ಸ್ಯಾಫೈರ್ ಬ್ಲೂ. ಪರ್ಲ್ ವೈಟ್ ಬಣ್ಣವನ್ನು ರೆಡ್ ಮುಖ್ಯಾಂಶಗಳೊಂದಿಗೆ ನೀಡಲಾಗುತ್ತದೆ, ಇದು ಮಡ್‌ಗಾರ್ಡ್ ಮತ್ತು ರಿಮ್ಸ್‌ನಲ್ಲಿ ಲಭ್ಯವಿದೆ. ರೆಡ್-ಬ್ಲ್ಯಾಕ್ ಗ್ರಾಫಿಕ್ಸ್ ಅನ್ನು ಇಂಧನ ಟ್ಯಾಂಕ್ ಮತ್ತು ಬೆಲ್ಲಿ ಪ್ಯಾನ್‌ನಲ್ಲಿ ಕಾಣಬಹುದು.

MOST READ: ಹೊಸ ಹೀರೋ ಎಕ್ಸ್‌ಟ್ರಿಮ್ 160ಆರ್ 100 ಮಿಲಿಯನ್ ಎಡಿಷನ್ ಬಿಡುಗಡೆ

ಇನ್ನು ಸಫೈರ್ ಬ್ಲೂ ಬಣ್ಣವು ಮಡ್‌ಗಾರ್ಡ್ ಮತ್ತು ರಿಮ್ಸ್‌ನಲ್ಲಿ ವೈಟ್ ಬಣ್ಣದ ಮುಖ್ಯಾಂಶಗಳೊಂದಿಗೆ ಬರುತ್ತದೆ. ಇನ್ನು ಈ ಬೈಕಿನ ಮೇಲೆ ಬ್ಲ್ಯಾಕ್ ಗ್ರಾಫಿಕ್ಸ್ ಅನ್ನು ನೀಡಿದೆ. ಈ ಪಲ್ಸರ್ 150 ಬೈಕಿನ ಬೆಲೆಯು ರೂ.1,01,818 ಗಳಾದರೆ ಪಲ್ಸರ್ 150 ಟ್ವಿನ್-ಡಿಸ್ಕ್ ಮಾದರಿಯ ಬೆಲೆಯು ರೂ.1,01,818 ಗಳಾಗಿದೆ.

ಈ ಬೈಕಿನಲ್ಲಿ 149.5 ಸಿಸಿ ಫೋರ್-ಸ್ಟ್ರೋಕ್ ಎಂಜಿನ್ ಅನ್ನು ಅಳವಡಿಸಲಾಗಿದೆ. ಈ ಎಂಜಿನ್ 8,500 ಆರ್‌ಪಿಎಂನಲ್ಲಿ 13.8 ಬಿಹೆಚ್‍ಪಿ ಪವರ್ ಮತ್ತು 6,500 ಆರ್‌ಪಿಎಂನಲ್ಲಿ 13.5 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ.

MOST READ: ಬಿಡುಗಡೆಯಾಯ್ತು ಹೊಸ ಟ್ರಯಂಫ್ ಬೊನೊವೆಲ್ಲಿ ಸ್ಪೀಡ್‍‍ಮಾಸ್ಟರ್ ಬೈಕ್

ಬಜಾಜ್ ಪಲ್ಸರ್ 180 ಡೆಗರ್ ಎಡ್ಜ್ ಎಡಿಷನ್

ಈ ರೂಪಾಂತರವು ಹೊಸ ಹೆಚ್ಚುವರಿ ವಾಲ್ಕನೊ ರೆಡ್ ಮತ್ತು ಸ್ಪಾರ್ಕಲ್ ಬ್ಲ್ಯಾಕ್ ಬಣ್ಣಗಳೊಂದಿಗೆ ಪಲ್ಸರ್ 150 ನಲ್ಲಿ ನೀಡಲಾಗುವ ಪರ್ಲ್ ವೈಟ್ ಬಣ್ಣವನ್ನು ಹೊಂದಿದೆ. ವಾಲ್ಕನೊ ರೆಡ್ ಬಣ್ಣವು ವೈಟ್-ಬ್ಲ್ಯಾಕ್ ಗ್ರಾಫಿಕ್ಸ್‌ನೊಂದಿಗೆ ಬರುತ್ತದೆ, ಆದರೆ ಸ್ಪಾರ್ಕಲ್ ಬ್ಲ್ಯಾಕ್ ಬಣ್ಣವು ರೆಡ್ ಗ್ರಾಫಿಕ್ಸ್ ಮತ್ತು ಮುಖ್ಯಾಂಶಗಳನ್ನು ಪಡೆಯುತ್ತದೆ.

ಇನ್ನು ಪಲ್ಸರ್ 180 ಡೆಗರ್ ಎಡಿಷನ್ ನಲ್ಲಿ 178.6 ಸಿಸಿ ಎಂಜಿನ್‌ ಅನ್ನು ಅಳವಡಿಸಲಾಗಿದೆ. ಈ ಎಂಜಿನ್ 8,500 ಆರ್‌ಪಿಎಂನಲ್ಲಿ 16.8 ಬಿಹೆಚ್‌ಪಿ ಮತ್ತು 6,500 ಆರ್‌ಪಿಎಂನಲ್ಲಿ 14.52 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಬಜಾಜ್ ಪಲ್ಸರ್ 180 ಡೆಗರ್ ಎಡ್ಜ್ ಎಡಿಷನ್ ಬೆಲೆಯು ರೂ,1,09,651 ಆಗಿದೆ.

MOST READ: ಯೂನಿಕಾರ್ನ್ ಬೈಕಿನ ಬೆಲೆ ಹೆಚ್ಚಿಸಿದ ಹೋಂಡಾ ಮೋಟಾರ್‌ಸೈಕಲ್

ಪಲ್ಸರ್ 220ಎಫ್ ಡೆಗರ್ ಎಡ್ಜ್ ಎಡಿಷನ್

ಈ ಪಲ್ಸರ್ 220ಎಫ್ ಡೆಗರ್ ಎಡಿಷನ್ ರೂಪಾಂತರವು ಪರ್ಲ್ ವೈಟ್, ಸ್ಯಾಫೈರ್ ಬ್ಲೂ, ವಾಲ್ಕೆನೊ ರೆಡ್ ಮತ್ತು ಸ್ಪಾರ್ಕಲ್ ಬ್ಲ್ಯಾಕ್ ಎಂಬ 4 ಹೊಸ ಬಣ್ಣ ಆಯ್ಕೆಗಳಲ್ಲಿ ಲಭ್ಯವಿದೆ. ಇದರೊಂದಿಗೆ ಆಕರ್ಷಕ ಗ್ರಾಫಿಕ್ಸ್ ಅನ್ನು ಹೊಂದಿದೆ.

ಇನ್ನು ಈ ಡೆಗರ್ ಎಡಿಷನ್ ಮಾದರಿಯಲ್ಲಿ 220 ಸಿಸಿ ಎಂಜಿನ್ ಅನ್ನು ಅಳವಡಿಸಲಾಗಿದೆ. ಈ ಎಂಜಿನ್ 8,500 ಆರ್‌ಪಿಎಂನಲ್ಲಿ 20.1 ಬಿಹೆಚ್‍ಪಿ ಪವರ್ ಮತ್ತು 7,000 ಆರ್‌ಪಿಎಂನಲ್ಲಿ 18.55 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಪಲ್ಸರ್ 220ಎಫ್ ಡೆಗರ್ ಎಡ್ಜ್ ಎಡಿಷನ್ ಬೆಲೆಯು ರೂ.1,28,250 ಆಗಿದೆ.