ಆಕರ್ಷಕ ವಿನ್ಯಾಸದಲ್ಲಿ ಅನಾವರಣಗೊಂಡ ಸಿಎಫ್‌ಮೋಟೋ 250ಎಸ್‌ಆರ್ ರೇಸ್ ಎಡಿಷನ್

ಹೊಸ ಸಿಎಫ್‌ಮೋಟೋ 250ಎಸ್‌ಆರ್ ರೇಸ್ ಎಡಿಷನ್ ಕಿತ್ತಳೆ ಮತ್ತು ನೀಲಿ ಬಣ್ಣಗಳ ಹೊಂದಾಣಿಕೆಯ ಸಂಯೋಜನೆಯನ್ನು ಹೊಂದಿದೆ. ಸಿಎಫ್‌ಮೋಟೋ ಕಂಪನಿಯು 250ಎಸ್‌ಆರ್ ಬೈಕನ್ನು ಭಾರತಕ್ಕೆ ತರಲು ಯೋಜಿಸಿದರೆ, ಈ ಬೈಕ್ ಕೆಟಿಎಂ ಆರ್‌ಸಿ200 ಮಾದರಿಗೆ ನೇರ ಪೈಪೋಟಿಯನ್ನು ನೀಡುತ್ತದೆ. ಆದರೆ ಈ 250ಎಸ್‌ಆರ್ ಬೈಕನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸುವುದರ ಬಗ್ಗೆ ಸಿಎಫ್‌ಮೋಟೋ ಯಾವುದೇ ಮಾಹಿತಿಗಳನ್ನು ಬಹಿರಂಗಪಡಿಸಿಲ್ಲ.

ಹೊಸ ಸಿಎಫ್‌ಮೋಟೋ 250ಎಸ್‌ಆರ್ ರೇಸ್ ಎಡಿಷನ್ ಅಗ್ರೇಸಿವ್ ವಿನ್ಯಾಸವನ್ನು ಹೊಂದಿದೆ. ಈ ಬೈಕಿನಲ್ಲಿ ಟ್ವಿನ್-ಪಾಡ್ ಎಲ್ಇಡಿ ಫ್ರಂಟ್ ಹೆಡ್ ಲ್ಯಾಂಪ್ ಅನ್ನು ಎಲ್ಇಡಿ ಡಿಆರ್ಎಲ್ ಗಳನ್ನು ಹೊಂದಿದೆ.

ಈ ಬೈಕಿನಲ್ಲಿ ಮಸ್ಕಲರ್ ಫ್ಯೂಯಲ್ ಟ್ಯಾಂಕ್ ಮತ್ತು ಟೈಲ್ ವಿಭಾಗವನ್ನು ಚೆನ್ನಾಗಿ ಸಂಯೋಜಿಸುತ್ತದೆ. ಇದಲ್ಲದೆ, ಡೈನಾಮಿಕ್ ಆರೇಂಜ್ ಮತ್ತು ಬ್ಲೂ ಬಣ್ಣವು ಅದನ್ನು ಸಾಕಷ್ಟು ಆಕರ್ಷಕವಾಗಿ ಕಾಣುವಂತೆ ಮಾಡಿದೆ.

ಇನ್ನು ಈ ರೇಸ್ ಎಡಿಷನ್ ಬೈಕಿನಲ್ಲಿ ಬ್ಲೂಟೂತ್ ಕನೆಕ್ಟಿವಿಟಿಯನ್ನು ಹೊಂದಿರುವ ಕಲರ್ ಟಿಎಫ್‌ಟಿ ಡಿಸ್ ಪ್ಲೇಯನ್ನು ನೀಡಲಾಗಿದೆ. ಇನ್ನು ಈ ಬೈಕಿನಲ್ಲಿ ಹಲವು ಅತ್ಯಾಧುನಿಕ ಫೀಚರ್ಸ್ ಅನ್ನು ಹೊಂದಿದೆ.

ಹೊಸ ಸಿಎಫ್‌ಮೋಟೋ 250ಎಸ್‌ಆರ್ ರೇಸ್ ಎಡಿಷನ್ 249.2 ಸಿಸಿ, ಸಿಂಗಲ್ ಸಿಲಿಂಡರ್, ಲಿಕ್ವಿಡ್-ಕೂಲ್ಡ್ ಎಂಜಿನ್ ಅನ್ನು ಅಳವಡಿಸಲಾಗಿದೆ. ಈ ಎಂಜಿನ್ 9,750 ಆರ್‌ಪಿಎಂನಲ್ಲಿ 27.5 ಬಿಹೆಚ್‌ಪಿ ಪವರ್ ಮತ್ತು 7,500 ಆರ್‌ಪಿಎಂನಲ್ಲಿ 22 ಎನ್ಎಂ ಪೀಕ್ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಈ ಎಂಜಿನ್ ಅನ್ನು 6-ಸ್ಪೀಡ್ ಗೇರ್ ಬಾಕ್ಸ್ ನೊಂದಿಗೆ ಜೋಡಿಸಲಾಗಿದೆ.

ಈ ರೇಸ್ ಎಡಿಷನ್ ಸಸ್ಪೆಂಕ್ಷನ್ ಸೆಟಪ್ ಬಗ್ಗೆ ಹೇಳುವುದಾದರೆ, ಇದರಲ್ಲಿ ಮುಂಭಾಗದಲ್ಲಿ ಗೋಲ್ಡನ್ 37 ಎಂಎಂ ಉಲ್ಟಾ-ಡೌನ್ ಫೋರ್ಕ್ ಮತ್ತು ಹಿಂಭಾಗದ ಮೊನೊ-ಶಾಕ್ ಸೆಟಪ್ ಆಗಿದೆ. ಇದು ಡ್ಯಾಂಪಿಂಗ್ ಕೆವೈಬಿ ಮೂಲದ ಸಸ್ಪೆಂಕ್ಷನ್ ಸೆಟಪ್ ಆಗಿದೆ.

ಇನ್ನು ಬ್ರೇಕಿಂಗ್ ಸಿಸ್ಟಂ ಬಗ್ಗೆ ಹೇಳುವುದಾದರೆ, ಇದರ ಮುಂಭಾಗದಲ್ಲಿ 292 ಎಂಎಂ ಸಿಂಗಲ್ ಡಿಸ್ಕ್ ಮತ್ತು ಹಿಂಭಾಗದಲ್ಲಿ 220 ಎಂಎಂ ಸಿಂಗಲ್ ಡಿಸ್ಕ್ ಬ್ರೇಕ್ ಅನ್ನು ಹೊಂದಿದೆ. ಈ ರೇಸ್ ಎಡಿಷನ್ ಉತ್ತಮ ಬ್ರೇಕಿಂಗ್ ಸಿಸ್ಟಂ ಅನ್ನು ಹೊಂದಿದೆ.

ಹೊಸ ಸಿಎಫ್‌ಮೋಟೋ 250ಎಸ್‌ಆರ್ ರೇಸ್ ಎಡಿಷನ್ ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗುವ ಸಾಧ್ಯತೆಗಳು ಕಡಿಮೆ ಆದರೆ ಸಿಎಫ್‌ಮೋಟೋ ದೊಡ್ಡದಾದ 300ಎಸ್‌ಆರ್‌ ಬೈಕನ್ನು ಭಾರತದಲ್ಲಿ ಬಿಡುಗಡೆಯಾಗಲಿದೆ ಎಂದು ಹೇಳಲಾಗುತ್ತಿದೆ.