ಪೆಡಲಿಂಗ್ ಸಿಸ್ಟಂ ಹೊಂದಿರುವ ಪ್ರಪಂಚದ ಏಕೈಕ ಎಲೆಕ್ಟ್ರಿಕ್ ಬೈಕಿದು

ಪ್ರಮುಖ ವಾಹನ ತಯಾರಕ ಕಂಪನಿಗಳು ಮಾತ್ರವಲ್ಲದೇ ಸ್ಟಾರ್ಟ್ ಅಪ್ ಕಂಪನಿಗಳು ಸಹ ಹೊಸ ಹೊಸ ಎಲೆಕ್ಟ್ರಿಕ್ ವಾಹನಗಳನ್ನು ಬಿಡುಗಡೆಗೊಳಿಸುತ್ತಿವೆ. ಈಗ ಇ-ರಾಕೆಟ್ ಸಿಸ್ಟಂಸ್ ಎಂಬ ಕಂಪನಿ ಹೊಸ ಎಲೆಕ್ಟ್ರಿಕ್ ಬೈಕ್ ಅನ್ನು ಪರಿಚಯಿಸಿದೆ.

ಜರ್ಮನಿ ಮೂಲದ ಕಂಪನಿಯಾದ ಇ-ರಾಕೆಟ್ ಸಿಸ್ಟಂಸ್ ಜಿಎಂಬಿಹೆಚ್ ಅಭಿವೃದ್ಧಿಪಡಿಸಿರುವ ಈ ಎಲೆಕ್ಟ್ರಿಕ್ ಬೈಕ್, ಬೇರೆ ಯಾವುದೇ ಮೋಟಾರ್‌ಸೈಕಲ್‌ ಹೊಂದಿರದ ಫೀಚರ್ ಅನ್ನು ಹೊಂದಿದೆ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಈ ಬೈಕಿನಲ್ಲಿ ಸೈಕಲ್‌ಗಳಲ್ಲಿ ಕಂಡುಬರುವಂತಹ ಪೆಡಲಿಂಗ್ ಸಿಸ್ಟಂ ಅನ್ನು ಅಳವಡಿಸಲಾಗಿದೆ. ಈ ಮೂಲಕ ಈ ಬೈಕ್ ಪೆಡಲಿಂಗ್ ಸಿಸ್ಟಂ ಫೀಚರ್ ಹೊಂದಿರುವ ವಿಶ್ವದ ಮೊದಲ ಬೈಕ್ ಎಂಬ ಹೆಗ್ಗಳಿಕೆಯನ್ನು ಪಡೆದಿದೆ. ಈ ಕಾರಣಕ್ಕಾಗಿ ಇ-ರಾಕೆಟ್ ಎಲೆಕ್ಟ್ರಿಕ್ ಬೈಕ್ ವಿಶ್ವಾದ್ಯಂತವಿರುವ ಎಲೆಕ್ಟ್ರಿಕ್ ವಾಹನ ಪ್ರಿಯರನ್ನು ತನ್ನತ್ತ ಆಕರ್ಷಿಸಿದೆ.

ಈ ವಾಹನದ ಆರಂಭಿಕ ಬೆಲೆಯನ್ನು 11,850 ಯುರೋಗಳಿಗೆ ನಿಗದಿಪಡಿಸಲಾಗಿದೆ. ಅಂದರೆ ಭಾರತದ ರೂಪಾಯಿ ಮೌಲ್ಯದಲ್ಲಿ ರೂ.9.88 ಲಕ್ಷಗಳಾಗಿದೆ. ಆದರೆ ಈ ಬೆಲೆಯು ಕೇವಲ ಅಂದಾಜು ಮೌಲ್ಯ ಎಂಬುದು ಗಮನಿಸಬೇಕಾದ ಸಂಗತಿ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಕಂಪನಿಯು ಈ ಬೈಕ್ ಅನ್ನು ಹಗುರವಾದ ವಾಹನವೆಂದು ಪರಿಗಣಿಸಿದೆ. ಈ ಬೈಕ್ ಅನ್ನು ಎಲೆಕ್ಟ್ರಿಕ್ ಇಲ್ಲದಿದ್ದರೂ ಬಳಸಬಹುದಾಗಿದೆ. ಇದಕ್ಕಾಗಿಯೇ ಪೆಡಲಿಂಗ್ ಅನ್ನು ವಿಶೇಷವಾಗಿ ನೀಡಲಾಗಿದೆ. ಇದರಿಂದಾಗಿ ಈ ಬೈಕ್ ಅನ್ನು ಹೈಬ್ರಿಡ್ ಎಲೆಕ್ಟ್ರಿಕ್ ಬೈಸಿಕಲ್ ಎಂದು ಪರಿಗಣಿಸಬಹುದು.

ಕಂಪನಿಯು ಈ ವಾಹನವನ್ನು ಹಗುರವಾದ ವಾಹನವೆಂದು ಅಭಿವೃದ್ಧಿಪಡಿಸಿರುವ ಕಾರಣಕ್ಕೆ ಈ ಬೈಕ್ ಅನ್ನು ಪೆಡಲ್ ಮಾಡುವುದು ಹಾಗೂ ನಿರ್ವಹಣೆ ಮಾಡುವುದು ಸುಲಭ. ಕಡಿಮೆ ತೂಕಕ್ಕಾಗಿ ಈ ಬೈಕಿನಲ್ಲಿ ಹೈ ಸ್ಟೆಬಿಲಿಟಿ ಅಲ್ಯೂಮಿನಿಯಂ ಬಳಸಲಾಗಿದೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಈ ಎಲೆಕ್ಟ್ರಿಕ್ ಬೈಕಿನ ಆಕರ್ಷಣೆಯನ್ನು ಹೆಚ್ಚಿಸಲು ರೆಟ್ರೊ ಲುಕ್ ನೀಡಲಾಗಿದೆ. ಅಗತ್ಯಕ್ಕೆ ಅನುಸಾರವಾಗಿ ಎಲೆಕ್ಟ್ರಿಕ್ ಲೈಟ್ ಹಾಗೂ ಇತರ ಬಿಡಿ ಭಾಗಗಳನ್ನು ಬಳಸಲಾಗಿದೆ. ಈ ಬೈಕಿನಲ್ಲಿ ಒಂದೇ ಒಂದು ಸೀಟ್ ಹಾಗೂ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಅಳವಡಿಸಲಾಗಿದೆ.

ಈ ಬೈಕಿನಲ್ಲಿರುವ ಬ್ಯಾಟರಿಗಳನ್ನು ಸೀಟಿನ ಮುಂದೆ ಇರುವ ಮಧ್ಯ ಭಾಗದಲ್ಲಿ ಅಳವಡಿಸಲಾಗಿದೆ. ಎಲೆಕ್ಟ್ರಿಕ್ ಬೈಕಿನ ಕಾರ್ಯಾಚರಣೆಗಾಗಿ ವಿವಿಧ ಪ್ರಮುಖ ಅಂಶಗಳನ್ನು ಅಳವಡಿಸಲಾಗಿದೆ. ಆದರೆ ಶೀಲ್ಡ್ ಕವರ್ ಅನ್ನು ಮೇಲಿನಿಂದ ಜೋಡಿಸಲಾಗಿರುವುದರಿಂದ ಅವುಗಳನ್ನು ಹೊರಗಿನಿಂದ ನೋಡಲು ಸಾಧ್ಯವಾಗುವುದಿಲ್ಲ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಈ ಎಲೆಕ್ಟ್ರಿಕ್ ಬೈಕ್ 16 ಕಿ.ವ್ಯಾ ಸಾಮರ್ಥ್ಯದ ಎಲೆಕ್ಟ್ರಿಕ್ ಮೋಟರ್ ಹೊಂದಿದೆ. ಈ ಬೈಕಿನಲ್ಲಿರುವ 6.6 ಕಿ.ವ್ಯಾ ಬ್ಯಾಟರಿ ಅಗತ್ಯವಿರುವ ಎಲೆಕ್ಟ್ರಿಕ್ ಪವರ್ ಅನ್ನುಒದಗಿಸುತ್ತದೆ. ಈ ಎಲೆಕ್ಟ್ರಿಕ್ ಬೈಕ್ ಪೂರ್ತಿಯಾಗಿ ಚಾರ್ಜ್‌ ಆದ ನಂತರ ಸುಮಾರು 120 ಕಿ.ಮೀಗಳವರೆಗೆ ಚಲಿಸುತ್ತದೆ.

ಪ್ರತಿ ಗಂಟೆಗೆ 80 ಕಿಮೀಗಳ ಟಾಪ್ ಸ್ಪೀಡ್ ಹೊಂದಿರುವ ಈ ಎಲೆಕ್ಟ್ರಿಕ್ ಬೈಕಿನಲ್ಲಿ ಇಕೋ, ನಾರ್ಮಲ್ ಹಾಗೂ ಸ್ಪೋರ್ಟ್ಸ್ ಎಂಬ ರೈಡಿಂಗ್ ಮೋಡ್‌ಗಳನ್ನು ನೀಡಲಾಗಿದೆ. ಇಕೋ ಮೋಡ್ ಮೂಲಕ ಚಾಲನೆ ಮಾಡಿದರೆ ಹೆಚ್ಚು ದೂರ ಚಲಿಸಬಹುದು ಎಂಬುದು ಗಮನಾರ್ಹ.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

ಈ ಎಲೆಕ್ಟ್ರಿಕ್ ಬೈಕ್ ಅನ್ನು ಸದ್ಯಕ್ಕೆ ಜರ್ಮನಿಯಲ್ಲಿ ಮಾತ್ರ ಮಾರಾಟ ಮಾಡಲಾಗುತ್ತದೆ. ಭಾರತದಲ್ಲಿ ಈ ಎಲೆಕ್ಟ್ರಿಕ್ ಬೈಕ್ ಅನ್ನು ಬಿಡುಗಡೆಗೊಳಿಸುವ ಬಗ್ಗೆ ಯಾವುದೇ ಮಾಹಿತಿ ಲಭ್ಯವಾಗಿಲ್ಲ.