ಆಕರ್ಷಕ ವಿನ್ಯಾಸದಲ್ಲಿ ಅನಾವರಣಗೊಂಡ CFMoto 250cc ನಿಯೋ ರೆಟ್ರೋ ಬೈಕ್

ಚೀನೀ ವಾಹನ ತಯಾರಕರು ಮೊದಲು ತನ್ನ ಹೊಸ ಸಿಎಫ್‌ಮೋಟೋ 250 ಸಿಎಲ್-ಎಕ್ಸ್ ಬೈಕ್ ಅನ್ನು ತವರು ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಲಿದೆ. ನಂತರ ಇತರ ಅಂತರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ಈ ರೆಟ್ರೋ ಬೈಕ್ ಬಿಡುಗಡೆಯಾಗಲಿದೆ. ಈ ನಿಯೋ-ರೆಟ್ರೊ ಬೈಕ್ ತನ್ನ ಹಿರಿಯ ಸಹೋದರರಿಂದ ವಿನ್ಯಾಸದ ಅಂಶಗಳನ್ನು ಪಡೆದುಕೊಂಡಿದೆ ಮತ್ತು ಆಕರ್ಷಕ ಲುಕ್ ಮತ್ತು ಅತ್ಯುತ್ತಮ ಕಾರ್ಯಕ್ಷಮತೆಯ ವಿಶಿಷ್ಟ ಸಂಯೋಜನೆಯನ್ನು ನೀಡುತ್ತದೆ.

250 ಸಿಎಲ್-ಎಕ್ಸ್ ಅನ್ನು 700 ಸಿಎಲ್-ಎಕ್ಸ್ ಮಾದರಿಯಂತೆ ಹೆಚ್ಚು ಎಂಟ್ರಿ ಲೆವೆಲ್ ಆವೃತ್ತಿಯಾಗಿ ಪರಿಗಣಿಸಲಾಗುತ್ತಿದೆ. ಎಂಟ್ರಿ ಲೆವೆಲ್ ಕಾರ್ಯಕ್ಷಮತೆಯ ಬೈಕ್ ದೊಡ್ಡ ಮತ್ತು ಹೆಚ್ಚು ಪ್ರೀಮಿಯಂ 700 ಸಿಎಲ್-ಎಕ್ಸ್ ಬೈಕಿನಲ್ಲಿ ಕಂಡುಬರುವ ಹೊಸ-ರೆಟ್ರೊ ವಿನ್ಯಾಸದ ಥೀಮ್‌ನೊಂದಿಗೆ ಮುಂದುವರಿಯುತ್ತದೆ.

ಈ ಬೈಕ್ ದೊಡ್ಡ ಎಲ್ಇಡಿ ಡಿಆರ್ಎಲ್ ಜೊತೆಗೆ ಸುತ್ತಿನ ಎಲ್ಇಡಿ ಹೆಡ್ ಲ್ಯಾಂಪ್ ಅನ್ನು ಒಳಗೊಂಡಿರುವ ತೀಕ್ಷ್ಣವಾಗಿ ಕಾಣುವ ಮುಂಭಾಗವನ್ನು ಹೊಂದಿದೆ. ಇದು ಮಸ್ಕಲರ್ ಮತ್ತು ಚಿಸೆಲ್ಡ್ ಇಂಧನ ಟ್ಯಾಂಕ್ ಮತ್ತು ವೃತ್ತಾಕಾರದ ರಿಯರ್‌ವ್ಯೂ ಮಿರರ್‌ಗಳನ್ನು ಸಹ ಹೊಂದಿದೆ, ಇದು ಅದರ ರೆಟ್ರೊ ಆಕರ್ಷಣೆಯನ್ನು ಒತ್ತಿಹೇಳುತ್ತದೆ.

ಇತರ ಗಮನಾರ್ಹ ಸ್ಟೈಲಿಂಗ್ ಮುಖ್ಯಾಂಶಗಳು, ಈ ಮಾದರಿಯೊಂದಿಗೆ ಸಿಂಗಲ್-ಪೀಸ್ ಸ್ಟೆಪ್-ಅಪ್ ಸೀಟ್, ಸೈಡ್-ಮೌಂಟೆಡ್ ಎಕ್ಸಾಸ್ಟ್, ಎಕ್ಸ್-ಆಕಾರದ ಎಲ್ಇಡಿ ಟೈಲ್ಯಾಂಪ್ ಮತ್ತು ಹಿಂಭಾಗದ ಟೈರ್ ಹಗ್ಗರ್ ಅನ್ನು ಒಳಗೊಂಡಿವೆ. 250 ಸಿಎಲ್-ಎಕ್ಸ್ ರೈಡ್‌ಗಳು 17-ಇಂಚಿನ ಮಲ್ಟಿ-ಸ್ಪೋಕ್ ಅಲಾಯ್ ವ್ಹೀಲ್ ಗಳು ಬ್ಲ್ಯಾಕ್ ಬಣ್ಣದಲ್ಲಿದೆ.

ಈ ನೇಕೆಡ್ ಸ್ಟ್ರೀಟ್‌ಫೈಟರ್ ಸಂಪೂರ್ಣ ಡಿಜಿಟಲ್ ಎಲ್‌ಸಿಡಿ ಇನ್ಸ್ ಟ್ರೂಮೆಂಟ್ ಸ್ಟರ್ ಮತ್ತು ಆಲ್-ಎಲ್‌ಇಡಿ ಲೈಟಿಂಗ್ ಸೆಟಪ್‌ನಂತಹ ವೈಶಿಷ್ಟ್ಯಗಳೊಂದಿಗೆ ಸುಸಜ್ಜಿತ ಪ್ಯಾಕೇಜ್ ಆಗಿದೆ. ಹಾರ್ಡ್‌ವೇರ್‌ಗೆ ಸಂಬಂಧಿಸಿದಂತೆ, ಸಸ್ಪೆಂಕ್ಷನ್ ಸೆಟಪ್ ಬಗ್ಗೆ ಹೇಳುವುದಾದರೆ, ಮುಂಭಾಗದಲ್ಲಿ ಇನ್ ವರ್ಟಡ್ ಟೆಲಿಸ್ಕೋಪಿಕ್ ಫೋರ್ಕ್‌ಗಳು ಮತ್ತು ಹಿಂಭಾಗದಲ್ಲಿ ಮೊನೊ-ಶಾಕ್ ಸೆಟಪ್ ಅನ್ನು ಒಳಗೊಂಡಿದೆ,

ಇನ್ನು ಪ್ರಮುಖವಾಗಿ ಈ 250 ಸಿಎಲ್-ಎಕ್ಸ್ ಬೈಕಿನ ಬ್ರೇಕಿಂಗ್ ಸಿಸ್ಟಂ ಬಗ್ಗೆ ಹೇಳುವುದಾದರೆ, ಮುಂಭಾಗ ಮತ್ತು ಹಿಂಭಾಗದಲ್ಲಿ ಡಿಸ್ಕ್ ಬ್ರೇಕ್ ಅನ್ನು ಅಳವಡಿಸಲಾಗಿದೆ. ಇದರ ಜೊತೆಗೆ ಹೆಚ್ಚಿನ ಸುರಕ್ಷತೆಗಾಗಿ ಎಬಿಎಸ್ ಅನ್ನು ಕೂಡ ನೀಡಲಾಗಿದೆ, ಇನ್ನು ಹೊಸ ಸಿಎಫ್‌ಮೋಟೋ 250 ಸಿಎಲ್-ಎಕ್ಸ್ ಬೈಕಿನಲ್ಲಿ 250cc, ಸಿಂಗಲ್-ಸಿಲಿಂಡರ್ ಎಂಜಿನ್ ಅನ್ನು ಹೊಂದಿದೆ, ಈ ಎಂಜಿನ್ 27.6 ಬಿಹೆಚ್‍ಪಿ ಪವರ್ ಮತ್ತು 22 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ.

ಯುನಿಟ್ ಅಸಿಸ್ಟ್ ಕ್ಲಚ್ ಮೂಲಕ ಆರು-ವೇಗದ ಗೇರ್‌ಬಾಕ್ಸ್‌ಗೆ ಜೋಡಿಸಲ್ಪಡುವ ನಿರೀಕ್ಷೆಯಿದೆ. ಇದು ಎಂಜಿನ್ ಉತ್ಪಾದನೆಯ ವಿಷಯದಲ್ಲಿ ಉಳಿದ ಕ್ವಾರ್ಟರ್-ಲೀಟರ್ ನೇಕೆಡ್ ಮೋಟಾರ್‌ಸೈಕಲ್‌ಗಳಂತೆಯೇ ಅದೇ ಲೀಗ್‌ನಲ್ಲಿ ಇರಿಸುತ್ತದೆ. ಈ ಹೊಸ ಸಿಎಫ್‌ಮೋಟೋ 250 ಸಿಎಲ್-ಎಕ್ಸ್ ಮಾದರಿಯು ಕೆಟಿಎಂ 250 ಡ್ಯೂಕ್ ಮತ್ತು ಹಸ್ಕ್​ವರ್ನಾ 250 ಸ್ವಾರ್ಟ್‍‍ಪಿಲೆನ್ 250, ವಿಟ್‌ಪಿಲೆನ್ 250 ಬೈಕ್ ಗಳಿಗೆ ಪೈಪೋಟಿ ನೀಡುತ್ತದೆ,

ಇನ್ನು ಸಿಎಫ್‌ಮೋಟೋ ತನ್ನ ಬಿಎಸ್-6 ಆವೃತ್ತಿಯ 650ಎನ್‌ಕೆ, 650ಜಿಟಿ ಮತ್ತು 650ಎಂಟಿ ಬೈಕ್‌ಗಳನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಕಳೆದ ವರ್ಷ ಬಿಡುಗಡೆಗೊಳಿಸಿತ್ತು. ಇನ್ನು ಈ ಬೈಕ್‌ಗಳ ಬಣ್ಣಗಳ ಬಗ್ಗೆ ಹೇಳುವುದಾದರೆ, ಸಿಎಫ್‌ಮೋಟೋ 650ಎನ್‌ಕೆ,ಪರ್ಲ್ ವೈಟ್ ಮತ್ತು ಅಥೆನ್ಸ್ ಬ್ಲೂ ಬಣ್ಣಗಳಾದರೆ, ಸಿಎಫ್‌ಮೋಟೋ 650ಎಂಟಿ ಬೈಕ್ ರಾಯಲ್ ಬ್ಲೂ ಮತ್ತು ಪರ್ಲ್ ವೈಟ್ ಬಣ್ಣಗಳನ್ನು ಹೊಂದಿದೆ. ಇನ್ನು ಸಿಎಫ್‌ಮೋಟೋ 650ಜಿಟಿ ಬೈಕ್ ಕಾನ್ಸೆಪ್ಟ್ ಬ್ಲ್ಯಾಕ್ ಮತ್ತು ನಿಬೂಲ್ಲ ಬ್ಲೂ ಬಣ್ಣವನ್ನು ಹೊಂದಿದೆ.

ಈ ಸಿಎಫ್‌ಮೋಟೋ ಬೈಕ್‌ಗಳು ಅದೇ ಎಂಜಿನ್‌ ಅನ್ನು ಹೊಂದಿದೆ. ಆದರೆ ಎಂಜಿನ್ ಅನ್ನು ಬಿಎಸ್-6 ಮಾಲಿನ್ಯ ನಿಯಮಕ್ಕೆ ಅನುಗುಣವಾಗಿ ನವೀಕರಿಸಲಾಗಿದೆ. ಇದರ ಬಿಎಸ್-4 ಆವೃತ್ತಿಗೆ ಎಂಜಿನ್‌ಗೆ ಹೋಲಿಸಿದರೆ ಇದು ಪವರ್ ಅಂಕಿಗಳಲ್ಲಿ ಸುಮಾರು 10 ಬಿಹೆಚ್‌ಪಿ ಕಡಿಮೆಯಾಗಿದೆ. ಅಲ್ಲದೇ ಬಿಎಸ್4 ಬೈಕ್‌ಗಳು ವಿಭಿನ್ನ ಸ್ವರೂಪದಿಂದಾಗಿ ವಿಭಿನ್ನ ಎಂಜಿನ್ ಟ್ಯೂನಿಂಗ್ ಹೊಂದಿದ್ದು, ಎನ್‌ಕೆ ಮಾದರಿಗಂತ ಜಿಟಿ ಮತ್ತು ಎಂಟಿ ಮಾದರಿಗಳು ಪವರ್ ಕಡಿಮೆಯಾಗಿದೆ, ಈ ಸಿಎಫ್‌ಮೋಟೋ ಬೈಕ್‌ಗಳಲ್ಲಿ ಅದೇ 650ಸಿಸಿ ಲಿಕ್ವಿಡ್ ಕೂಲ್ಡ್ ಪ್ಯಾರಲಲ್ ಟ್ವಿನ್ ಎಂಜಿನ್ ಗಳನ್ನು ಹೊಂದಿವೆ. ಈ ಎಂಜಿನ್ ನೊಂದಿಗೆ 6-ಸ್ಪೀಡ್ ಗೇರ್ ಬಾಕ್ಸ್ ಅನ್ನು ಜೋಡಿಸಲಾಗಿದೆ,

ಸಿಎಫ್‌ಮೋಟೋ 650ಎಂಟಿ ಬೈಕಿನ ಎಂಜಿನ್ 13.4 ಬಿಹೆಚ್‍ಪಿ ಪವರ್ ಮತ್ತು 8 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಇನ್ನು 650ಜಿಟಿ ಬೈಕಿನ ಎಂಜಿನ್ 5.4 ಬಿಹೆಚ್‌ಪಿ ಪವರ್ ಮತ್ತು 4 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಮೂರನೇ ಮಾದರಿ 650ಎನ್‌ಕೆ ಎಂಜಿನ್ 3.4 ಬಿಹೆಚ್‍ಪಿ ಪವರ್ ಮತ್ತು 2 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಈ ಸಿಎಫ್‌ಮೋಟೋ ಬೈಕ್‌ಗಳು ಅಗ್ರೇಸಿವ್ ಲುಕ್ ಅನ್ನು ಹೊಂದಿದೆ. ಇನ್ನು ಎಂಜಿನ್ ಅನ್ನು ಮಾತ್ರ ನವೀಕರಿಸಿರುವುದನ್ನು ಹೊರತುಪಡಿಸಿ ಉಳಿದಂತೆ ಈ ಬೈಕ್‌ಗಳ ವಿನ್ಯಾಸ ಮತ್ತು ಫೀಚರ್ಸ್ ಗಳಲ್ಲಿ ಯಾವುದೇ ಬದಲಾವಣೆಗಳನ್ನು ಹೊಂದಿಲ್ಲ.

ಹೊಸ ಸಿಎಫ್‌ಮೋಟೋ 250 ಸಿಎಲ್-ಎಕ್ಸ್ ಬೈಕ್ ಬೆಲೆಯನ್ನು ಇನ್ನೂ ಬಹಿರಂಗಪಡಿಸಲಾಗಿಲ್ಲ. ಪ್ರಸ್ತುತಸಿಎಫ್‌ಮೋಟೋ ಭಾರತದ ಪೋರ್ಟ್‌ಫೋಲಿಯೊ ಅಡಿಯಲ್ಲಿ ನಾಲ್ಕು ಮೋಟಾರ್‌ಸೈಕಲ್‌ಗಳನ್ನು ಹೊಂದಿದೆ. ಭಾರತದಲ್ಲಿಸಿಎಫ್‌ಮೋಟೋ 250 ಸಿಎಲ್-ಎಕ್ಸ್ ಬೈಕ್ ಬಿಡುಗಡೆಯ ಬಗ್ಗೆ ಮಾಹಿತಿಗಳು ಬಹಿರಂಗವಾಗಿಲ್ಲ. ಆದರೆ ಭಾರತದಲ್ಲಿ ಅದರ ಸ್ಪೆಕ್ಸ್ ಅನ್ನು ಪರಿಗಣಿಸಿ, ಅದು ಅಚ್ಚುಕಟ್ಟಾಗಿ ಬೆಲೆಯಿದ್ದರೆ, ಇದು 250cc ನೇಕೆಡ್ ವಿಭಾಗದಲ್ಲಿ ಯೋಗ್ಯವಾದ ಆಯ್ಕೆಯಾಗಿದೆ.