ಒಂದೇ ದಿನದಲ್ಲಿ ಒಂದು ಲಕ್ಷಕ್ಕೂ ಹೆಚ್ಚು ದ್ವಿಚಕ್ರ ವಾಹನಗಳನ್ನು ಮಾರಾಟ ಮಾಡಿದ ಹೀರೋ ಮೋಟೊಕಾರ್ಪ್

ಹೀರೋ ಮೋಟೊಕಾರ್ಪ್ ಕಂಪನಿಯ ಸೇಲ್ಸ್ & ಆಫ್ಟರ್ ಸೇಲ್ಸ್ ಮುಖ್ಯಸ್ಥ ನವೀನ್ ಚೌಹಾಣ್ ಅವರು ಮಾತನಾಡಿ, ವಾರ್ಷಿಕೋತ್ಸವದ ಅವಧಿಯಲ್ಲಿ ಒಂದೇ ದಿನದಲ್ಲಿ ಈ ರೀತಿಯ ಚಿಲ್ಲರೆ ಮಾರಾಟ ಅಭೂತಪೂರ್ವವಾಗಿದೆ. ಆಗಸ್ಟ್ 9 ರಂದು ನಮ್ಮ ಪ್ರಯಾಣದ 10 ವರ್ಷಗಳ ಪೂರ್ಣಗೊಳಿಸುವಿಕೆ ಹೀರೋ ಮೋಟೋಕಾರ್ಪ್‌ನಲ್ಲಿ ಮಹತ್ವದ ಮೈಲಿಗಲ್ಲಾಗಿದೆ. ನಮ್ಮ ಗ್ರಾಹಕರು ಆಗಸ್ಟ್ 9 ರ 'ಹೀರೋ ಡೇ' ಆಚರಿಸುವ ಮೂಲಕ ನಮ್ಮ ಮೇಲಿನ ನಂಬಿಕೆ ಮತ್ತು ನಂಬಿಕೆಯನ್ನು ಪುನರುಚ್ಚರಿಸಿದ್ದಾರೆ, ನಮ್ಮ ಉತ್ಪನ್ನಗಳ ಶ್ರೇಣಿಯನ್ನು ಬೃಹತ್ ಸಂಖ್ಯೆಯಲ್ಲಿ ಖರೀದಿಸಿ, ಒಂದೇ ದಿನದಲ್ಲಿ ಚಿಲ್ಲರೆ ಮಾರಾಟದ ಈ ದಾಖಲೆಯನ್ನು ನಿರ್ಮಿಸಲು ಅನುವು ಮಾಡಿಕೊಟ್ಟಿದೆ ಎಂದರು.

ಹೀರೋ ಮೋಟೊಕಾರ್ಪ್ ಶ್ರೇಣಿಯ ಉತ್ಪನ್ನಗಳ ಚಿಲ್ಲರೆ ಬೇಡಿಕೆಯಿಂದಾಗಿ ಮಾರಾಟದಲ್ಲಿ ದಾಖಲೆಯ ಸಂಖ್ಯೆಯನ್ನು ಸಾಧಿಸಲಾಗಿದೆ. ಸ್ಕೂಟರ್ ಸೇರಿದಂತೆ ಎಂಟ್ರಿ, ಡಿಲಕ್ಸ್ ಮತ್ತು ಪ್ರೀಮಿಯಂ ದ್ವಿಚಕ್ರ ವಾಹನಗಳ ಕೊಡಿಗೆ ಕೂಡ ಇದೆ.

ದ್ವಿಚಕ್ರ ವಾಹನ ತಯಾರಕರು ಆಗಸ್ಟ್ 9 ರ ಹೀರೋ ದಿನದಂದು ತನ್ನ ದೈನಂದಿನ ಸರಾಸರಿ ಸ್ಕೂಟರ್ ಮಾರಾಟವನ್ನು ದ್ವಿಗುಣಗೊಳಿಸಿದರು. ಹೊಸದಾಗಿ ಬಿಡುಗಡೆಯಾದ ಮೇಸ್ಟ್ರೋ ಎಡ್ಜ್ 125, ಡೆಸ್ಟಿನಿ ಮತ್ತು ಪ್ಲೆಶರ್ 110 ಸೇರಿದಂತೆ ಸ್ಕೂಟರ್‌ಗಳ ಮಾದರಿಗಳು ಹೆಚ್ಚಿನ ಬೇಡಿಕೆಯನ್ನು ಪಡೆದುಕೊಂಡಿತ್ತು.

ಈಗಿರುವ ಶ್ರೇಣಿಯ ಜೊತೆಗೆ, ಇತ್ತೀಚೆಗೆ ಬಿಡುಗಡೆಯಾದ ಗ್ಲಾಮ ಮ್ಯಾಟ್, ಮ್ಯಾಟ್ ಶೀಲ್ಡ್ ಗೋಲ್ಡ್ ಬಣ್ಣದಲ್ಲಿ ಹೊಸ ಸ್ಪ್ಲೆಂಡರ್, ಮತ್ತು ಎಕ್ಸ್ ಟ್ರೇಮ್ 160ಆರ್ ಮಾದರಿಗಳು ಸೇರಿ ಒಟ್ಟಾರೆ ಒಂದು ಲಕ್ಷ ಚಿಲ್ಲರೆ ಮಾರಾಟವನ್ನು ದಾಖಲಿಸಿದೆ.

ತನ್ನ ಹಿಂದಿನ ಜಂಟಿ ಪಾಲುದಾರಿಕೆಯಿಂದ ಬೇರ್ಪಟ್ಟ ನಂತರ, ಹೀರೋ ಮೋಟೋಕಾರ್ಪ್ ತನ್ನ ಹೊಸ ಬ್ರಾಂಡ್ ಗುರುತನ್ನು ಲಂಡನ್‌ನ ಸಾಂಪ್ರದಾಯಿಕ O2 ಅರೆನಾದಲ್ಲಿ ಆಗಸ್ಟ್ 9, 2011 ರಂದು ಅನಾವರಣಗೊಳಿಸಿತು. ಈ ವರ್ಷ ಆಗಸ್ಟ್ 9, ಕಂಪನಿಯ 10ನೇ ವಾರ್ಷಿಕೋತ್ಸವವನ್ನು ಅಚರಿಸಿತು.

ಹೀರೋ ಮೋಟೊಕಾರ್ಪ್ 2021ರ ಜುಲೈ ತಿಂಗಳಿನ ತನ್ನ ಮಾರಾಟ ವರದಿಯನ್ನು ಇತ್ತೀಚೆಗೆ ಬಹಿರಂಗಪಡಿಸಿತ್ತು. ಈ ವರದಿಯ ಪ್ರಕಾರ, ಕಳೆದ ತಿಂಗಳು ಹೀರೋ ಮೋಟೊಕಾರ್ಪ್ ಕಂಪನಿಯು 4,54,398 ದ್ವಿಚಕ್ರ ವಾಹನಗಳನ್ನು ಮಾರಾಟ ಮಾಡಿದೆ. ಕಳೆದ ವರ್ಷದ ಜುಲೈ ತಿಂಗಳಿನಲ್ಲಿ ಹೀರೋ ಮೋಟೊಕಾರ್ಪ್ ಕಂಪನಿಯು 5,20,104 ಯುನಿಟ್‌ಗಳನ್ನು ಮಾರಾಟ ಗೊಳಿಸಿತ್ತು.

ಇದನ್ನು ಕಳೆದ ತಿಂಗಳ ಮಾರಾಟಕ್ಕೆ ಹೋಲಿಸಿದರೆ ಶೇ.12.6 ಕುಸಿತ ಕಂಡಿದೆ. ಕಂಪನಿಯ ಹೆಚ್ಚಿನ ರಿಟೇಲ್ ಟಚ್ ಪಾಯಿಂಟ್‌ಗಳು ಕಾರ್ಯನಿರ್ವಹಿಸುತ್ತಿವೆ ಎಂದು ಕಂಪನಿಯು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ .ಕೆಲವು ರಾಜ್ಯಗಳಿಂದ ಸ್ಥಳೀಯ ಲಾಕ್‌ಡೌನ್‌ಗಳನ್ನು ಹೇರಲಾಗಿದ್ದು, ಅದೇನೇ ಇದ್ದರೂ, ಹೀರೋ ಮೋಟೋಕಾರ್ಪ್ ಸಾಕಷ್ಟು ಆಶಾವಾದಿಯಾಗಿದ್ದೇವೆ.

ಭಾರತದ ಗ್ರಾಮೀಣ ಭಾಗದಲ್ಲಿ ಮತ್ತು ಸಣ್ಣ ನಗರಗಳ ಮಾರುಕಟ್ಟೆಯಲ್ಲಿ ಉತ್ತಮ ಆದ್ಯತೆಯ ಮೇಲೆ ಪುಟಿದೇಳುವ ನಿರೀಕ್ಷೆಯಿದೆ ಎಂದು ಹೀರೋ ಕಂಪನಿ ಹೇಳಿದೆ. ಕಳೆದ ತಿಂಗಳಿನಲ್ಲಿ ಕಂಪನಿಯು 4,29,208 ಯೂನಿಟ್‌ಗಳನ್ನು ಮಾರಾಟ ಮಾಡಿದೆ. ಕಳೆದ ವರ್ಷ ಇದೇ ಅವಧಿಯಲ್ಲಿ 5,12,541 ಯುನಿಟ್‌ಗಳನ್ನು ಇಲ್ಲಿ ಮಾರಾಟ ಮಾಡಲಾಗಿತ್ತು.

ಮಾರಾಟದಲ್ಲಿ ಕುಸಿತವನ್ನು ಕಂಡಿದರೆ ರಫ್ತಿನಲ್ಲಿ ಗಮನಾರ್ಹ ಬದಲಾವಣೆಗಳನ್ನು ಕಂಡಿದೆ. ಕಳೆದ ತಿಂಗಳು ಹೀರೋ ಮೋಟೊಕಾರ್ಪ್ ಕಂಪನಿಯು 25,190 ಯುನಿಟ್‌ಗಳನ್ನು ರಫ್ತು ಮಾಡಿದೆ. ಇನ್ನು ಕಳೆದ ವರ್ಷದ ಜುಲೈ ತಿಂಗಳಿನಲ್ಲಿ ಕೇವಲ 7,563 ಯುನಿಟ್‌ಗಳನ್ನು ಮಾಡಲಾಗಿತ್ತು. ಇದಕ್ಕೆ ಹೋಲಿಸಿದರೆ ಕಳೆದ ತಿಂಗಳು ರಫ್ತಿನಲ್ಲಿ ಭಾರೀ ಬೆಳವಣೆಗೆಯನ್ನು ಸಾಧಿಸಿದೆ.

ಹೀರೋ ಮೋಟೊಕಾರ್ಪ್ ತನ್ನ ಪೋರ್ಟ್ಫೋಲಿಯೊದಲ್ಲಿರುವ ಹಲವಾರು ಜನಪ್ರಿಯ ಮಾದರಿಗಳನ್ನು ಹೊಸ ನವೀಕರಣಗಳೊಂದಿಗೆ ಬಿಡುಗಡೆಗೊಳಿಸುತ್ತಿದೆ. ಇದೀಗ ಹೀರೋ ಕಂಪನಿಯು ಜನಪ್ರಿಯ ಗ್ಲ್ಯಾಮರ್ ನವೀಕರಿಸಿ ಬಿಡುಗಡೆಗೊಳಿಸಲು ಸಜ್ಜಾಗುತ್ತಿದೆ. ಹೀರೋ ಮೋಟೊಕಾರ್ಪ್ ಕಂಪನಿಯು ಹೊಸ ಗ್ಲ್ಯಾಮರ್ ಬೈಕಿನ ಹೊಸ ಟೀಸರ್ ಅನ್ನು ಬಿಡುಗಡೆಗೊಳಿಸಿದೆ. ಹೊಸ ಹೀರೋ ಗ್ಲ್ಯಾಮರ್ ಬೈಕ್ ಕಾಸ್ಮೆಟಿಕ್ ಮತ್ತು ಸಣ್ಣ ಯಾಂತ್ರಿಕ ನವೀಕರಣಗಳನ್ನು ಪಡೆದುಕೊಳ್ಳುತ್ತದೆ.

ಈ ನವೀಕರಿಸಿದ ಹೊಸ ಗ್ಲ್ಯಾಮರ್ ಬೈಕ್ ಎಲ್ಇಡಿ ಹೆಡ್‌ಲ್ಯಾಂಪ್, ಎಚ್-ಆಕಾರದ ಡಿಆರ್‌ಎಲ್, ಹೊಸ ಗ್ಲೋಸ್ ಬ್ಲ್ಯಾಕ್ ಬಣ್ಣ ಮತ್ತು ಟರ್ನ್-ಬೈ-ಟರ್ನ್ ನ್ಯಾವಿಗೇಷನ್ ಮತ್ತು ಕಾಲ್ ಅಲರ್ಟ್‌ಗಳನ್ನು ಪ್ರದರ್ಶಿಸು ಸಂಪೂರ್ಣವಾದ ಡಿಜಿಟಲ್ ಇನ್ಸ್ ಟ್ರೂಮೆಂಟ್ ಕ್ಲಸ್ಟರ್ ಅನ್ನು ಪಡೆಯಬಹುದು ಎಂದು ನಿರೀಕ್ಷಿಸುತ್ತೇವೆ. ಈ ಬೈಕಿನಲ್ಲಿ ಕರೆ ಮತ್ತು ಎಸ್‌ಎಂಎಸ್‌ನೊಂದಿಗೆ ಬ್ಲೂಟೂತ್ ಕನೆಕ್ಟಿವಿಟಿ ನೀಡುತ್ತದೆ ಮ್ಯಾಪ್ ಜೊತೆ ಅಲರ್ಟ್ ಮತ್ತು ಟರ್ನ್-ಬೈ-ಟರ್ನ್ ನ್ಯಾವಿಗೇಷನ್ ಒಳಗೊಂಡಿದೆ. ಇನ್ನು ಒಟ್ಟಿನಲ್ಲಿ ಸ್ಟ್ಯಾಂಡರ್ಡ್ ಹೀರೋ ಗ್ಲ್ಯಾಮರ್ ಹೊಸ ನವೀಕರಣಗಳನ್ನು ಪಡೆಯಲಿದೆ.

ಈ ಹೊಸ ಹೀರೋ ಗ್ಲ್ಯಾಮರ್ ಬೈಕ್ ಶೀಘ್ರದಲ್ಲೇ ಭಾರತದಲ್ಲಿ ಬಿಡುಗಡೆಯಾಗಲಿದೆ. ಇನ್ನು ಹೀರೋ ಮೋಟೊಕಾರ್ಪ್ ತನ್ನ ಪೋರ್ಟ್ಫೋಲಿಯೊದಲ್ಲಿರುವ ಹಲವಾರು ಜನಪ್ರಿಯ ಮಾದರಿಗಳನ್ನು ಹೊಸ ನವೀಕರಣಗಳೊಂದಿಗೆ ಬಿಡುಗಡೆಗೊಳಿಸುತ್ತಿದೆ. ಇದರ ಮೂಲಕ ಹೀರೋ ಕಂಪನಿಯು ದ್ವಿಚಕ್ರ ವಿಭಾಗದಲ್ಲಿ ತನ್ನ ಪಾರುಪತ್ಯ ಮುಂದುವರೆಸಲಿದೆ.